2 Rey 18:24 - Kaqchiquel Bible

²⁴ Rat ni man yatikir ta naben chire chi nanimej ri aj-raqen ri más maneq rejqalen chikikojol ri aj-labal richin ri nu-rey. ¿Y nawoyobej na chi ri aj-Egipto yekiteq-pe carruaje richin oyowal, y achi'a' ri yech'oke' chirij kiej?

2 Rey 18:24 ပူးပေါင်းရင်းမြစ်များ

Wuj Richin ri Isaías 10:8

Roma rija' runimirisan-ri' y nubij: Chikijujunal ri e aj-raqen pa kiwi' ri aj-labal ri e wichin yin, chuqa' rije' kan e rey.

Dn 4:37

Wakami k'a, yin Nabucodonosor, kan ninya' k'a ruq'ij y ninnimirisaj ri Dios ri niq'aton-tzij chila' chikaj, roma ronojel ri nuben rija' kan jari' ri qitzij, y kan pa ruchojmilal-wi. Rija' kan nuqasaj k'a kiq'ij ri janila kinimirisan-ki' chuwech rija', xcha' ri Nabucodonosor.

Dn 4:22

ri che' ri' kan ja rat ri' nu-rey. Ri awajawaren rat, kan janila k'a xnimer y janila ruchuq'a'. Ri runimirinen kan janila xbe pa jotol ri kan napon k'a chikaj. Y ri aq'atbel-tzij kan napon k'a pa taq ruk'isibel chire ri ruwach'ulew.

Ez 17:17

Y ri rey richin Egipto man janipe' ta chi to'onik ri xtuben kik'in toq ri aj-Babilonia xkeruchop chi oyowal ri aj-Judá, toq rije' xtikiben ri tz'aq ri banon rik'in ulew chirij ri tinamit y toq xtikiben jun raq'arik bey richin yetikir ye'ok-qa chupan ri tinamit.

Ez 17:15

Jak'a re rey re' kan xyakatej chirij ri rey richin Babilonia y ek'o xeruteq pa ruwach'ulew Egipto richin xuteq kik'amik kiej y chuqa' richin xuteq kik'amik pa ruk'iyal achi'a'. ¿Ninimaj kami rix ronojel re'? ¿Kan utz kami xtel chuwech ri xtitikir xtanimej-el y xtukol-el ri ruk'aslen? ¿Nitikir kami nanimej-el jun ri man xutaqej ta ri jikibel-tzij ri xuben?

Wuj Richin ri Jeremías 37:7

Kere' nubij ri Jehová, Dios richin ri tinamit Israel chi tabij chike ri e ka'i' ri e rutaqon-pe richin kere' nokik'utuj chuwe: Yin Jehová Dios richin Israel ninbij chawe rat rey Sedequías chi ri aj-labal aj-Egipto, ri kichapon chik pe bey richin yixokito-el, xa xetzolin chik pa kiruwach'ulew.

Wuj Richin ri Isaías 36:9

Yin kan maneq ok wejqalen chikiwech ri ch'aqa' chik aj-raqen aj-Asiria, jak'a rix kan man xkixtikir ta wik'in, stape' ikuquban ik'u'x kik'in ri aj-Egipto, kik'in ri ki-carruaje y ri kikiej.

Wuj Richin ri Isaías 36:6

Rix aj-Judá kan ikuquban-wi ik'u'x kik'in ri winaqi' aj-Egipto, jak'a rije' xa e achi'el jun aj ri maneq ruchuq'a'. Y achike k'a ri xtuto-ri' kik'in, xa kan achi'el jun wineq ri nuto-ri' rik'in ri aj ri'. Xa xtiq'aj y xtok-el pa ruq'a'. Kan keri' nuben ri rey richin Egipto kik'in konojel ri nikikuquba' kik'u'x rik'in.

Wuj Richin ri Isaías 31:3

Ri aj-Egipto xa e winaqi', y man e dios ta. Ri kikiej xa e ti'ij, y man e espíritu ta ri k'o kuchuq'a'. Toq ri Jehová kan xtutzeqej ri ruq'a' pa kiwi' richin nuya' rutojbalil chike, kan xketzaq ri aj-Egipto y chuqa' xketzaq ri nikik'ul to'onik chuwi-kiq'a' rije'. Kan junan k'a xkek'is.

Wuj Richin ri Isaías 31:1

Toq'ex iwech rix ri yixbe pan Egipto richin nibeto-iwi' chiri', ri nikuquba' ik'u'x kik'in ri kikiej, ri nikuquba' ik'u'x kik'in ri janila chi carruaje, y chi kan janila kuchuq'a' ri yech'oke' chirij kiej. Jak'a xa man niya' ta itzubal rik'in ri Loq'olej qa-Dios, y man nikanoj ta ri Jehová.

2 Rey 18:21

Yin ninch'ob chi xa kik'in ri aj-Egipto akuquban-wi ak'u'x, y rije' xa man xketikir ta xkatkito', y rix xa xkixsokotej kan. Roma rije' xa e achi'el jun aj paxineq ri xa nuteq'uj pa ruq'a' ri nichapo richin, jak'a xa nusok-ri'.

Deut 17:16

Jak'a ri rey ri' kan man utz ta k'a chi yek'oje' k'iy rukiej, ni man xkeruteq ta el winaqi' pan Egipto chuk'amik kiej richin keri' yek'iyer ri rukiej rija', roma ri Jehová ri qa-Dios rubin chi man jun bey chik xqojtzolin chiri'.

2 Rey 18:23

Yin xtinben k'a jun jikibel-tzij awik'in rat pa rubi' ri nu-rey: Yin xtinya' 2,000 kiej chawe, wi rat ye'awil 2,000 achi'a' yech'oke' chirij kiej.

2 Rey 18:25

¿Rat nach'ob chi yin xipe richin nonbana' oyowal y nonk'isa' re jun ruwach'ulew re' y man jun xubij-pe ri Jehová Dios chuwe? Ri Jehová xubij chuwe chi yijote-pe chupan re ruwach'ulew re' y yenk'is kan, xcha'.

Wuj Richin ri Rutikeribel 50:9

Chuqa' ri winaqi' ri k'o ki-carruaje y ri k'o kikiej xkitzeqelibej-el ri José; e janila e k'iy xkimol-el-ki' richin xbekimuqu' kan ri Jacob.

1 Rey 20:10

Y ri Ben-hadad xuteq chik rubixik chire ri rey Acab: Yin xkenk'en k'a pe janila chi achi'a' richin chi nikiwulaj ri atinamit; y kan man jun chik k'a xtik'oje' kan, ni poqolaj richin ta chi nikimoq'ej-el ri achi'a' ri'. Wi yin man xtinben ta keri', ri nu-dios xa kan xtikiya' k'a ruk'ayewal pa nuwi' yin y pa ruwi' ri nutinamit achi'el ri xinwajo' xinben chiwe rix, xcha-el chike.

Wuj Richin ri Isaías 30:1

Jare' ri rutzijol ri xuya' ri Jehová chike ri israelita ri man yeniman ta tzij: Toq'ex iwech rix roma niben achi'el alk'ualaxela' ri man yeniman ta tzij, y xa nich'ob ri man nuch'obon ta yin. Niya' itzij kik'in ch'aqa' chik, jak'a man yinik'ulubej ta yin. Y re' xa nimol más imak chiwij.

Ez 29:6

Kan keri' chi'iwonojel rix winaqi' aj-Egipto xtiwetamaj chi ja yin Jehová ri ink'o pa ruwi' ronojel. Ri winaqi' israelita kan kikuquban kik'u'x iwik'in achi'el toq jun nukuquba' ruk'u'x rik'in jun ch'ame'y. Jak'a ri ch'ame'y ri' xa jun patz'en.