2 Rey 17:8 - Kaqchiquel Bible

⁸ xa xekitzeqelibej ri kibanobal ri ch'aqa' chik tzobaj winaqi' aj-Canaán, ri kan man niqa' ta chuwech ri Jehová. Y roma re banobel re' kan xe'elesex-el chikikojol ri israelita. Y pa ruwi' ri', ri israelita kan xkitaqej ri itzel kibanobal ri xekiben ri ki-rey.

2 Rey 17:8 ပူးပေါင်းရင်းမြစ်များ

2 Rey 16:3

Rija' xa xuben k'a achi'el xkiben ri rey richin Israel. Kan xusuj k'a ri ruk'ajol richin kamelabel, achi'el ri itzel taq banobel kichin ri tzobaj winaqi' ri kan ek'o chiri'. Y roma ri', ri Jehová xerelesaj-el chikikojol ri israelita.

Deut 18:9

Toq xkixok chupan ri ruwach'ulew ri akuchi xtuya-wi ri Jehová ri qa-Dios chiwe; man titzeqelibej ri itzel taq banobel ri nikiben ri ch'aqa' chik ruwach'ulew.

Wuj Richin ri Chojmirisabelri'il 18:3

Man k'a titzeqelibej ri kibanobal ri aj-Egipto ri akuchi xixk'oje-wi. Man k'a tiben achi'el ri nikiben ri aj-Canaán, ri ruwach'ulew ri akuchi yixink'uaj-wi. Y man k'a tiben achi'el ri kibanobal rije'.

Wuj Richin ri Miqueas 6:16

Xtibanatej ronojel re' roma xitzeqelibej achi'el xuben kan ri pa ruq'atbal-tzij ri Omrí. y xa ibanon achi'el xkiben ri e aj pa rachoch kan ri Acab. Roma ri' xtitole' kan ri itinamit. Y ri winaqi' richin ri ch'aqa' chik ruwach'ulew xketze'en chiwij, y kan ja k'a rix xkixejqalen ri ruk'ixbilal.

Os 5:11

Ri Israel kan poqonatajineq roma kan xya'ox rutojbalil-mak pa ruwi' ri kan ruk'amon richin nuk'ul. Roma kan xerutzeqelibej ri xa man jun kejqalen.

Wuj Richin ri Jeremías 10:2

kere' nubij: Man titzeqelibej kibey ri ch'aqa' chik tzobaj winaqi'. Chuqa' man tixibij-iwi' chuwech ri retal ri yepe chila' chikaj, achi'el nikiben rije'.

Wuj Richin Bix Chire ri Dios 106:35

Pa ruk'exel chi xekik'is, xa xkitun-ki' kik'in. Xa xekibanala' k'a ri kibanobal ri winaqi' ri',

2 Rey 21:2

Kan itzel k'a xuben chuwech ri Jehová. Roma xa xuben ri k'ixbel taq banobel ri man niqa' ta chuwech ri Jehová achi'el yekiben ojer kan ri winaqi' ri ek'o chiri', ri e relesan chik el ri Jehová ri chiri' pan Israel.

2 Rey 17:19

Ni ta k'a ri winaqi' richin ri ruwach'ulew Judá man xkitaqej ta ri nubij ri pixa' richin ri Jehová ri ki-Dios. Xa xkitzeqelibej k'a ri itzel taq kibanobal ri israelita.

2 Rey 16:10

K'ari' ri rey Acaz xbe rik'in ri Pul chiri' pa Damasco. Y chiri' ri Acaz xutz'et jun porobel richin kamelabel. Jari' toq xuteq-el jun ruwachibel ri porobel ri' chire ri sacerdote Urías ri k'o pa Judá, richin kan keri' rubanik niban chire.

1 Rey 21:26

Ri Acab kan janila k'a itzel ri rubanobal chuwech ri Jehová, roma kan xuya' kiq'ij ri kiwachibel ri ch'aqa' chik dios, achi'el xkiben konojel ri winaqi' amorreo, ri xe'elesex-el chikiwech ri israelita roma ri Jehová.

1 Rey 12:28

Y toq ruk'utun chik k'a runa'oj, ri rey xa xeruben k'a kiwachibel ka'i' nima-alaj achij wákix, ri banon rik'in q'anapueq. Y rija' xubij k'a chike ri ruwinaq israelita: Man chik k'a xkixbe ta chik q'anej pa Jerusalem pa rachoch ri Dios richin nibeya' ruq'ij. Xa jare' ek'o wawe' ri dios ri xe'elesan-pe ri qati't-qamama' pa ruwach'ulew Egipto, xcha' chike.

Ez 5:6

Jak'a ri winaqi' xa xkipaba-ki' y man xkitaqej ta ronojel ruwech pixa' ri nuya'on chike. Rije' kan más k'a itzel xekiben chikiwech ri winaqi' ri ek'o chikinaqaj. Rije' kan xketzelaj ri nubin chike y kan man xkiben ta.

Ex 23:24

Man k'a kixxuke' chikiwech ri ki-dios, ni man ke'isamajij, ni man titzeqelibej chuqa' achi'el ri nikiben ri winaqi' ri'. Xa kan ke'iq'umla' k'a el konojel ri wachibel ri e kibanon y ke'iwulaj jumul.

Wuj Richin ri Chojmirisabelri'il 26:1

Ja yin Jehová ri i-Dios, roma ri' ninbij chiwe chi man ke'iben wachibel richin niya' kiq'ij y yixxuke' chikiwech, wachibel ri e paban, ri paban taq abej y ri abej ri ek'o wachibel chuwech.

2 Rey 17:40

Jak'a ri israelita ri' xa man xkak'axaj ta; xa kan xkiben k'a achi'el ri kibanon-pe.