2 Rey 18:21 - Kaqchiquel Bible

²¹ Yin ninch'ob chi xa kik'in ri aj-Egipto akuquban-wi ak'u'x, y rije' xa man xketikir ta xkatkito', y rix xa xkixsokotej kan. Roma rije' xa e achi'el jun aj paxineq ri xa nuteq'uj pa ruq'a' ri nichapo richin, jak'a xa nusok-ri'.

2 Rey 18:21 ပူးပေါင်းရင်းမြစ်များ

Wuj Richin ri Isaías 30:7

Kan qitzij na wi chi ri aj-Egipto kan xtikiya' to'onik, jak'a man jun rejqalen. Roma ri', yin ninbij chi ri Egipto xtubini'aj Rahab*f7* ri xa man jun nik'atzin-wi.

Wuj Richin ri Jeremías 46:17

K'ari' xesik'in y xkibij: Ri rey richin Egipto, janila k'iy ri xusuj, jak'a man jun xuya'.

Wuj Richin ri Isaías 36:6

Rix aj-Judá kan ikuquban-wi ik'u'x kik'in ri winaqi' aj-Egipto, jak'a rije' xa e achi'el jun aj ri maneq ruchuq'a'. Y achike k'a ri xtuto-ri' kik'in, xa kan achi'el jun wineq ri nuto-ri' rik'in ri aj ri'. Xa xtiq'aj y xtok-el pa ruq'a'. Kan keri' nuben ri rey richin Egipto kik'in konojel ri nikikuquba' kik'u'x rik'in.

2 Rey 17:4

Jak'a ri Oseas xa xyakatej chirij rija', y xeruteq rusamajela' rik'in ri So rey richin Egipto, richin xuk'utuj to'onik. Chuqa' kan man rutojon ta ri k'o chi nutoj chire rija' achi'el ri rubanon-pe ronojel juna'. Y toq ri Salmanasar xunabej chi ri Oseas yakatajineq chirij, jari' toq xuchop, xuxim rik'in cadena y xuya' pa cárcel.

Wuj Richin ri Isaías 1:1

Ja yin ri' ri Isaías, ri ruk'ajol ri Amós. Jare' k'a ri rutzijol ri xink'ul rik'in ri Dios pa ruwi' ri tinamit Jerusalem y ri ruwach'ulew Judá, toq xeq'aton-tzij ri Ozías, ri Jotam, ri Acaz y ri Ezequías ri chiri' pa Judá.

Wuj Richin ri Isaías 20:5

Roma ri' ri winaqi' ri kikuquban kik'u'x kik'in ri aj-Etiopía y ri aj-Egipto kan xtikixibij-ki' y xkek'ixbitej.

Wuj Richin ri Jeremías 46:2

Jare' ri rutzijol ri xuya' pa ruwi' ri ruwach'ulew Egipto y chikij ri aj-labal ri e richin ri rey Necao. Rija' xuch'ek ri Nabucodonosor rey richin Babilonia chiri' pa tinamit Carquemis chunaqaj ri raqen-ya' Éufrates, chupan ri rukaj juna' chire ri q'atbel-tzij richin ri Joaquim rey richin Judá. Y ri Dios xubij:

Os 1:1

Ri Jehová xch'on k'a wik'in yin Oseas ri ruk'ajol ri Beerí, toq yeq'aton-tzij pa ruwi' ri ruwach'ulew Judá, ri Ozías, Jotam, Acaz y ri Ezequías. Chuqa' jari' toq ri Jeroboam ri ruk'ajol ri Joás niq'aton-tzij pa ruwi' ri ruwach'ulew Israel.

Wuj Richin ri Isaías 30:1

Jare' ri rutzijol ri xuya' ri Jehová chike ri israelita ri man yeniman ta tzij: Toq'ex iwech rix roma niben achi'el alk'ualaxela' ri man yeniman ta tzij, y xa nich'ob ri man nuch'obon ta yin. Niya' itzij kik'in ch'aqa' chik, jak'a man yinik'ulubej ta yin. Y re' xa nimol más imak chiwij.