2 Rey 17:7 - Kaqchiquel Bible

⁷ Ronojel re' xbanatej roma ri israelita kan xemakun chuwech ri Jehová ri ki-Dios, ri xelesan-pe kichin pan Egipto toq xkitej poqon. Kan xkisamajij ch'aqa' chik dios y

2 Rey 17:7 ပူးပေါင်းရင်းမြစ်များ

Wuj Richin ri Jeremías 10:5

Rije' e achi'el poy pa jun qejoj ri tikon pepino chuwech. Rije' man yech'on ta; k'o chi ye'uk'uex na, roma man yetikir ta yebiyin. Roma ri' man tixibij-iwi' chikiwech, roma rije' man jun achoq chire nikiben-wi, utz ni itzel, xcha' ri Jehová.

Wuj Richin ri Nehemías 9:26

Jak'a ri qati't-qamama' xa xeyakatej chawij, y kan man xkitaqej ta k'a ri apixa'. Toq xe'ateq e q'alajirisey ri ach'abel richin xkibij chike chi titzolej-pe kik'u'x awik'in, xa xekikamisaj. Kan janila k'a nima'q taq mak xekibanala' y re' kan xuben chawe richin xmulun ak'u'x.

Ex 20:2

Ja yin Jehová ri in i-Dios, ri xinelesan-pe iwichin ri chiri' pa ruwach'ulew Egipto, ri akuchi xixyuqe-wi pa samaj.

2 Crón 36:5

Toq xuchop nuq'et-tzij ri Joaquim pa Jerusalem, k'o k'a juwineq wo'o' rujuna', y xuq'et k'a tzij julajuj juna'. Kan xuben k'a ri man utz ta chuwech ri Jehová ri ru-Dios.

2 Rey 17:35

Ojer kan ri Jehová xuben jun jikibel-tzij kik'in ri winaqi' aj-Israel y xubij chike: Man ke'iwilij y man tiya' kiq'ij ch'aqa' chik dios, ni man ke'isuj kamelabel chikiwech.

2 Rey 16:2

K'o k'a juwineq rujuna' toq xok kan rey, y xuq'et-tzij waqlajuj juna' pa ruwi' ri Judá. Y rija' kan man xuben ta k'a ri utzilej taq banobel chuwech ri Jehová. Kan man xuben ta k'a achi'el xkiben ri ch'aqa' chik e rijatzul kan ri David.

1 Rey 15:3

Y ri Abiam xa xuben ri mak achi'el xuben ri rutata', xa man xucha' ta ruk'u'x chubanik ri niqa' chuwech ri Jehová ri ru-Dios, man xuben ta achi'el xuben ri David ri rumama'.

1 Rey 11:4

y toq ri rey Salomón xapon pa rurijixinen, ri ixoqi' kan kisachon chik k'a ruk'u'x y xerutzeqelibej ri ch'aqa' chik dios. Ri ránima kan man choj ta chik chuwech ri Jehová ri ru-Dios. Kan man xuben ta achi'el xuben ri David ri rutata',

Wuj Kichin ri To'onela' 6:10

Y xinbij k'a chiwe chi ja yin Jehová ri in i-Dios; man tiya' kiq'ij ri dios kichin ri amorreo, stape' chupan ri kiruwach'ulew ixk'o-wi; y jak'a rix xa man iniman ta pe nutzij, nicha' ri Jehová, xcha' ri q'alajirisey ri ruch'abel.

Deut 31:29

Roma yin wetaman chi toq xa in kamineq chik el, rix xkixyojtej jumul. Kan xtiya' kan ri bey ri xinbij chiwe ri k'o chi niwojqaj, y wetaman chuqa' ri xtipe chiwij ri chiwech-apo. Kan xtipe k'a ruk'ayewal pan iwi', roma kan itzel ri ibanobal chuwech ri Jehová, y niben chire richin nipe royowal roma ronojel ri xtiben, xcha' ri Moisés.

1 Crón 5:25

Jak'a rije' man xkikuquba' ta kik'u'x rik'in ri Jehová ri ki-Dios y ri ki-Dios ri kite-kitata'. Roma xa xekitzeqelibej ri ki-dios ri winaqi' aj chiri', ri xa xe'elesex yan el roma ri Jehová toq ye'ok yan apo chupan ri ruwach'ulew.

Ez 39:24

Yin xinya' k'a pa kiwi' ri israelita ri rutojbalil ri kimak achi'el ri ruk'amon richin nikik'ul, roma xe'ok man e ch'ajch'oj ta y xeyakatej chuwij. Roma ri' yin xenmalij k'a kan.

Os 12:14

Jak'a ri winaqi' richin Israel xa xkiyek royowal ri Dios. Roma ri' ri Dios kan xtuben k'a chi xtiqaqa pa kiwi' ronojel ri kamik e kibanalon, kan xtiqaqa k'a pa kiwi' ri rutojbalil ri kimak y kan xtuya' chik jun bey kik'ix.

Wuj Richin Bix Chire ri Dios 78:12

Re meyel taq banobel re' kan xuben k'a chikiwech ri ojer qati't-qamama' chupan k'a ri ruwach'ulew Egipto, ri chiri' pa tinamit Soan.

Wuj Richin ri Isaías 57:5

Rix ri yixk'oje' kik'in ixoqi' ri man iwixjayil ta, y keri' niben chuxe' xabachike nima'q taq che'. Chuqa' rix ri ye'isuj iwalk'ual chiri' pa taq taq'aj, y chukojol ri nima'q taq abej.

Os 4:12

Ri nutinamit ja chik ri e wachibel ri e banon rik'in che' ri yekik'ulubej-apo. Nikikusaj taq che' richin nikibananej chi ketaman ri peteneq chikiwech. Kan xch'akatej yan k'a roma ri itzel taq banobel. Ri nutinamit xa kan kitzeqeliben k'a ri itzel taq banobel. Xa xemakun k'a y xkich'er kan ki' wik'in.

Os 4:13

Xekamela'an pa ruwi' taq juyu', xekiporola' pom pa ruwi' taq tanatik. Keri' xkiben chuxe' taq che' ri janila kixaq. Roma ri' xemakun ri kimi'al. Ri kali' xemakun kik'in ch'aqa' chik achi'a'.