2 Rey 17:27 - Kaqchiquel Bible

²⁷ K'ari' ri rey richin Asiria xubij chi tuk'uaj jun chike ri sacerdote aj-Israel ri uk'uan-el y tibek'oje' chikikojol rije' pa ruwach'ulew Israel richin tuk'utu' chikiwech achike rubanik nikiya' ruq'ij ri Dios richin ri ruwach'ulew ri'.

2 Rey 17:27 ပူးပေါင်းရင်းမြစ်များ

2 Crón 11:15

Y ri Jeroboam e rukanon ru-sacerdote richin yesamej pa ruwi' taq juyu' ri akuchi nikiya' ruq'ij ri ch'aqa' chik dios, richin nikiya' kiq'ij ri aj-tzay y ri ka'i' nima-alaji' achija' taq wákix ri xeruben rik'in q'anapueq.

1 Rey 13:2

Jari' toq ri achin ri' rik'in ronojel ruchuq'a' xch'on pa rubi' ri Jehová y xubij: ¡Porobel! Ri Jehová kan nubij chi pan awi' rat xkesuj-wi ri e sacerdote ri yeporon pom pa ruwi' re juyu' re'. Y pan awi' chuqa' rat xkeporox-wi ri kibaqil ri winaqi'. Kan jak'a ri ak'ual ri xtalex pa rachoch kan ri rey David, jari' ri xtibanon y ri ak'ual ri' xtubini'aj Josías, xcha'.

1 Rey 12:31

Xeruben k'a q'anej rachoch akuchi yekiya-wi kiq'ij ri ki-dios pa ruwi' taq juyu', y man jun bey xe'ukusex ri e rijatzul kan ri Leví richin sacerdote.

Wuj Kichin ri To'onela' 17:13

Ri Micaías xubij: Wakami k'a wetaman chi ri Jehová xtuben chuwe chi jebel xtel ronojel chinuwech, roma kan levita ri nu-sacerdote, xcha'.

2 Rey 17:26

Jari' toq ri winaqi' xkiteq rubixik chire ri rey richin Asiria y xkibij chi roma rija' xek'amer-pe y xeruya' pa taq tinamit. Jak'a rije' man ketaman ta k'a achike rubanik richin nikiya' ruq'ij ri Dios richin ri ruwach'ulew ri'. Roma ri' ri Dios ri' xuteq-pe koj chikikojol rije' richin xek'is.

2 Rey 17:28

Y jun k'a chike ri sacerdote aj-Israel, xbek'oje' chiri' pa tinamit Betel, richin xerutijoj ri achike rubanik richin nikiya' ruq'ij ri Jehová y nikiben ri niqa' chuwech rija'.

Wuj Richin ri Esdras 7:25

Y rat, Esdras, rik'in ri na'oj ri ruya'on ri a-Dios chawe, ke'akanoj k'a ri yechojmirisan ri yebanatej, y ye'akanoj chuqa' aj-raqen ri nikiq'et-tzij pa kiwi' konojel ri awinaq ri ek'o pa ruwach'ulew ri k'o pa qajbel-q'ij chire ri raqen-ya' Éufrates. Y wi man ketaman ta ri pixa' richin ri a-Dios, tak'utu' chikiwech.