2 Rey 18:27 - Kaqchiquel Bible

²⁷ Jak'a jun chike ri aj-Asiria xubij: Roj man oj peteneq ta richin xaxe yojch'on iwik'in rix; xa kan chike chuqa' ri winaqi' ri ek'o pa ruwi' la tz'aq. Roma k'o k'a jun q'ij toq iwonojel rix xtitej ri nipamaj y xtiqum ri chulaj, xcha'.

2 Rey 18:27 ပူးပေါင်းရင်းမြစ်များ

Ez 4:15

K'ari' ri Jehová xubij chik chuwe: Wakami k'a, ninya' q'ij chawe richin nachaq'arisaj ri akaxlan-way pa q'aq' ri banon rik'in chaqi'j pamaj richin bóyix, pa ruk'exel pamaj richin wineq.

Ez 4:13

Keri' ri awinaq ri ek'o kan chupan ri Jerusalem, kan xtikitej k'a ri man ch'ajch'oj ta y chuqa' ri chiri' pa ruwach'ulew ri akuchi ri xkentaluj-wi-el, xcha'.

Wuj Richin ri K'uxla'anik 4:5

Ri kan pa ruk'iyal ri k'o kik'in ojer kan, wakami xa yeken roma wayjal pa taq bey. Ri xek'iy-q'anej chupan ri beyomel, wakami xa pa toribel q'ayis ek'o-wi.

Wuj Richin Bix Chire ri Dios 73:8

Kan xaxe k'a yetze'en y ruyon etzelal ri nikibij ri kich'owen kan ruyon rik'in nimirisanen.

2 Rey 6:25

Roma ri' chupan ri tinamit ri' xpe k'a jun nimalej wayjal. Kan janila k'a ruk'ayewal ri xk'oje' chupan ri tinamit ri', y roma ri' ri jun rujolon bur nik'ayix chi ka'i' libra saqipueq y jun moq' rukis paloma*f2* nik'ayix chi ka'i' onza saqipueq.

2 Rey 18:17

Chiri' pa tinamit Laquis akuchi-k'o-wi ri Senaquerib, ek'o chuqa' e oxi' aj-raqen pa kiwi' konojel ri aj-labal. Y ri Senaquerib xeruteq-el re oxi' aj-raqen re' e kachibilan-el e k'iy aj-labal, richin xe'apon pa Jerusalem akuchi-k'o-wi ri rey Ezequías. Toq xe'apon pa Jerusalem, xek'oje' k'a qa chunaqaj ri yakbel-ya' ri k'o-q'anej pa jotol, ri k'o pa bey ri akuchi yeban-wi tzieq.

2 Rey 18:26

K'ari' ri Eliaquim, ri Sebná y ri Joah xkibij k'a chike ri aj-raqen ri': Tibana' utzil, kixch'on qik'in pa ch'abel arameo, roma roj niq'ax chiqawech ri ch'abel ri'. Man kixch'on qik'in pa qach'abel, richin chi konojel winaqi' ri ek'o chiri' pa ruwi' ri tz'aq man niq'ax ta chikiwech, xecha'.

2 Rey 18:28

K'ari' ri aj-raqen ri' xpa'e-q'anej y rik'in ronojel ruchuq'a' xch'on pa kich'abel hebreo y xubij chike: Tiwak'axaj k'a ri nubij ri nimalej rey richin Asiria:

Wuj Richin ri Isaías 36:12

Jak'a rija' xubij chike: ¿In taqon kami pe richin xaxe chiwe rix y chire ri iwajaw nonbij-wi kan re ch'abel re'? Xa kan chike chuqa' re iwinaq ri ek'o pa ruwi' ri tz'aq. Roma kan xtapon ri q'ij richin rije' y rix k'o chi xtitej-qa ri nipamaj, y xtiqum ri ichul.

Wuj Richin ri K'uxla'anik 4:4

Ri taq ak'uala' kan janila chaqi'j kichi', y roma ri' ri kaq' kan nutz'om-ri' pa taq kichi'. Rije' kan janila yenum, jak'a kan man jun niya'on juba' kiway.