2 Rey 18:14 - Kaqchiquel Bible

¹⁴ Roma ri' ri Ezequías xuteq rubixik chire ri Senaquerib ri k'o chiri' pa tinamit Laquis, y kere' rubin-el chire: Yin wetaman chi ximakun chawech. Roma ri' katel-el re wawe' y xtintoj janipe' ri xtak'utuj chuwe, xcha-el. Y rik'in ri xubij-pe ri rey richin Asiria, ri Ezequías rey richin Judá xuya-el 220 quintal saqipueq y juwineq quintal q'anapueq.

2 Rey 18:14 ပူးပေါင်းရင်းမြစ်များ

2 Rey 18:7

Ri Jehová kan xk'oje' k'a rik'in rija', y xabakuchi nibe-wi richin nuben oyowal, kan utz k'a nel chuwech ronojel ri nuben. Y kan xyakatej k'a chirij ri rey richin Asiria y kan man xrilij ta ri rey ri'.

San Lucas 14:32

Y wi nuch'ob chi man nitikir ta, rija' yeruteq uk'uey rutzijol rik'in ri jun chik rey, toq k'a nej na k'o-wi. Y ri aj-labal ri' nibekik'utuj chi tik'oje' uxlanen chikikojol.

Wuj Richin Etamabel-Tzij 29:25

Roma ri' ri xibinri'il ri nikiya' ri achi'a', xa jun tzaqibel richin ri wineq; jak'a ri wineq ri kan nukuquba' ruk'u'x rik'in ri Jehová, kan k'o uxlanen, pa ránima.

1 Rey 20:4

Y ri rey richin Israel kere' xubij chike ri uk'uey rutzijol: Kan keri', achi'el ri nabij rat rey wajaw, yin in awichin k'a rat y ronojel ri k'o wik'in, xcha' ri Acab chike ri uk'uey rutzijol.

2 Rey 10:5

K'ari' ri samajel ri k'o pa ruwi' ri jay richin q'atbel-tzij, ri aj-raqen pa ruwi' ri tinamit, ri achi'a' ri k'o kiq'ij, ri yechajin y ri yetijon kichin ri e aj pa rachoch ri Acab; konojel rije' xkiteq rubixik chire ri Jehú, y xkibij-el: Roj kan oj asamajel rat rey; y xtiqaben k'a ronojel ri xtabij chiqe; jak'a roj man xtiqacha' ta qa jun chik rey. Roma ri', kan tabana' k'a ri achike niqa' chawech rat, xecha-el.

2 Rey 19:8

Toq ri aj-raqen pa kiwi' ri aj-labal xretamaj chi ri Senaquerib xumalij kan ri tinamit Laquis, richin niberubana' oyowal kik'in ri aj-Libná, rija' chuqa' xumalij kan ri Jerusalem y xapon akuchi k'o-wi ri rey.

Wuj Richin ri Jeremías 34:7

rokik ri aj-labal richin ri rey Babilonia, kan kichapon k'a chi oyowal ri tinamit Jerusalem, ri Laquis y ri Azecá, roma kan xaxe chik re' ri ek'o kan.

2 Rey 15:20

Richin chi nutoj ri saqipueq chire ri rey richin Asiria, ri Menahem xubij chi konojel ri beyoma' k'o chi nikiya' ri k'o chi nikitoj chire ri rey. Ri winaqi' ri' k'o chi nikitoj más juba' jun libra saqipueq. Keri' ri rey richin Asiria xtzolin pa rutinamit, y man xk'oje' ta qa más chiri' pan Israel.