2 Rey 17:32 - Kaqchiquel Bible

^32-33 Kan nikiya' ruq'ij ri Jehová. Jak'a xa nikiya' chuqa' kiq'ij ri ki-dios, achi'el xkiben ri aj-Israel ri xe'uk'uex-el. Chuqa' xkiben chike jujun ri kiwinaq richin xe'ok sacerdote richin yekisamajij ri akuchi nikiya-wi kiq'ij ri wachibel pa ruwi' taq juyu', y rije' chuqa' nikisuj kamelabel ri chiri'.

2 Rey 17:32 ပူးပေါင်းရင်းမြစ်များ

1 Rey 12:31

Xeruben k'a q'anej rachoch akuchi yekiya-wi kiq'ij ri ki-dios pa ruwi' taq juyu', y man jun bey xe'ukusex ri e rijatzul kan ri Leví richin sacerdote.

2 Rey 17:29

Jak'a chikijujunal ri tzobaj winaqi' ri man e aj chiri' ta chuqa' xekiben wachibel ki-dios, y xekiya' k'a chiri' ri akuchi nikiya-wi kiq'ij wachibel ojer kan, ri aj-Israel.

Wuj Richin ri Sofonías 1:5

keri' chuqa' konojel ri nikiya' kiq'ij ri xmotza' pa ruwi' ri kachoch; chuqa' ri nikiya' nuq'ij yin rokik nikiya' ruq'ij ri ki-dios Milcom.

2 Rey 23:19

Chuqa' ri Josías xeruyoj ri jay ri akuchi nikiya-wi kiq'ij wachibel pa ruwi' taq juyu' ri ek'o chiri' pa ruwach'ulew Israel, ri xekiben kan ri e rey richin Israel toq xkiyek royowal ri Jehová. Ronojel re' xerelesaj-el ri rey Josías, kan achi'el ri xuben pa Betel.

1 Rey 13:33

Man rik'in ri', ri Jeroboam man xuch'er ta kan ri' rik'in ri itzelej bey ri ruk'uan; xa kan xerukanoj más sacerdote chikikojol ri winaqi' richin nikiya' ruq'ij ri ki-dios pa ruwi' taq juyu'. Ri achike xrajo' rija' richin xerukusaj kan sacerdote, jari' ri xesamajin ri chiri'.

1 Rey 13:31

Toq xbemuq yan kan ri achin richin ri Dios, jari' toq ri ti ri'j achin xch'on kik'in ri ruk'ajol y xubij chike: Toq yin xkiken, xkinimuq junan rik'in rija', y ri nubaqil xtuxlan chuxikin ri rubaqil rija',

2 Rey 17:25

Y pa taq nabey q'ij toq ri winaqi' ri' xek'oje-qa chiri', man xkisamajij ta ri Jehová. Y roma ri' rija' xeruteq k'a pe koj chikij richin xek'is.

Wuj Richin ri Esdras 4:2

jari' toq xebe rik'in ri Zorobabel y kik'in ri e aj-raqen kichin ri winaqi' y xkibij chike: Tiya' q'ij chiqe richin yixqato', roma roj chuqa' niqakanoj ri i-Dios rix. Y chuqa' kan jantape' qasujun-pe kamelabel chire ri Dios, chupan-pe ri q'ij toq xojoqaqa wawe', toq xojruteq-pe ri Esarhadón rey richin Asiria, xecha'.

1 Rey 12:33

Kere' k'a xuben ri Jeroboam chupan ri wolajuj q'ij richin ri ik' waqxaqi': Kan ja rija' ri xsuju kamelabel ri chiri' pa Betel. Kan xutz'uk k'a q'anej ri nimaq'ij ri xpe pa ránima rija', y xjote-q'anej rik'in ri porobel richin xuporoj pom.

2 Rey 17:41

Keri' chuqa' xkiben ri winaqi' ri e k'amon-pe; xa man xkiya' ta ruq'ij ri Jehová, chuqa' xa kan xekisamajij ri ch'aqa' chik dios. Y chuqa' ri kalk'ual y ri kiy-kimam, keri' xkiben achi'el xkiben ri kite-kitata'; y kan keri' nikiben k'a re wakami.