2 Rey 17:6 - Kaqchiquel Bible

⁶ K'ari' chupan ri juna' beleje' toq niq'aton-tzij ri Oseas, ri rey richin Asiria xuch'ek ri Samaria, y xeruk'uaj-el ri winaqi' aj-Israel pan Asiria. Xeruya' k'a pa tinamit Halah y pan Habor chunaqaj ri raqen-ya' Gozán y chuqa' chupan ri kitinamit ri ek'o pa kiruwach'ulew ri aj-Media.

2 Rey 17:6 ပူးပေါင်းရင်းမြစ်များ

Wuj Richin ri Rutikeribel 10:2

Ri e rijatzul ri Jafet ja ri Gómer, ri Magog, ri Madai, ri Javán, ri Tubal, ri Mésec y ri Tirás.

1 Rey 8:46

Yin wetaman chi kan man jun ri man ta nimakun chawech. Roma ri', toq ri atinamit xkemakun chawech, rat xtiyakatej awoyowal chikij, y xke'ajech-el pa kiq'a' ri xabachike etzelanel qichin.

2 Rey 15:29

Toq k'a niq'aton na tzij ri Pécah pa ruwi' ri Israel, jari' toq xpe ri Pul rey richin Asiria, y xeruch'ek ri tinamit Iión, ri Abel-bet-maacá, ri Janóah, ri Quedes, ri Hasor, ri Galaad, ri Galilea y chijun ri ruruwach'ulew ri Neftalí. Y ri winaqi' ri ek'o chiri' kan xeruk'uaj-el pan Asiria.

2 Rey 17:23

Y roma ri' ri Jehová kan xerelesaj k'a el chiri' chupan ri kiruwach'ulew, achi'el rubin chike ri rusamajela' ri e q'alajirisey ri ruch'abel. Y ri israelita xeq'axex chupan ri ruwach'ulew Asiria k'a re wakami.

2 Rey 18:34

¿Akuchi k'o-wi ri dios richin ri ruwach'ulew Hamat y ri Arpad? ¿Akuchi k'o-wi ri dios richin ri ruwach'ulew Sefarvaim, ri Hená y ri Ivá? ¿Xetikir kami xkikol ri Samaria pa qaq'a'?

2 Rey 19:12

¿Xetikir kami xekikol ri ki-dios ri tzobaj winaqi' richin ri ruwach'ulew ri xekik'is ri wati't-numama'? Ja tinamit re' ri xek'is: Ri Gozán, ri Harán, ri Résef y chuqa' ri winaqi' ri ek'o pa ruwach'ulew Bet-edén pa tinamit Telasar.

2 Rey 21:13

Yin xinjunamaj k'a ri kibanobal ri aj-Jerusalem kik'in ri aj-Samaria. Wakami kan xtintzu' wi choj rubanik ri kik'aslen achi'el xinben kik'in ri aj pa rachoch ri Acab. K'ari' xkenk'is k'a el ri aj-Jerusalem achi'el toq nijuq jun leq, chupan y chirij.

1 Crón 5:22

Kan janila k'a k'iy xeken chupan ri labal ri', roma kan ja ri Dios xya'on q'ij chike ri israelita. Xek'oje' k'a kan pa taq kitinamit ri winaqi' agareno, k'a toq xe'uk'uex-el pan Asiria.

1 Crón 5:26

Y roma ri' ri Dios richin ri Israel xuben chire ri Pul rey richin Asiria richin xeyakatej chikij. Ri Pul xeruk'uaj-el pa ximonri'il ri winaqi' rubenita, gadita y ri nik'aj tzobaj richin ri Manasés ri k'o pa relebel-q'ij chire ri raqen-ya' Jordán. Y xeruk'uaj-el chupan ri tinamit Halah, Habor, Hará y chunaqaj ri raqen-ya' Gozán, ri akuchi ek'o-wi k'a re wakami. Ri Pul chuqa' nibix Tiglat-piléser chire.

Wuj Richin ri Esdras 6:2

Y chiri' chupan ri tinamit Ecbatana, chiri' chupan ri rachoch ri rey ri akuchi niq'aton-wi-tzij pa ruwi' ri ruwach'ulew Media, xilitej k'a ri wuj ri' ri akuchi tz'iban-wi ri natabel richin y kere' nubij:

Wuj Richin ri Nehemías 9:32

Roma ri' nimalej qa-Dios, ri k'o ronojel uchuq'a' awik'in y kan xaxe chawech rat ruk'amon chi yojbaybot. Rat ri xajikiba-atzij chiqawech y kan xaben ri xabij. Man ta ti ko'ol ok chawech re tijoj-poqonal re niqaq'axaj roj, ri e qa-rey, ri e qatata'al, ri e qa-sacerdote, ri e q'alajirisey ri ach'abel, ri e qawinaq y ri qate-qatata'. Ri qawinaq kan xkitej-pe poqon kan ja toq xepe ri aj-Asiria, k'a chupan re q'ij re'.

Wuj Richin ri Isaías 10:9

Xeqach'ek yan ri tinamit Calnó y ri Carquemis. Ri tinamit Hamat y ri Arpad chuqa' kan xeqach'ek yan, y chuqa' xeqawulaj yan ri tinamit Samaria y ri Damasco.

Wuj Richin ri Isaías 13:17

Re wakami k'a kan xkenbentaqa' k'a pe ri aj-Media chikij ri aj-Babilonia. Ri aj-Media kan man xtikich'ob ta chik ri janila chi saqipueq, ni man xtikirayij ta ri q'anapueq richin nikik'uaj.

Wuj Richin ri Isaías 17:4

Chupan k'a ri q'ij ri' ri rajawaren ri Israel kan xtiqasex ruq'ij, y chuqa' kan xtik'is ronojel rubeyomel. Y ronojel xtuk'uex-el,

Wuj Richin ri Isaías 21:2

Kan janila k'ayew ri q'ij ri xuk'ut ri Dios chinuwech chupan jun achi'el achik'. Y ri achik' ri' xaxe nuk'ut q'oloj y wululen. ¡Kixyakatej rix tinamit richin Elam, chuqa' rix aj-Media! Ri Dios xtutanaba' ri kijiloj ri winaqi' ri ya'on koma ri aj-Babilonia.

Wuj Richin ri Isaías 36:17

k'a toq ri nu-rey xtipe richin xkixruk'uaj-el pa jun chik ruwach'ulew ri kan jubama junan rik'in ri iruwach'ulew rix, akuchi niwachin-wi ri jalajoj kiwech ixin richin niben ikaxlan-way, y akuchi niwachin-wi ri uva richin niben i-vino.

Wuj Richin ri Isaías 36:19

¿Akuchi kami k'o-wi ri ki-dios ri aj-Hamat y ri aj-Arpad? ¿Akuchi kami k'o ri ru-dios ri tinamit Sefarvaim? ¿Xetikir kami xekikol kan ri aj-Samaria pa ruq'a' ri nu-rey?

Wuj Richin ri Isaías 37:18

Kan qitzij na wi, Jehová, chi konojel ri rey richin ri Asiria kan xekik'is ri winaqi' ri' y xwulaj kan ri kiruwach'ulew.

Wuj Richin ri Isaías 8:4

Roma toq ri ak'ual xtitikir xtubij táta, nána, jari' toq ri aj-Damasco y ri aj-Samaria xtelesex-el ronojel kibeyomel y xke'uk'uex-el rik'in ri rey richin Asiria.

Wuj Richin ri Jeremías 50:17

Rix winaqi' israelita ri italun-iwi' achi'el karne'l ri e sachineq y e tzeqeliben koma koj. Ri nabey koj ja ri rey richin Asiria, ri xixrutej rix. K'ari' xpe ri Nabucodonosor rey richin Babilonia y xupaq'aq'ej ri ibaqil.

Dn 5:28

Ri PARSÍN nel chi tzij chi ri ajawaren xelesex yan k'a pan aq'a' rat y xch'ar chikiwech ri aj-Media y ri aj-Persia, xcha' ri Daniel.

Os 1:4

K'ari' ri Jehová xubij chik k'a chuwe: Ri awalk'ual Jezreel k'a ri rubi' ri xtaya', roma yin xa kan xtinbenya' yan k'a rutojbalil-mak pa kiwi' ri e rijatzul kan ri Jehú, roma ronojel ri kamik ri xkiben chupan ri taq'aj Jezreel y xtik'is ri ajawaren richin ri tinamit Israel.

Os 1:6

Ri wixjayil xyawej chik k'a jun bey y xk'oje' chik jun ti ral xten y ri Dios xubij k'a chuwe: Ri ti ami'al xtubini'aj: Man Jun Xtijoyowan ruwech,*f1* roma yin kan man xtinjoyowaj ta chik ruwech ri tinamit Israel y kan man xtinkoch' ta chik.

Os 1:9

Y ri Dios xubij chik k'a chuwe: Ri ti ak'ajol xtubini'aj: Ri Man Nutinamit Ta,*f2* roma wakami rix xa man ix nutinamit ta chik y yin man in i-Dios ta chik, xcha'.

Os 13:16

Ri tinamit Samaria kan xtiqaqa k'a ri rutojbalil-mak pa ruwi' roma kan xupaba-ri' chuwech ri Dios, kan xkekamisex chi espada. Ri taq ak'uala' kan xkek'aq k'a pan ulew, ri ixoqi' ri nibe'alex yan taq kal xa kan xtijaq k'a ri kipan, ncha' ri Dios.

Os 8:8

Ronojel ri k'o chuwech ri ruwach'ulew Israel xa xk'is-el xa kan xtitz'et koma ch'aqa' chik ruwach'ulew, achi'el jun bojo'y ri man jun nik'atzin-wi.

Os 9:3

Rix kan man k'a xkixk'oje' ta kan chupan ri ruwach'ulew ri richin ri Jehová. Rix aj-Israel xa kan xkixtzolej chik k'a chupan ri ruwach'ulew Egipto, xkixbek'oje' k'a pan Asiria, chiri' kan xtitej k'a ronojel ri man ch'ajch'oj ta.

Wuj Richin ri Chojmirisabelri'il 26:38

Xkek'is k'a chikikojol ri winaqi' ri e richin ch'aqa' chik ruwach'ulew. Kan xkek'is k'a chupan ri kiruwach'ulew ri e etzelanel kichin.

Am 5:27

roma yin xkixinteq-el más k'a kela' chirij ri ruwach'ulew Damasco. Yin Jehová ri Dios ri k'o ronojel uchuq'a' wik'in ri yibin.

Am 7:17

Roma ronojel re', ri Jehová xuteq-pe re rutzijol re' chawe: Ri awixjayil xtuchop itzel k'aslen wawe' pa tinamit. Ri awalk'ual xkekamisex rik'in espada. Ri awulew xtitalux chikiwech ch'aqa' chik winaqi'. Rat xkaken chiri' pa ruwach'ulew Asiria. Y konojel ri awinaq israelita xke'uk'uex-el pa ximonri'il; xke'uk'uex-el nej chire ri kiruwach'ulew, nicha' ri Jehová, xcha' ri Amós.

Deut 28:36

Ri Jehová xtuben chiwe chi rix y ri i-rey xkixuk'uex-el pa jun chik ruwach'ulew ri man itz'eton ta rix ni ri qati't-qamama' man xketamaj ta y chiri' rix kan xtiya' k'a kiq'ij ch'aqa' chik dios ri e banon rik'in che' y abej.

Deut 28:64

Y ri Jehová kan xkixrutaluj-el pa taq tinamit chuwech chijun ruwach'ulew, y yixapon k'a pa taq ruk'isibel chire ri ruwach'ulew; y chiri' rix xa xtiya' kiq'ij ri ch'aqa' chik dios ri e banon rik'in che' y abej ri man jun bey xiwetamaj ta kiwech y ni ta ri qati't-qamama' man xketamaj ta kiwech.

Deut 30:18

wi keri' xtiben, yin kan ninbij k'a chiwe chi kan xkixken chi'anin. Y kan man xkixyaloj ta el chuwech ri ruwach'ulew ri'.