2 Rey 17:25 - Kaqchiquel Bible

²⁵ Y pa taq nabey q'ij toq ri winaqi' ri' xek'oje-qa chiri', man xkisamajij ta ri Jehová. Y roma ri' rija' xeruteq k'a pe koj chikij richin xek'is.

2 Rey 17:25 ပူးပေါင်းရင်းမြစ်များ

2 Rey 17:41

Keri' chuqa' xkiben ri winaqi' ri e k'amon-pe; xa man xkiya' ta ruq'ij ri Jehová, chuqa' xa kan xekisamajij ri ch'aqa' chik dios. Y chuqa' ri kalk'ual y ri kiy-kimam, keri' xkiben achi'el xkiben ri kite-kitata'; y kan keri' nikiben k'a re wakami.

2 Rey 17:34

Re wakami, k'a nikiben na achi'el xkiben rubanon kan: Ni man nikiya' ta rejqalen ri Jehová, ni man nikitaqej ta ronojel ri pixa' ri xuya' ri Jehová ojer kan chike ri e ruk'ajol kan ri Jacob ri xubini'aj chuqa' Israel.

2 Rey 17:32

Kan nikiya' ruq'ij ri Jehová. Jak'a xa nikiya' chuqa' kiq'ij ri ki-dios, achi'el xkiben ri aj-Israel ri xe'uk'uex-el. Chuqa' xkiben chike jujun ri kiwinaq richin xe'ok sacerdote richin yekisamajij ri akuchi nikiya-wi kiq'ij ri wachibel pa ruwi' taq juyu', y rije' chuqa' nikisuj kamelabel ri chiri'.

Wuj Richin ri Jonás 1:9

Rija' xubij chike: Yin in hebreo, y ninya' ruq'ij ri Jehová ri Dios ri rajaw ri kaj, ri xbanon re palou y ri ruwach'ulew, xcha'.

Dn 6:26

Yin ri in rey ninya' k'a pan iwi' chi'iwonojel re jun pixa' re': Kan konojel k'a ri winaqi' ri ek'o chupan ri wajawaren kan tikiqasaj k'a ki' chuwech ri ru-Dios ri Daniel; Roma ri Dios ri' kan jari' ri k'aslik Dios; ja rija' ri Dios richin tibe-q'ij tibe-seq. Ri rajawaren kan man jun k'a xtiwulan richin; ri ruq'atbal-tzij kan man k'isel ta k'a.

Ez 14:21

Roma ri' kere' ninbij yin: Xtapon k'a ri q'ij chi yin xtinteq k'a pe kaji' ruwech ruk'ayewal pa ruwi' ri tinamit Jerusalem: Ri oyowal, ri wayjal, ri k'uxunela' taq chikopi' y ri yabil. Y re' kan xkeruk'is ri winaqi' y ri kawej.

Ez 14:15

Y wi ta chuqa' xkenteq-el k'uxunela' taq chikopi' richin chi yekikamisaj konojel ri winaqi' y wi ta re ruwach'ulew re' xke'ok ta kan tz'iran, ri akuchi man jun wineq najowan niq'ax roma kan ek'o k'iy k'uxunela' taq chikopi'.

Wuj Richin ri Jeremías 15:3

Yin Jehová ri yibin. Yin xtinteq kaji' ruwech ruk'ayewal pa kiwi': Xkekamisex pa labal o chuqa' xkekiwech' tz'i' o ja ri aj-xik' taq chikopi' ri xketijo ri kich'akul o ri chikopi' k'uxunela' xkek'ison kichin.

Wuj Richin ri Jeremías 10:7

Kan konojel k'o chi nik'oje' akiy chikiwech roma rat ri at rey pa kiwi' konojel tzobaj winaqi'. Roma ri' xaxe rat ruk'amon chi nik'oje' akiy. Y chikikojol konojel aj-na'oj richin chijun ruwach'ulew, kan man jun chik achi'el rat.

Wuj Richin ri Jeremías 5:6

Roma ri' ri koj ri k'o pa k'echelaj kan xkerukamisaj, ri utiwa' ri ek'o pa tz'iran ruwach'ulew kan xkekiwech', ri balma xtuchop ri' kik'in chiri' chunaqaj ri kitinamit y kan xkeruk'ajij toq xke'el-pe, roma janila k'iy mak e kibanalon y janila k'iy q'oloj ri xekibanala'.

2 Rey 17:28

Y jun k'a chike ri sacerdote aj-Israel, xbek'oje' chiri' pa tinamit Betel, richin xerutijoj ri achike rubanik richin nikiya' ruq'ij ri Jehová y nikiben ri niqa' chuwech rija'.

2 Rey 2:24

Y ri Eliseo xtzu'un k'a kan chirij y xerutz'et, y kan xuya' etzelanik pa kiwi' pa rubi' ri Jehová. Y xe'el k'a pe ka'i' ixoq taq oso chikij, y xekik'is e kawineq ka'i' chike rije'.

1 Rey 20:36

Y ri q'alajirisey ruch'abel ri Dios kere' xubij chire ri rachibil: Roma man xanimaj ta rutzij ri Jehová, kan xaxe xtach'er kan awi' wik'in, xtak'ul jun koj y xkarukamisaj, xcha'. Y toq xkich'er kan ki' rik'in ri rachibil jari' toq xbe'el-pe jun koj chirij y xukamisaj.

1 Rey 13:24

richin keri' nuchop-el bey. Y toq ruchapon chik k'a el bey, xbe-el pe jun koj chirij y xukamisaj, y ri ruch'akul chiri' xpune-wi kan. Y ri kamineq xk'oje' kan chikikojol ri ti bur y ri koj.

Wuj Richin ri Josúe 22:25

Ri Jehová xuya' ri raqen-ya' Jordán richin k'ulba't chiqakojol roj y rix. Roma ri' rix ri tzobaj richin ri Rubén y ri Gad man ix richin ta ri Jehová, xkecha', xojcha' roj. Keri' ri chiqawech-apo ri iwijatzul rix xtikiben chike ri qijatzul roj richin man xtikitzeqelibej ta chik ri Jehová.

Wuj Richin ri Chojmirisabelri'il 26:22

Kan xtinben chi xkepe k'uxunela' taq chikopi', kan xkekitej ri iwalk'ual, chuqa' xkekitej ri iwawej y kan xkixk'is, y kan xtitole' kan ri bey.

2 Rey 17:26

Jari' toq ri winaqi' xkiteq rubixik chire ri rey richin Asiria y xkibij chi roma rija' xek'amer-pe y xeruya' pa taq tinamit. Jak'a rije' man ketaman ta k'a achike rubanik richin nikiya' ruq'ij ri Dios richin ri ruwach'ulew ri'. Roma ri' ri Dios ri' xuteq-pe koj chikikojol rije' richin xek'is.

Wuj Richin ri Isaías 15:9

Y ri ya' ri nipe pa tinamit Dimón xa kan xkenoj chi kik'; jak'a ri Dios kan xtuteq-pe más nima'q taq ruk'ayewal pa kiwi' rije'. Roma kan xkeruteq-pe koj chikij, ri winaqi' ri k'a xkek'ase' kan chiri'.