2 Rey 19:12 - Kaqchiquel Bible

¹² ¿Xetikir kami xekikol ri ki-dios ri tzobaj winaqi' richin ri ruwach'ulew ri xekik'is ri wati't-numama'? Ja tinamit re' ri xek'is: Ri Gozán, ri Harán, ri Résef y chuqa' ri winaqi' ri ek'o pa ruwach'ulew Bet-edén pa tinamit Telasar.

2 Rey 19:12 ပူးပေါင်းရင်းမြစ်များ

2 Rey 17:6

K'ari' chupan ri juna' beleje' toq niq'aton-tzij ri Oseas, ri rey richin Asiria xuch'ek ri Samaria, y xeruk'uaj-el ri winaqi' aj-Israel pan Asiria. Xeruya' k'a pa tinamit Halah y pan Habor chunaqaj ri raqen-ya' Gozán y chuqa' chupan ri kitinamit ri ek'o pa kiruwach'ulew ri aj-Media.

Ez 27:23

Chuqa' ri winaqi' aj-Harán, ri aj-Cané, ri aj-Edén, ri aj-Sabá, ri aj-Asiria y ri aj-Media ye'oloq'on rik'in.

Wuj Richin ri Rutikeribel 11:31

Ri Taré xel-el chiri' pan Ur kichin ri winaqi' caldeo richin xbe pa ruwach'ulew Canaán y xeruk'uaj-el ri Abram ri ruk'ajol, ri Sarai ri rali' y chuqa' xuk'uaj-el ri Lot ri ruk'ajol kan ri Harán, ri ruk'ajol rija'; y toq xe'apon chupan ri tinamit rubini'an Harán, chiri' xek'oje-wi-qa.

Wuj Richin ri Isaías 37:12

¿Xeto'on kami ri ch'aqa' chik dios, toq ri wati't-numama' xk'is ri kiruwach'ulew? ¿Akuchi k'o-wi ri ki-dios ri tinamit Gozán, ri Harán, ri Résef y ri aj-Bet-edén ri xek'oje' pa tinamit Telasar?

Hechos 7:4

Ri Abraham kan xuya-wi k'a kan ri ruwach'ulew Caldea, y xq'ax ri pan Harán. Y kamineq chik k'a kan ri rutata' ri Abraham ri chiri' pan Harán, toq ri Dios xuk'en-pe ri Abraham chupan re ruwach'ulew Canaán re ojk'o-wi wakami.

1 Crón 5:26

Y roma ri' ri Dios richin ri Israel xuben chire ri Pul rey richin Asiria richin xeyakatej chikij. Ri Pul xeruk'uaj-el pa ximonri'il ri winaqi' rubenita, gadita y ri nik'aj tzobaj richin ri Manasés ri k'o pa relebel-q'ij chire ri raqen-ya' Jordán. Y xeruk'uaj-el chupan ri tinamit Halah, Habor, Hará y chunaqaj ri raqen-ya' Gozán, ri akuchi ek'o-wi k'a re wakami. Ri Pul chuqa' nibix Tiglat-piléser chire.

Wuj Richin ri Rutikeribel 29:4

Y ri Jacob xubij k'a chike ri yuq'unela': ¿Ix aj akuchi k'a rix?, xcha'. Y rije' xkibij: Roj oj aj wawe' pa tinamit Harán, xecha'.

Wuj Richin ri Rutikeribel 2:8

Y ri Dios xutik-qa ruwech ri jun qejoj, ri akuchi kan rayixel ronojel ri k'o, ri k'o pa relebel-q'ij chire ri ruwach'ulew. Y chiri' xuya-wi ri achin ri xuben.

2 Rey 19:11

Rat awak'axan jebel ri kik'uluwachin-el ri rey richin ri ch'aqa' chik ruwach'ulew ri e yakatajineq-pe chiqij. ¿Y rat kan nach'ob richin xkatikir xtakol awi'?

Wuj Richin ri Rutikeribel 11:32

Y chiri' k'a pan Harán xken-wi ri Taré toq k'o 205 rujuna'.