2 Rey 19:6 - Kaqchiquel Bible

⁶ rija' xubij chike: Tibij chire ri Ezequías chi ri Jehová nubij chi man tixibij-iwi' roma ri itzel taq ch'abel ri xkibij ri aj-raqen richin ri rey richin Asiria.

2 Rey 19:6 ပူးပေါင်းရင်းမြစ်များ

2 Rey 18:35

¿Achike ta k'a chike konojel re dios kichin re ruwach'ulew re' tikirineq ta rukolon ri ruwach'ulew pa ruq'a' ri rey richin Asiria, richin chi ri Jehová nukol ri tinamit Jerusalem pa ruq'a'?, xcha'.

2 Rey 18:17

Chiri' pa tinamit Laquis akuchi-k'o-wi ri Senaquerib, ek'o chuqa' e oxi' aj-raqen pa kiwi' konojel ri aj-labal. Y ri Senaquerib xeruteq-el re oxi' aj-raqen re' e kachibilan-el e k'iy aj-labal, richin xe'apon pa Jerusalem akuchi-k'o-wi ri rey Ezequías. Toq xe'apon pa Jerusalem, xek'oje' k'a qa chunaqaj ri yakbel-ya' ri k'o-q'anej pa jotol, ri k'o pa bey ri akuchi yeban-wi tzieq.

2 Crón 20:15

y roma ri' rija' xubij: Tiwak'axaj k'a chi'iwonojel rix ri ix richin ri ajawaren richin Judá, chuqa' rix aj-Jerusalem, y rat rey Josafat. Ri Jehová nubij chiwe chi man tixibij-iwi' y man kixmayamo-qa chikiwech ri janila chi winaqi' ri e peteneq chiwij, roma re labal re' man iwichin ta rix, xa kan richin ri Jehová.

Apocalipsis 13:6

Y kan keri' k'a xuben ri chikop ri'. Itzel xch'on chirij ri Dios, xuyoq' ri rubi', itzel chuqa' xch'on chirij ri rachoch ri Dios y chikij ri ek'o chila' chikaj.

Wuj Richin ri Isaías 51:7

Kiniwak'axaj k'a rix winaqi' ri iwetaman ri ruchojmilal, tinamit ri kan k'o ri nupixa' pan iwánima. Man tixibij-iwi', y man kixk'ix chikiwech ri winaqi' ri yech'on itzel chiwij. Y man timayamo-qa ri iwánima chikiwech ri janila yixkiyoq'.

Wuj Richin Bix Chire ri Dios 74:23

Man tamestaj-qa chi ri e etzelanel awichin jantape' yesik'in chawij, y ri kiyakatajinenri'il man yetane' ta chire.

Wuj Richin Bix Chire ri Dios 74:18

Toqaqa k'a chi'ak'u'x chi ri e etzelanel kan kiya'on ak'ix rat Jehová. Chuqa' ri e nakaneq taq winaqi' xa yatkiyoq' k'a rat.

2 Crón 20:17

Man ja ta rix ri xkixbanon oyowal; rix xaxe kixpa'e' chiri' y tiwoyobej, y kan xtitz'et k'a chi ri Jehová xkixrukol. Rix winaqi' aj-Jerusalem y chuqa' rix ri ix richin ri ajawaren richin Judá, man tixibij k'a iwi' y man kixmayamo-qa; kixbiyin k'a chikij ri chua'q, y ri Jehová kan xtik'oje' iwik'in, keri' nubij ri Jehová, xcha' ri Jahaziel chike.

2 Rey 18:30

Man nikuquba' ik'u'x rik'in ri Jehová toq ri Ezequías nubij chiwe chi ri Jehová kan xkixrukol, y chuqa' chi ri itinamit man xtijach ta pa nuq'a', nicha' ri rey richin Asiria.

2 Rey 6:16

Y ri Eliseo xubij chire: Man taxibij-awi', roma más e k'iy ri ek'o qik'in roj ke ri ek'o kik'in rije', xcha'.

Wuj Richin ri Josúe 11:6

K'ari' ri Jehová xubij chire ri Josué: Man tak'en kikiy rije', roma ke taq wa' chua'q xenjech yan pan iq'a', y konojel rije' e kaminaqi' chik. Y rix xke'itzak'ila' kan ri paten-iboch' richin ri kaqen ri kikiej, y ri ki-carruaje xke'iporoj kan, xcha'.

Deut 20:1

Toq rix xkixbe pa labal kik'in ri etzelanel iwichin, y kan xke'itz'et chi ek'o janila kikiej y ki-carruaje e richin labal y kan janila e k'iy ri aj-labal más ke chiwech rix, man tixibij-iwi' chikiwech, roma rix man iyon ta ixk'o, kan k'o ri Jehová ri qa-Dios iwik'in, ri xojelesan-pe pan Egipto.

Wuj Richin ri Chojmirisabelri'il 26:8

Ri e wok'al etzelanel iwichin xke'animej chikiwech e wo'o' iwinaq. Y ri e 10,000 xke'animej chikiwech e wok'al iwinaq. Konojel ri etzelanel iwichin xkeken k'a chiwech.

Ex 14:13

Y ri Moisés xubij chike: Man tixibij-iwi'. Rix kow kixk'oje', y titz'eta' ri kolotajik ri xtuben ri Jehová qik'in re wakami, roma la aj-Egipto la yeqatz'et wakami kan man jun bey chik k'a xkeqatz'et.

2 Rey 19:5

Toq xe'apon rik'in ri Isaías,

2 Rey 19:22

¿Achoq chirij kami xayoq'on-wi y kan xaqasaj ruq'ij? ¿Achoq chirij k'a ri kow xach'on-wi y xatzu' rik'in nimirisanen? Re' kan chuwij yin ri in Loq'olej Dios ri xaben-wi. Xaben chuwij yin ri in ki-Dios ri aj-Israel.

Wuj Richin ri Jeremías 42:9

Y xinbij chike: Kere' rubin ri Jehová ri qa-Dios richin Israel, ri achoq ik'in xiniteq-wi richin xink'utuj chire pan ibi' rix:

Wuj Richin ri Isaías 10:24

Roma ri' ri Jehová k'iytisanel richin ronojel kere' nubij: Nutinamit yin, ri ixk'o pa tinamit Sión, man tik'en kikiy ri aj-Asiria, roma xa xkixkich'ey rik'in ri kich'ame'y achi'el xkiben ri aj-Egipto kik'in ri iwati't-imama'.

Wuj Richin ri K'uxla'anik 3:57

Kan xape k'a wik'in ri q'ij toq xatinwoyoj. Xabij k'a chuwe chi man tinxibij-wi'.