2 Rey 19:22 - Kaqchiquel Bible

²² ¿Achoq chirij kami xayoq'on-wi y kan xaqasaj ruq'ij? ¿Achoq chirij k'a ri kow xach'on-wi y xatzu' rik'in nimirisanen? Re' kan chuwij yin ri in Loq'olej Dios ri xaben-wi. Xaben chuwij yin ri in ki-Dios ri aj-Israel.

2 Rey 19:22 ပူးပေါင်းရင်းမြစ်များ

Wuj Richin ri Isaías 5:24

Roma ri' rix kan xkixk'is k'a, achi'el ri ruxaq-q'aq' ri kan nuk'is ri chaqi'j ruxaq taq che', achi'el chuqa' ri q'aq' ri nuk'is jumul ri k'im. Kan keri' k'a xkixbek'is rix chi'iwonojel, achi'el ri q'ayis ri niq'ey ri ruxe', y ri rusi'j xa nik'is-qa y nok achi'el poqolaj ri nuk'uaj-el ri kaq'iq'. Ronojel k'a re' xtibanatej roma kan xmulun ik'u'x chirij ri rupixa' ri Jehová k'iytisanel richin ronojel, y chuqa' roma xiwetzelaj kan ri Jehová ri qa-Dios.

Wuj Richin Bix Chire ri Dios 71:22

Kan xtinya' k'a aq'ij rik'in q'ojom, nu-Dios yin, roma man in amalin ta kan, xtinbixaj ri abanobal rik'in ri arpa, kan ja rat k'a ri at loq'olej qa-Dios.

2 Tesalonicenses 2:4

Rija' xtiyakatej y xtupaba' ri' chuwech ronojel ri nibix dios chire, y ri niya'ox ruq'ij. Man xaxe ta ri' roma xa kan xtibetz'uye' chupan ri rachoch ri Dios, y xtubij chi ja rija' ri Dios.*f2*

Wuj Richin ri Jeremías 51:5

Stape' ri aj-Israel y ri aj-Judá xemakun chinuwech yin y kan xkinojisaj chi mak ri kiruwach'ulew, yin Jehová ri k'o ronojel uchuq'a' wik'in, ri in loq'olej ki-Dios, man e numalin ta kan.

Wuj Richin ri Isaías 30:15

Ri Jehová k'iytisanel richin ronojel ja ri Loq'olej qa-Dios, y rija' nubij chi kixanpe rik'in, y titzolin-pe ik'u'x richin nik'oje' uxlanen iwik'in y kan xkixkolotej. Rija' xtuya' iwuchuq'a' rix wi nikuquba' ik'u'x rik'in. Jak'a rix xa man niwajo' ta.

2 Corintios 10:5

Kan yeqaqasaj-wi k'a ri ch'abel ri yekipaba' chiqawech ri kinimirisan-ki' y man nikiya' ta q'ij chi ri winaqi' niketamaj ta ruwech ri Dios. Roj kan yeqaya' pa ruq'a' ri Cristo richin nikinimaj ta rutzij, ri winaqi' ri k'o ch'obonik ke taq ri' kik'in.

Wuj Richin ri Isaías 10:15

Jak'a ri Jehová nubij: ¿Nitikir kami niyakatej-el ruyon ri ikej? ¿Nitikir kami ri qupibel-che' nunimirisaj-ri' roma xuqupij ri che'? ¿Nitikir kami jun ch'ame'y nuyek-q'anej ri ruq'a' ri uk'uayon richin?

Wuj Richin Etamabel-Tzij 30:13

Ek'o chuqa' sol winaqi' ri kan janila kinimirisan-ki', y chikiwech rije', kan man jun kiq'ij ri ch'aqa' chik winaqi'.

Wuj Richin Bix Chire ri Dios 73:9

Nikiyoq'-q'anej ri Dios ri k'o chikaj, nikitzijola' ri nikiben chuwech re ruwach'ulew.

2 Rey 19:4

Tabana' utzil kach'on k'a rik'in ri Jehová pa qawi' ri juba' chik ri ojk'o kan. Rik'in juba' ri Jehová ri qa-Dios xrak'axaj ri ch'abel ri xerubila' ri aj-raqen pa kiwi' ri aj-labal aj-Asiria, ri itzel xch'on chirij ri k'aslik Dios. Y ja ta ri Jehová xtiya'on- pe ruk'ayewal pa ruwi', xecha'.

Ex 9:17

Man rik'in ri' rat kan k'a animirisan na awi' y man naya' ta q'ij chi ri nuwinaq ye'el-el.

Ex 5:2

Jak'a ri rey xubij: ¿Achike chi Dios ri Jehová richin chi ninwak'axaj ri nubij y ninya' q'ij chire ri tinamit Israel richin nibe? Yin man wetaman ta ruwech ri Jehová, ni man xtinya' ta q'ij richin ri tinamit nibe, xcha' chike.

2 Rey 19:6

rija' xubij chike: Tibij chire ri Ezequías chi ri Jehová nubij chi man tixibij-iwi' roma ri itzel taq ch'abel ri xkibij ri aj-raqen richin ri rey richin Asiria.

Wuj Richin Bix Chire ri Dios 78:41

Kan jantape' k'a xkiyoq'oya' ri Dios beneq ruwech xkiyek royowal ri loq'olej qa-Dios.

Wuj Richin ri Isaías 10:13

Roma ri rey kere' ri nubij: Rik'in ri nimalej wuchuq'a', rik'in ri nuna'oj y ri nunojibal xinben ronojel re', Ja yin ri xinelesan ri kik'ulba't ri tinamit ri xeqach'ek yan, y xqak'en-pe ronojel ri kibeyomel. Y kan achi'el ruchuq'a' jun juyubel achij wákix xenbech chi'aqen konojel rey.

Dn 8:11

Pa ruwi' ri', kan xunimirisaj-ri' chuwech ri aj-raqen ri k'o pa kiwi' rije'. Y man jun rejqalen xuben chire ri kamelabel ri yesuj q'ij-q'ij, y ri rachoch ri Dios kan xuqasaj ruq'ij.