2 Rey 2:12 - Kaqchiquel Bible

¹² Y toq ri Eliseo xutz'et keri', xsik'in y xubij: ¡Nata' yin, nata' yin, ri Jehová kan rubanon k'a chawe chi kan at jun nimalej to'onel y aj-labal richin ri tinamit Israel, xcha'. Y keri' kan man jun bey chik k'a xutz'et ruwech ri Elías. Chirij ri', ri Eliseo xuchop k'a ri rutziaq ri rukusan, y xuretz pa ka'i'.

2 Rey 2:12 ပူးပေါင်းရင်းမြစ်များ

2 Rey 13:14

Toq k'a k'es na ri Joás, rey richin Israel, xberutz'eta' kan juba' ri Eliseo roma janila yawa' y kan niken yan. Y ri Joás kan janila k'a xoq', xuq'etej y xubij chire: Wajaw, ja rat ri más oj ato'on chikiwech ronojel ri carruaje richin oyowal y ri achi'a' ri yech'oke' chirij kiej, xcha'.

Apocalipsis 11:12

Xintz'et chi ri e ka'i' q'alajirisey ruch'abel ri Dios ri xk'oje' chik el jun bey kik'aslen, xkak'axaj k'a jun ch'abel ri chila' chikaj ri xubij: xkijote-pe wawe', xcha'. Y rije' xejote-q'anej chikaj pa jun sutz', ri e etzelanel kichin kan jebel k'a xekitz'et-el toq xebe chikaj.

Efesios 4:8

Roma ri', chupan ri ruch'abel ri Dios nubij chirij ri Cristo: Toq xjote-q'anej chila' chikaj, xeruk'uaj-el ri ek'o pa ximonri'il. Y xuya' k'a pe jalajoj sipanik chiqe roj ri winaqi'.*f3*

2 Corintios 5:4

Roj kan yojjilon y niqak'owisaj tijoj-poqonal rik'in re ch'akulaj re qak'uan, jak'a man niqajo' ta chi niqaya' yan kan. Ri niqajo' ja ri nipe yan ta ri k'ak'a' qachoch, richin keri' ri ch'akulaj ri xa kamel nijalatej yan ta rik'in ri man kamel ta.

2 Corintios 5:2

Wakami kan yojjilo, roma kan janila k'a rayibel qik'in chi yojok yan ta chupan ri jun chik qachoch ri k'o chila' chikaj.

Hechos 8:2

Jak'a ek'o jujun achi'a' ri xbekimuqu' ri Esteban y xkoq'ej roma kan k'o-wi k'a ri Dios pa kánima.

Hechos 1:9

Y kan xaxe chik k'a ri ch'abel ri' ri xubij kan, kan jari' xuchop xbe chila' chikaj. Y ri ek'o rik'in, kan kitzuliben k'a toq xyakatej-el chikiwech, y xok-el pa jun sutz', y man chik xkitz'et ta.

San Juan 3:13

Man jun k'a ri apowineq ta ri chila' chikaj, xa kan xaxe k'a ri jun qajineq-pe. Kan xaxe ri jun ri xqaqa-pe achi'el wineq chiqakojol, ri chila' chikaj rik'in ri Dios k'o-wi rachoch.

San Lucas 24:51

Xk'uluwachitej k'a chi toq ri Jesús najin yerurtisaj, jari' k'a toq rija' xyakatej-el pa kaq'iq' y xuk'uex k'a el chikaj.

San Lucas 2:15

Toq ri ángel xetzolej-q'anej chila' chikaj, kan jari' toq ri yuq'unela' xkibila-qa chikiwech: Jo' junanin pa Belén. Jo' chutz'etik ri ak'ual ri xalex chila'. Roma ri ajaw kan xuteq-pe re rutzijol chiqe, xecha'.

Marcos 16:19

Toq ri ajaw Jesús ch'owineq chik kan kik'in ri rutijoxela', xbe y ri chila' chikaj xk'ul roma ri Dios, y xtz'uye-apo pa rijkiq'a'.

Wuj Richin ri Isaías 37:21

K'ari' ri Isaías xuteq rubixik chire ri Ezequías, y xubij chire: Jare' ri rutzijol ri nuya' ri Jehová ri qa-Dios roma xach'on rik'in pa ruwi' ri Senaquerib rey richin Asiria.

Wuj Richin ri Isaías 37:15

Y ri Ezequías xch'on rik'in ri Dios y xubij:

Wuj Richin Etamabel-Tzij 30:4

¿Kan k'o ta kami jun wineq ri xbe yan chila' chikaj y xtzolin ta chik pe? ¿Kan k'o ta kami jun wineq ri nitikir nuchop ri kaq'iq' rik'in ri ruq'a'? ¿Kan k'o ta kami jun ri nitikir nuyek ri ya' pa jun tzieq? ¿Kan k'o ta k'a kami jun ri nitikir nuya' retal ri akuchi k'o-wi ri ruchi' ri ruwach'ulew? ¿Y achike kami etamayon rubi' ri nitikir nibanon keri', y retaman ta rubi' ri ruk'ajol?

Hechos 27:24

Y ri ángel ri' xubij chuwe: Pablo, man k'a taxibij-awi'. Rat kan k'o k'a chi yatapon na ri pa Roma chuwech ri César. Roma ri' man jun k'a xtak'uluwachij. Y awoma k'a rat, ri Dios xkerukol k'a chuqa' ri e awachibilan-el chupan re jun barco re'. Kan man jun k'a xtiken kan chiwe, xinuche'ex roma ri ángel.

Wuj Richin ri Isaías 37:4

Rik'in juba' ri Jehová ri qa-Dios xrak'axaj ri ch'abel ri xubij ri aj-raqen pa kiwi' ri aj-labal aj-Asiria, richin noruya' ruk'ix ri k'aslik Dios. Y rik'in juba' ri Dios xtuya' rutojbalil pa ruwi' roma ri ch'abel ri'. Wakami kach'on k'a rik'in ri qa-Dios pa qawi' roj y pa kiwi' ri k'a ek'o kan, xecha'.

Wuj Richin ri Molojri'il 7:19

Ri na'oj ri k'o rik'in jun wineq aj-na'oj kan nuya' janila ruchuq'a', jun uchuq'a' más nim ke chuwech ri kuchuq'a' lajuj q'atoy taq tzij pa jun tinamit.

Wuj Richin Etamabel-Tzij 11:11

Ri tinamit kan nibe k'a pa jotol, roma ri urtisanik ri nikik'ul ri choj kik'aslen, ri tinamit xa nitzaq, roma ri ch'abel ri ye'el pa kichi' ri e banoy etzelal.

Wuj Richin ri Achin Job 22:30

Roma ri' ri Dios kan xkarukol k'a, wi kan maneq amak achi'el ri nabij, kan xkarukol k'a wi ri ak'aslen kan ch'ajch'oj chuwech Rija', xcha' ri Elifaz.

Wuj Richin ri Rutikeribel 37:34

K'ari' rija' xuretz ri rutziaq chirij, xukusaj ri tzieq ri richin bis y janila k'iy q'ij xubisoj ri rukamik ri ruk'ajol.

2 Rey 2:13

Chuqa' xusik'-el ri ko'ol raqen rutziaq ri Elías, ri xutzeq kan toq xbe, y keri' xtzolin chuchi' ri raqen-ya' Jordán, y chiri' xpa'e-wi.

2 Rey 5:13

Jak'a ri rusamajela' ri Naamán xebe-apo rik'in y xkibij chire: Qajaw roj, wi ta ri q'alajirisey ruch'abel ri Dios nubij ta chawe chi tabana' jun samaj ri janila k'ayew, rat kan ta xaben. Jak'a re wakami, xaxe xubij chawe chi kabetatin chupan ri raqen-ya' Jordán, y xkak'achoj, xecha'.

2 Rey 6:21

Toq ri rey richin Israel xerutz'et, kan xuk'utuj k'a chire ri Eliseo y xubij: Ajaw, ¿yeqakamisaj re winaqi' re'? ¿Kan yeqakamisaj wakami yan?, xcha'.

Wuj Richin ri Rutikeribel 5:24

Rija' kan xk'ase' achi'el ri xrajo' ri Dios y jun q'ij xsach-el, roma ja ri Dios xuk'uan-el richin.

Wuj Kichin ri To'onela' 17:10

Xeri' ri Micaías xubij chire: Kak'oje-qa wawe' pa wachoch, y rat xkatok nupixabanel, y chuqa' xkatok nu-sacerdote, y ronojel juna' xtinya' ka'i' libra saqipueq chawe, y chuqa' xtinya' atziaq y away, xcha'. Y ri levita utz xrak'axaj ri xbix chire.