2 Rey 18:19 - Kaqchiquel Bible

¹⁹ K'ari' ri aj-raqen richin ri Senaquerib xech'on pa kich'abel ri aj-Jerusalem y xkibij chike ri e oxi' aj-raqen: Tibij k'a chire ri Ezequías: Jare' ri rubin-pe ri nimalej rey richin Asiria: ¿Achike roma janila akuquban ak'u'x?

2 Rey 18:19 ပူးပေါင်းရင်းမြစ်များ

Wuj Richin ri Isaías 36:4

Jari' toq ri aj-raqen ri' xubij: Tiq'axaj re jun taqikil re' chire ri rey Ezequías. Ri nimalej rey richin Asiria nrajo' nretamaj ri achike banayon chire richin janila rukuquban ruk'u'x.

Dn 4:30

xinmey k'a ronojel ri nubeyomel y xinbij k'a qa: Titz'eta' ri runimirinen ri ruwach'ulew Babilonia. Jare' ri xinpaba-q'anej yin rik'in ri wuchuq'a'; xinpaba-q'anej richin chi xinben chire chi xok ruk'u'x ri wajawaren, y richin chi nik'oje' kan retal ri nunimirinen yin, xicha-qa.

2 Rey 19:10

Rat akuquban ak'u'x rik'in a-Dios. Jak'a man yaq'olotej rik'in ri ruch'abel rija' toq nubij chi ri Jerusalem man xtijach ta pa nuq'a'.

Wuj Richin ri Isaías 37:13

¿Akuchi kami ek'o-wi ri rey richin ri tinamit Hamat, ri rey richin ri tinamit Arpad, ri rey richin ri tinamit Sefarvaim, ri Hená y ri Ivá?, xcha' ri Senaquerib. Re ch'abel re' xtz'ibex-el pa jun wuj richin xuteq-el.

Wuj Richin ri Isaías 37:10

Kere' k'a tibij chire ri Ezequías ri rey richin Judá: Man karuq'ol ri a-Dios ri achoq ik'in akuquban-wi ak'u'x, toq nubij chawe chi ri Jerusalem man xtujech ta pa nuq'a' yin.

Wuj Richin ri Isaías 36:7

Rix rik'in juba' nibij chuwe chi xaxe rik'in ri Jehová ikuquban-wi ik'u'x. Jak'a ri Ezequías xa kan xerelesaj yan el ri akuchi niya-wi ruq'ij rija' pa kiwi' taq juyu', y chuqa' ri porobel. Y xubij chiwe chi xtiya' ruq'ij xaxe pa ruwi' ri porobel ri k'o wawe' pa Jerusalem.

Wuj Richin Bix Chire ri Dios 4:2

Rix achi'a', ¿k'a janipe' k'a yixtane' richin yiniyoq'? ¿K'a janipe' k'a yixtane' richin niqasaj nuq'ij y nibij tz'ukun taq tzij?

2 Rey 18:22

Y wi rix nibij chuwe chi k'o nimabel-ik'u'x rik'in ri Jehová ri i-Dios, ¿man xrelesaj ta kami ri Ezequías ri akuchi niya'ox-wi ruq'ij ri Dios y akuchi nisuj kamelabel chuwech Rija', y xubij chi ri winaqi' aj-Judá y aj-Jerusalem nikiya' ruq'ij ri Dios xaxe pa ruwi' ri porobel ri k'o pa Jerusalem?

2 Rey 18:17

Chiri' pa tinamit Laquis akuchi-k'o-wi ri Senaquerib, ek'o chuqa' e oxi' aj-raqen pa kiwi' konojel ri aj-labal. Y ri Senaquerib xeruteq-el re oxi' aj-raqen re' e kachibilan-el e k'iy aj-labal, richin xe'apon pa Jerusalem akuchi-k'o-wi ri rey Ezequías. Toq xe'apon pa Jerusalem, xek'oje' k'a qa chunaqaj ri yakbel-ya' ri k'o-q'anej pa jotol, ri k'o pa bey ri akuchi yeban-wi tzieq.

Wuj Richin ri Isaías 36:6

Rix aj-Judá kan ikuquban-wi ik'u'x kik'in ri winaqi' aj-Egipto, jak'a rije' xa e achi'el jun aj ri maneq ruchuq'a'. Y achike k'a ri xtuto-ri' kik'in, xa kan achi'el jun wineq ri nuto-ri' rik'in ri aj ri'. Xa xtiq'aj y xtok-el pa ruq'a'. Kan keri' nuben ri rey richin Egipto kik'in konojel ri nikikuquba' kik'u'x rik'in.

2 Rey 18:5

Kan rik'in k'a ri Jehová Dios richin Israel xukuquba-wi ruk'u'x, y ja rija' ri más utz chikikojol konojel ri rey richin ruwach'ulew Judá ri xeq'ax yan y ri xkepe chirij rija',