2 Rey 18:18 - Kaqchiquel Bible

¹⁸ K'ari' rije' xesik'in chirij ri Ezequías. Y e oxi' aj-raqen richin ri Ezequías xe'el richin xokik'ulu-ki' kik'in ri aj-raqen richin ri Senaquerib. Y rije' kibini'an; Eliaquim, ruk'ajol ri Hilquías, aj-raqen pa ruwi' ri rachoch ri rey; ri Sebná aj-tz'ib; y ri Joah ruk'ajol ri Asaf, ri nipixaban richin ri rey.

2 Rey 18:18 ပူးပေါင်းရင်းမြစ်များ

2 Rey 19:2

Y xubij k'a chike ri Eliaquim, ri Sebná y ri e sacerdote, richin xkikusaj kitziaq richin bis. K'ari' xeruteq-el rik'in ri q'alajirisey ruch'abel ri Dios rubini'an Isaías ruk'ajol ri Amós.

Wuj Richin ri Isaías 37:2

Ri Eliaquim ri aj-raqen pa ruwi' ri rachoch ri rey, ri Sebná ri tz'ibanel y ri más e rijita'q taq sacerdote, rije' chuqa' xkikusaj tzieq richin bis. Y ri Ezequías xeruteq-el richin xebe rik'in ri Isaías ri q'alajirisey ruch'abel ri Dios.

Wuj Richin ri Isaías 36:22

K'ari' ri Eliaquim, ri Sebná y ri Joah xebe rik'in ri Ezequías, y xkiretz-el ri kitziaq chikij retal richin bis. Y toq xe'apon, k'ari' xbekitzijoj chire ronojel ri xubij kan ri aj-raqen pa kiwi' ri aj-labal aj-Asiria.

Wuj Richin ri Isaías 36:3

Y chupan ri q'ij ri' ri Eliaquim ruk'ajol ri Hilquías ja rija' ri aj-raqen pa ruwi' ri rachoch ri rey, ri Sebná ja rija' ri tz'ibanel, y ri Joah ruk'ajol ri Asaf ja rija' ri nipixaban richin ri rey. Y rije' xe'el-el richin xech'on rik'in ri aj-raqen pa kiwi' ri aj-Asiria.

2 Crón 34:8

Chupan k'a ri waqxaqlajuj juna' chire ri q'atbel-tzij richin ri Josías, toq xuch'ajch'ojirisaj yan ri ruwach'ulew y ri rachoch ri Jehová, jari' toq xeruteq-el ri Safán ruk'ajol ri Asalías, ri Amasías ri aj-raqen pa ruwi' ri tinamit Jerusalem, y ri aj-tz'ib rubini'an Joah ruk'ajol ri Joacaz, richin tibekichojmirisaj ri rachoch ri Jehová ri Dios.

1 Rey 4:3

ri Elihóref y ri Ahías ri e ruk'ajol ri jun achin rubini'an Sisá, jare' ri e ka'i' rutz'ibanela'. Ri Josafat ruk'ajol ri Ahilud ja rija' ri nichajin ri wuj richin ri yebanatej chupan ri ruwach'ulew.

2 Sam 20:24

Ri Adoram xk'oje' pa kiwi' ri samajela' e ximil pa samaj rik'in ri rey. Ri Josafat ruk'ajol ri Ahilud, ja rija' ri nitz'iban ri nibanatej ronojel q'ij.

2 Rey 18:26

K'ari' ri Eliaquim, ri Sebná y ri Joah xkibij k'a chike ri aj-raqen ri': Tibana' utzil, kixch'on qik'in pa ch'abel arameo, roma roj niq'ax chiqawech ri ch'abel ri'. Man kixch'on qik'in pa qach'abel, richin chi konojel winaqi' ri ek'o chiri' pa ruwi' ri tz'aq man niq'ax ta chikiwech, xecha'.

Wuj Richin ri Isaías 33:7

Tiwak'axaj k'a ri raqoj-chi'ij ri nikiben ri maneq xibinri'il chikiwech ri chiri' pa bey. Y ri taqonela' richin yebech'on pa ruwi' ri uxlanibel-k'u'x, xetzolin-pe y kan janila ye'oq'.