2 Rey 18:7 - Kaqchiquel Bible

⁷ Ri Jehová kan xk'oje' k'a rik'in rija', y xabakuchi nibe-wi richin nuben oyowal, kan utz k'a nel chuwech ronojel ri nuben. Y kan xyakatej k'a chirij ri rey richin Asiria y kan man xrilij ta ri rey ri'.

2 Rey 18:7 ပူးပေါင်းရင်းမြစ်များ

2 Rey 16:7

K'ari' ri Acaz xeruteq k'a el rusamajela' rik'in ri Pul rey richin Asiria, richin xubij-el chire: Yin kan in asamajel y kan achi'el jun chike ri ak'ajol. Katanpe k'a, y kinakolo-el pa ruq'a' ri rey richin Siria, y chuqa' pa ruq'a' ri rey richin Israel, ri kan e yakatajineq chuwij, xcha-el.

Romanos 8:31

Y wi ronojel k'a re' nuk'ut chiqawech chi ri Dios kan k'o qik'in roj, ¿achike k'a xtitikir chiqij? Kan man jun.

Wuj Richin Bix Chire ri Dios 60:12

Wi rat qa-Dios atk'o qik'in, roj kan xtiqaben k'a nima'q taq banobel, Rat xke'axeq' k'a ri e etzelanel qichin.

San Mateo 28:20

Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.

Wuj Richin Bix Chire ri Dios 1:3

Re wineq re' kan achi'el k'a jun che' ri tikil chuchi' jun raqen-ya', ri kan nuya' ruwech toq napon ri ruq'ijul y ri ruxaq kan man yetzaq ta el. Ronojel ri nuben kan utz k'a nel chuwech.

2 Crón 32:30

Rija' xutz'apej k'a ri jun ruq'a-ya' ri nalex-pe pa Guihón ri k'o pa jotol, y xaxe jun rubey xuben chire ri nibe pa xulan. Y k'ari' xuk'uaj pa qajbel-q'ij pa rutinamit kan ri David. ronojel k'a ri xuben, kan utz xel chuwech.

2 Crón 31:21

Ronojel ri samaj ri xuben pa rachoch ri Dios kan achi'el ri ruchojmilal ri tz'ibatel chupan ri pixa'. Kan xusamajij k'a ri Dios rik'in ronojel ránima, y roma ri' kan ronojel k'a utz xel chuwech.

1 Sam 18:14

Y ri David kan rik'in na'oj xuben ronojel re', roma ri Jehová kan k'o-wi rik'in.

San Mateo 1:23

Jun xten xtipe alanik chirij. Y xtibe'alex jun ti ral. Y Emanuel ri rubi' ri xtuya', nicha'. Ri Emanuel nel chi tzij: Ja ri Dios Qik'in.

Wuj Richin Bix Chire ri Dios 46:11

Ri Jehová k'iytisanel richin ronojel, jari' ri k'o qik'in roj. Ri nito'on qichin roj, kan ja ri ru-Dios kan ri Jacob.

2 Crón 15:2

y roma ri' xberuk'ulu' k'a el ri Asá, y xubij chire: Rey Asá, kinawak'axaj k'a rat, y konojel ri winaqi' ri ek'o chupan ri awajawaren: Ri Jehová kan k'o-wi iwik'in rix, wi rix ixk'o rik'in rija'; y wi rix nikanoj, kan xtiwil; jak'a wi rix xa xtimalij kan rija', rija' chuqa' kan xkixrumalij kan.

2 Rey 18:20

Rat xa e maneq e k'iy aj-labal awik'in. ¿Nach'ob rat chi xaxe rik'in ri ach'abel yojach'ek? ¿Achoq ik'in k'a akuquban ak'u'x roma xayakatej chuwij yin?

1 Sam 18:5

Y ri David kan nibe xabakuchi nitaq-wi-el roma ri Saúl, y ronojel ri nibix-el chire nuben rik'in na'oj. Y xukusex aj-raqen richin jun tzobaj aj-labal. Y re' kan xqa' k'a chikiwech konojel winaqi' y keri' chuqa' ri aj-raqen ri ek'o rik'in ri Saúl.

2 Sam 8:6

Chirij ri' ri David xeruyala' tzobaj chajinela' chupan chijun ri ruwach'ulew Siria. Y ri aj-Siria xe'ok rusamajela' ri David, y kan k'o chi xkitoj chire ri k'atzinel. Keri' ri Jehová xuya' k'a ch'akonik chire ri David xabakuchi xbe-wi.

Wuj Richin ri Rutikeribel 21:22

Y rokik ri' chuqa' kere' ri xk'uluwachitej: Ri Abimélec y ri Ficol ri tata'al kichin ri aj-labal xkibij chire ri Abraham: Rik'in ronojel ri ye'aben, kan q'alaj-wi chi ri Dios kan k'o-wi awik'in.

2 Sam 8:14

Xeri' xeruyala' tzobaj chajinela' pa ruwach'ulew Edom. Y konojel ri aj-Edom xek'oje' chuxe' ri q'atbel-tzij richin ri David. Keri' ri Jehová kan xuya' ch'akonik chire ri David xabakuchi xbe-wi.

2 Rey 18:14

Roma ri' ri Ezequías xuteq rubixik chire ri Senaquerib ri k'o chiri' pa tinamit Laquis, y kere' rubin-el chire: Yin wetaman chi ximakun chawech. Roma ri' katel-el re wawe' y xtintoj janipe' ri xtak'utuj chuwe, xcha-el. Y rik'in ri xubij-pe ri rey richin Asiria, ri Ezequías rey richin Judá xuya-el 220 quintal saqipueq y juwineq quintal q'anapueq.

Wuj Richin ri Isaías 33:6

Y kan jantape' xtuya' oyobenri'il kik'in ri aj chiri'. Rija' xtuk'en-pe ri kolotajik, ri na'oj y ri etamabel, kan achi'el jun nimalej beyomel. Y richin xtik'ul re jun beyomel re', kan k'o chi xtik'oje' rukiy ri Jehová chiwech.

Wuj Richin ri Isaías 36:5

Ri Ezequías nubij chi k'o ruch'obon y rix k'o iwuchuq'a' richin niben labal, jak'a ronojel re' kan xaxe ok ri ruchi' ri nibin. Y jak'a re wakami, ¿achoq ik'in ikuquban-wi ik'u'x richin niwajo' yixyakatej chuwij?

2 Rey 17:3

Chirij re' xbeyakatej k'a pe ri Salmanasar rey kichin ri aj-Asiria, y ri Oseas y ri aj-Israel kan xech'akatej koma rije'. Y ri Oseas kan k'o chi nutoj chire ri rey aj-Asiria.