2 Rey 19:20 - Kaqchiquel Bible

²⁰ Chirij ri' ri Isaías xuteq rubixik chire ri Ezequías y xubij chire: Ri Jehová ri qa-Dios nubij chi xrak'axaj ri xabij rat chire chirij ri Senaquerib rey richin ri Asiria.

2 Rey 19:20 ပူးပေါင်းရင်းမြစ်များ

2 Rey 20:5

Katzolin, y kere' tabij chire ri Ezequías: Rat at rey pa ruwi' ri nutinamit. Y yin in a-Dios rat, y ri ru-Dios chuqa' ri David ri ánima amama'. Xinwak'axaj ri ach'owen, y xintz'et ri ruya'al runaq'-awech. Wakami k'a xkatink'achojirisaj richin keri' pa rox q'ij xkabe-el pa wachoch richin naya' nuq'ij.

Hechos 10:31

Y xubij k'a chuwe: Cornelio, ri Dios utz rak'axan ri ach'owen, y chuqa' kan qajineq chuwech chi ye'ato' ri winaqi' ri nik'atzin kito'ik.

Wuj Richin ri Jeremías 33:3

Kach'on k'a q'anej wik'in y yin xtink'uluba-pe ri ach'abel y kan xtink'ut k'a chawech nima'q taq banobel ri ewatel chawech rat.

Wuj Richin ri Isaías 65:24

Kan k'a man jani k'a kinkoyoj-pe rije', toq yin kan xtink'uluba' yan qa ri kich'abel. Kan k'a man jani ketane-qa richin yech'on wik'in, yin kan xkenwak'axaj yan.

Hechos 10:4

Ri Cornelio rutzuliben k'a ri ángel, y janila ruxibin-ri'. Y xuk'utuj chire ri achike nrajo'. Ri ángel xubij chire: Ri ach'owen rik'in ri Dios kan janila qajineq chuwech, y keri' chuqa' kan qajineq chuwech ri ye'ato' ri winaqi' ri nik'atzin kito'ik. Roma ri' rija' yarunataj-pe re wakami.

San Juan 11:42

Yin wetaman chi kan jantape' wi yinawak'axaj. Ronojel k'a re', kan ninbij koma re winaqi' re kimolon-pe-ki' wik'in wakami, richin chi tikinimaj chi kan ja rat ri xataqo-pe wichin chuwech re ruwach'ulew, xcha'.

2 Sam 17:23

Jak'a toq ri Ahitófel xunabej chi man xban ta ri xubij rija', xuben-el ruchojmil ri rukiej, xch'oke' k'a el chirij y xbe chirachoch pa rutinamit. Xuchojmirisaj k'a kan ronojel y k'ari' xberujitz'aj-ri'. Y keri' xken y xmuq akuchi muqun-wi ri rutata'.

2 Sam 15:31

Y ri David kan retaman chik k'a chi ri Ahitófel k'o chikikojol ri e yakatajineq chirij. Roma ri' xuk'utuj utzil chire ri Dios chi xtuyoj ta ronojel ri ruch'obonik ri Ahitófel.

Wuj Richin ri Isaías 58:9

K'ari' toq xkixinwoyoj, yin kan xtink'uluba-pe ri ich'abel. Toq xkixsik'in richin nik'utuj to'onik, yin xkik'oje' iwik'in. Jak'a kan nik'atzin chi man niya' ta chik iwi' pa poqon. Chuqa' man ke'iyoq' ri ch'aqa' chik winaqi', y man ke'iq'abaj tzij chikij,

Wuj Richin Bix Chire ri Dios 50:15

Y kan kinawoyoj k'a chupan ri q'ij richin tijoj-poqonal. Y yin kan xkatinkol y rat kan xtaya' nuq'ij.

Wuj Richin ri Achin Job 22:27

K'ari' xkatikir k'a xkach'on rik'in, y rija' xkarak'axaj chuqa'; y man tamestaj taya' chire ri asujun chi naya' chire.

Wuj Richin Bix Chire ri Dios 65:2

Kan awik'in k'a rat xkepe-wi konojel ri winaqi', roma rat kan nawak'axaj ronojel ri ch'owen ri yeban awik'in.

2 Rey 18:13

Chirij ri', chupan k'a ri juna' kajlajuj chire ri q'atbel-tzij richin ri Ezequías, ri Senaquerib rey richin Asiria y ri aj-labal xekichop k'a chi oyowal ri ruwach'ulew Judá, y xekich'ek konojel tinamit ri e tz'apen-kij chi tz'aq.

Wuj Richin Bix Chire ri Dios 65:3

Ri itzel taq qabanobal kan yojruch'ek, jak'a rat kan nakuy ronojel ri yakatajinenri'il ri yeqaben.