2 Rey 18:8 - Kaqchiquel Bible

⁸ Rija' xeruch'ek k'a ri aj-Filistea y xapon k'a pa tinamit Gaza. Xuchop-pe kik'in ri kokoj tinamit y xapon k'a kik'in ri nima'q taq tinamit.

2 Rey 18:8 ပူးပေါင်းရင်းမြစ်များ

Wuj Richin ri Isaías 14:29

Man kixkikot k'a rix aj-Filistea, stape' ri rey Acaz xa xken achi'el jun q'ajineq che'. Roma ri q'ajineq che' ri' xa xtok jun kumetz kamisanel, y ri chiwech-apo ri kumetz ri' kan xtok-el jun ruwech kumetz ri k'o ruxik'.

2 Rey 17:9

Ri israelita xkiben k'a k'iy itzel taq banobel pan ewel chuwech ri Jehová ri ki-Dios. Kan xekipaba' k'a q'anej akuchi nikiya-wi kiq'ij wachibel pa ruwi' taq juyu' chunaqaj ronojel ri kitinamit, nitiker-pe pa taq kokoj tinamit, y napon k'a rik'in ri nima'q taq tinamit ri tz'apen chi tz'aq.

2 Crón 28:18

Keri' chuqa' ri aj-Filistea xe'ok chupan ri tinamit ri e richin Judá ri ek'o chuwa taq juyu' y ri ek'o pa xokon chire ri Judá. Xekich'ek k'a ri tinamit Bet-semes, ri Aialón, ri Guederot, y chuqa' ri Socó, ri Timná y ri Guimzó, kachibilan ri kokoj taq kitinamit. Y ri aj-filistea kan xebek'oje' k'a chiri'.

Wuj Richin ri Isaías 5:2

Xujosq'ij k'a jebel ri ulew ri' y xrelesaj-el ronojel ri abej chupan. Xerucha' k'a ri más utz ruxe' ri uva y jari' ri xutik-qa. Y pa nik'aj chire ri rutiko'n ri' xupaba' jun tobel richin nichajix ri uva. Chirij re' xuk'ot k'a jun jul, y chiri' xuben jun yitz'bel-uva; y xroyobej k'a chi ri rutiko'n nuya-pe uva ki'. Jak'a pa ruk'exel ri uva ki', xa ch'amilej-uva ri xuya'.

2 Crón 26:10

Ri Ozías chuqa' xerupaba-q'anej kachoch ri chajinela' pa tz'iran ruwach'ulew. Rija' kan janila e k'iy rawej ek'o, y roma ri' xeruk'otola' k'iy pozo richin ye'uk'ya' ri rawej ri e ruya'on chuwa taq juyu' y ri ek'o chuchi' ri palou. Chuqa' ek'o rusamajela' ri yesamej ri akuchi rutikon-wi-qa uva y ri akuchi k'o-wi ri jalajoj ruwech rutiko'n ri e rubanon chuwi' taq juyu'; y kan k'iy k'a ruqejoj k'o roma kan niqa' chuwech ri samaj richin pa juyu'.

1 Crón 4:41

jak'a pa ruq'ijul ri rey Ezequías aj-Judá, xepe ri achi'a'. Rije' kan xkiwulaj kan jumul ri taq kachoch ri ek'o-wi-qa ri winaqi' camita, y xek'oje' kan chiri' pa kik'exel, roma k'o jebel soq'olbel richin yekiyuq'uj ri kawej.

Deut 2:23

Ri winaqi' heveo ri xek'oje' pa taq kokoj tinamit ri napon k'a pa tinamit Gaza, xek'is koma ri aj-Filistea ri e peteneq pa ruwach'ulew Caftor y ja rije' ri xek'oje' kan pa kik'exel.

Wuj Richin ri Josúe 15:47

Y chuqa' xkichinaj ri nima-tinamit Asdod rik'in ri e rutinamit y ri kokoj rutinamit, y chuqa' ri nima-tinamit Gaza rik'in ri e rutinamit y ri kokoj rutinamit ri napon k'a rik'in ri raqen-ya' richin Egipto y ri palou.

1 Rey 5:4

Y wakami ri Jehová ri nu-Dios xuya' yan uxlanibel-k'u'x qik'in roma kan man jun chik etzelanel qichin k'o, ni man jun ri achike ta xtiqach'ob rij.