2 Rey 17:40 - Kaqchiquel Bible

⁴⁰ Jak'a ri israelita ri' xa man xkak'axaj ta; xa kan xkiben k'a achi'el ri kibanon-pe.

2 Rey 17:40 ပူးပေါင်းရင်းမြစ်များ

Wuj Richin ri Jeremías 13:23

¿Nitikir kami jun wineq q'eq, nok ta seq? ¿Nitikir kami jun balma nrelesaj-el ri taq seq'eseq ri ek'o chirij? Rix chuqa' winaqi' aj-Judá, man yixtikir ta chik niben ri utz, roma kan ruk'ulun chik chiwe richin niben ri etzelal.

2 Rey 17:34

Re wakami, k'a nikiben na achi'el xkiben rubanon kan: Ni man nikiya' ta rejqalen ri Jehová, ni man nikitaqej ta ronojel ri pixa' ri xuya' ri Jehová ojer kan chike ri e ruk'ajol kan ri Jacob ri xubini'aj chuqa' Israel.

2 Rey 17:12

Kan xekisamajij k'a ri wachibel, ri kan rubin ri Jehová chi man tikiben keri'.

2 Rey 17:8

xa xekitzeqelibej ri kibanobal ri ch'aqa' chik tzobaj winaqi' aj-Canaán, ri kan man niqa' ta chuwech ri Jehová. Y roma re banobel re' kan xe'elesex-el chikikojol ri israelita. Y pa ruwi' ri', ri israelita kan xkitaqej ri itzel kibanobal ri xekiben ri ki-rey.

Deut 4:28

Y chiri' k'a nibeya' kiq'ij wachibel ri e banon koma achi'a', wachibel ri e banon rik'in che', y chuqa' ri e banon rik'in abej. Ri man yetzu'un ta, ri man ye'ak'ex ta, ri man yewa' ta y chuqa' ri man yeseqon ta.

2 Rey 17:39

Kan xaxe k'a yin tiya' nuq'ij roma xixinkol pa kiq'a' konojel ri etzelanel iwichin, xcha'.

2 Rey 17:41

Keri' chuqa' xkiben ri winaqi' ri e k'amon-pe; xa man xkiya' ta ruq'ij ri Jehová, chuqa' xa kan xekisamajij ri ch'aqa' chik dios. Y chuqa' ri kalk'ual y ri kiy-kimam, keri' xkiben achi'el xkiben ri kite-kitata'; y kan keri' nikiben k'a re wakami.