2 Rey 18:4 - Kaqchiquel Bible

⁴ Rija' xrelesaj k'a ri akuchi nikiya-wi kiq'ij wachibel pa ruwi' taq juyu'. Xerupaxij ri dios ri e banon rik'in abej y xuqupij-el ri paban-che' richin ri Asera. Chuqa' xuwulaj ri kumetz ri banon rik'in q'enq'oj-pueq ri chuqa' xkibij Nehustán*f7* chire. Ri winaqi' kan nikiya-wi k'a ruq'ij ri kumetz y kan nikiporoj pom chuwech.

2 Rey 18:4 ပူးပေါင်းရင်းမြစ်များ

2 Crón 31:1

Toq xk'is k'a ronojel re', konojel ri israelita ri ek'o chiri' xebe k'a pa taq tinamit ri ek'o chupan chijun ri ruwach'ulew Judá y xekiwulaj k'a ri wachibel e paban y xekiyoj k'a ri paban-che' richin Asera. Xekiyoj k'a akuchi yekamela'an-wi ri ek'o pa ruwi' taq juyu', y xekiwulaj ri ch'aqa' chik porobel ri ek'o chiri' pa Judá, pa Benjamín, pa Efraín y ri pa Manasés. K'ari' konojel israelita xetzolej pa taq kiruwach'ulew y pa taq kixoral.

2 Rey 18:22

Y wi rix nibij chuwe chi k'o nimabel-ik'u'x rik'in ri Jehová ri i-Dios, ¿man xrelesaj ta kami ri Ezequías ri akuchi niya'ox-wi ruq'ij ri Dios y akuchi nisuj kamelabel chuwech Rija', y xubij chi ri winaqi' aj-Judá y aj-Jerusalem nikiya' ruq'ij ri Dios xaxe pa ruwi' ri porobel ri k'o pa Jerusalem?

2 Rey 12:3

Man rik'in ri', ri akuchi niya-wi kiq'ij ri wachibel pa ruwi' taq juyu' man xe'elesex ta, y roma ri' ri winaqi' k'a nikisuj na kamelabel chiri', y k'a nikiporoj na pom chiri' chuqa'.

1 Rey 22:43

Y kan xutaqej k'a ri rupixa' ri Asá ri rutata' y kan man xujech'ej ta kan ri'; kan utz k'a xuben chuwech ri Jehová. Man rik'in ri', ri winaqi' xa k'a xkisuj na kamelabel y k'a xkiporoj na pom pa ruwi' taq juyu'. Ri winaqi' kan k'a xe'apon na chiri' roma ri porobel ri' man xe'elesex ta kan.

Wuj Kichin ri To'onela' 6:28

Ri nimaq'a' yan ri ruka'n q'ij, toq ri winaqi' xek'astej-q'anej, jari' toq xkitz'et chi ri porobel richin ri Baal wulan kan, y chuqa' ri paban-che' richin ri Asera ri k'o chiri' chunaqaj, xchoy-el y maneq chik. Y xkitz'et ri jun k'ak'a' porobel ri k'o chiri' ri xporox jun bóyix pa ruwi'.

Wuj Kichin ri To'onela' 6:25

Y chupan k'a ri aq'a' ri' xubij ri Jehová chire: Tabek'ama-pe jun bóyix chikikojol ri q'ataj ruwákix ri atata', y jun chik bóyix ri k'o wuqu' rujuna'. Y tawulaj-el ri porobel richin ri Baal ri nuchajij ri atata'. Chuqa' tachoyo-el ri paban-che' richin ri Asera ri k'o junan rik'in ri porobel ri'.

Deut 7:5

Ke'iwulaj ronojel ri porobel, ri wachibel, ri paban taq che' ri nikiya' ruq'ij; kan ke'iporoj k'a kan.

Wuj Richin ri Chojmirisabelri'il 26:30

Kan xkenwulaj k'a ri akuchi niya-wi kiq'ij ri i-dios pa ruwi' taq juyu', xkenwulaj chuqa' ri porobel ri akuchi niporox-wi pom y kan xkixinkamisaj. Y xtinmontonij k'a ri ich'akul junan kik'in ri i-dios ri chuqa' maneq kik'aslen, y kan xkixinwixowaj.

Ex 23:24

Man k'a kixxuke' chikiwech ri ki-dios, ni man ke'isamajij, ni man titzeqelibej chuqa' achi'el ri nikiben ri winaqi' ri'. Xa kan ke'iq'umla' k'a el konojel ri wachibel ri e kibanon y ke'iwulaj jumul.

Wuj Richin Bix Chire ri Dios 78:58

Xkiyek k'a royowal rik'in ri akuchi nikiya-wi kiq'ij wachibel pa ruwi' taq juyu'. Xkiyek k'a royowal roma xkiya' ruq'ij ri wachibel e toch'on.

2 Crón 33:3

Rija' xuchojmirisaj chik el jun bey ri akuchi nikiya-wi kiq'ij ri wachibel ri pa ruwi' taq juyu' ri e ruyojon kan ri Ezequías, ri rutata'. Chuqa' xeruben chik q'anej jun bey ri porobel kichin ri Baal, y ri che' ruwachibel ri Asera. Xuya' kiq'ij ri ch'umila', ri ik' y ri q'ij,

2 Crón 19:3

Jak'a ri Dios k'o ch'aqa' utz ri rutz'eton chawij, roma xe'awelesaj-el chupan re ruwach'ulew ri kiwachibel Asera, y kan atijon-pe aq'ij richin nakanoj ri Dios rik'in ronojel awánima, xcha' ri Jehú.

2 Rey 16:15

K'ari' ri rey Acaz xuteq k'a el rubixik rik'in ri sacerdote Urías, y xubij-el chire chi pa ruwi' ri k'ak'a' porobel xtuporoj-wi ri chikop ri nisuj nimaq'a' y ri tiqaq'ij, chuqa' ri chikop ri nusuj ri rey, y ri nikisuj ri winaqi' y ri sipanik richin vino. Y ri kik' richin ri poron chikop nuchikaj pa ruwi' ri porobel. Jak'a ri porobel ri' kan k'o xaxe richin rija' richin nuk'ulubej ri achike nik'uluwachitej.

2 Rey 15:35

Man rik'in ri', man xrelesaj ta el ri akuchi nikiya-wi kiq'ij ri wachibel pa ruwi' taq juyu' roma ri winaqi' k'a nikisuj na kamelabel chiri' y chuqa' nikiporoj pom. Jak'a rija' xpaban chik q'anej ri ruchi' ri rachoch ri Jehová ri k'o pa jotol chire ri ruwa-jay.

2 Rey 15:4

Man rik'in ri', man xe'elesex ta ri akuchi nikiya' kiq'ij ri wachibel pa ruwi' taq juyu' roma ri winaqi' k'a nikisuj na kamelabel chiri'. Chuqa' k'a nikiporoj na pom chiri'.

2 Rey 14:4

Roma ri' ri akuchi niya'ox-wi kiq'ij wachibel pa ruwi' taq juyu' man xe'elesex ta, y ri winaqi' k'a nikisuj na kamelabel chiri'. Chuqa' k'a nikiporoj na pom chiri'.

2 Rey 23:4

K'ari' ri rey xuteq rubixik chire ri Hilquías ri nimalej sacerdote, ri ch'aqa' chik sacerdote y ri e chajiy ruchi' ri rachoch ri Dios, chi kekelesaj-pe ri chiri' pa rachoch rija', ronojel ri banon richin ri Baal, richin ri Asera y kichin ri ek'o chuwech ri kaj. Ronojel re' xerelesaj-el k'a chuchi' ri tinamit Jerusalem chiri' pa siwan ri napon-qa pa ch'uti'n raqen-ya' Cedrón. K'ari' ri rey chiri' k'a xeruporoj-wi. Y ri kichajul xuk'uex-el pa tinamit Betel.

Ex 34:13

Xa kan xtiyojola' k'a el ri kiporobal y xke'iwulaj-el ri wachibel e paban y kan xtichoy k'a el ri ki-dios Asera.

2 Rey 21:3

Ri Manasés xerupabala' chik q'anej jun bey ri akuchi nikiya-wi kiq'ij ri wachibel pa ruwi' taq juyu', ri xa kan ruwulan chik kan ri Ezequías ri rutata'. Chuqa' xuben jun porobel richin nikiya' ruq'ij ri Baal, y kan xupaba' chik q'anej ri paban-che' richin Asera, achi'el xuben ri Acab rey richin Israel. Chuqa' xuya' kiq'ij konojel ri ek'o chuwech ri kaj.

Wuj Richin ri Isaías 36:7

Rix rik'in juba' nibij chuwe chi xaxe rik'in ri Jehová ikuquban-wi ik'u'x. Jak'a ri Ezequías xa kan xerelesaj yan el ri akuchi niya-wi ruq'ij rija' pa kiwi' taq juyu', y chuqa' ri porobel. Y xubij chiwe chi xtiya' ruq'ij xaxe pa ruwi' ri porobel ri k'o wawe' pa Jerusalem.

Deut 5:5

Y roma ri qate-qatata' xa xkixibij-ki' chuwech ri q'aq', xa man xejote' ta el pa ruwi' ri juyu'. Xa ja chik yin ri xik'oje' chikikojol richin chi xinq'axaj ri ruch'abel ri Jehová chike rije'. Y ri Jehová xubij k'a:

2 Rey 10:26

Y xekelesaj k'a el ri wachibel e paban-q'anej chiri' pa rachoch ri Baal, y xekiporoj.

2 Rey 11:18

K'ari' konojel ri winaqi' xe'ok-apo chupan ri rachoch ri Baal, y xkiwulaj-el. Keri' chuqa' xkiwulaj-el jumul ri porobel y ri wachibel. Y xkikamisaj ri Matán sacerdote richin ri Baal chuwech-pe ri porobel. Y ri Joiadá xeruya' chajinela' chupan ri rachoch ri Jehová.

2 Rey 23:14

Chuqa' chiri' xeruwulaj k'a el ri wachibel ri e paban-q'anej y xuchoy ri paban-che' richin Asera. K'ari' xutaluj baq kichin kaminaqi' ri chiri'.