2 Rey 17:31 - Kaqchiquel Bible

³¹ Ri aj-Avá xkiben ka'i' wachibel jun richin ri Nibhaz y jun richin ri Tartac; ri aj-Sefarvaim yekiporoj k'a ri kalk'ual richin nikiya' kiq'ij ri Adramélec y ri Anamélec ri e ki-dios.

2 Rey 17:31 ပူးပေါင်းရင်းမြစ်များ

2 Rey 17:24

Jak'a ri rey richin Asiria xeruk'en k'a pe winaqi' richin jalajoj ruwech tinamit: Ri Babilonia, ri Cuta, ri Avá, ri Hamat y ri Sefarvaim, richin xeruya' pa taq tinamit ri ek'o pa ruwach'ulew Israel, pa kik'exel ri e rijatzul kan ri Israel. Keri' xok-qa kichin ri Samaria y ri ch'aqa' chik tinamit ri ek'o chiri'.

2 Rey 17:17

Xekiporoj k'a ri kalk'ual richin xekisuj richin kamelabel. Xe'ok richin nikibananej richin nikiq'alajirisaj ri peteneq chikiwech, y xebe rik'in aj-itz. Kan xkijech k'a ki' richin xkiben ri etzelal chuwech ri Jehová, richin xkiyek janila royowal.

2 Rey 19:37

Y k'o k'a jun q'ij rija' xbe pa rachoch ri Nisroc ri ru-dios richin nuya' ruq'ij. Jari' toq ri e ruk'ajol kibini'an Adramélec y ri Sarézer xe'apon y xkikamisaj kan chi espada. K'ari' xe'animej y xebe pa ruwach'ulew Ararat. Y ri xk'oje' kan pa ruk'exel ja ri Esarhadón ri ruk'ajol.

Wuj Richin ri Esdras 4:9

Y toq ri Rehúm y ri Simsai xkitz'ibaj ri wuj ri', chuqa' kan ek'o chik ch'aqa' winaqi' ri xkitz'ibaj-el: Ri ch'aqa' chik e kachibil, ri to'onela', ri ch'aqa' chik aj-raqen pa kiwi' ri winaqi' ri e apowineq chiri' pa Persia, pan Erec, pa Babilonia, pa Susa, pan Elam,

Deut 12:31

Man tiya' ruq'ij ri Jehová achi'el nikiben rije', roma ri itzel kan man nukoch' ta nutz'et rija'. Jari' ri xkiben rije'; richin xkiya' ruq'ij ri ki-dios xekiporola' ri kimi'al-kik'ajol chikiwech.

Deut 12:28

Kan tiwak'axaj y kan titaqej k'a ronojel ri xinbij chiwe, richin keri' rix y ri iwijatzul kan utz xkixbiyin richin q'asen, roma kan utz y choj ri niben chuwech ri Jehová ri qa-Dios.

Wuj Richin ri Chojmirisabelri'il 18:21

Man tisuj k'a jun chike ri iwalk'ual richin jun sipanik ri niporox chire ri dios rubini'an Moloc, richin man niyoq'otej ri nubi', yin ri in i-Dios. Yin Jehová ri yibiyin.

Wuj Richin ri Jeremías 2:28

Rix aj-Judá, ¿akuchi k'a ek'o-wi ri i-dios ri xe'iben? Keyakatej k'a pe rije'; q'alaj k'ari' wi yetikir yixkikol chupan ri bis. Roma kan achi'el ri rajlabal ri itinamit, kan keri' chuqa' kajlabal ri dios ri xe'iben.