2 Rey 17:21 - Kaqchiquel Bible

²¹ Ojer kan toq ri tinamit Israel xujech'ej-ri' rik'in ri rijatzul ri David, jari' toq xkibij chi xok ki-rey ri Jeroboam, ruk'ajol kan ri Nabat. Y rija' xuben chike richin man xkitzeqelibej ta chik ri Jehová, y xuben chike richin xemakun.

2 Rey 17:21 ပူးပေါင်းရင်းမြစ်များ

1 Rey 11:11

Roma ri' ri Jehová xubij chire: Roma kere' ri abanobal y xaxolq'otij ri jikibel-tzij, y man xataqej ta ri xinbij chawe, wakami k'a kan xtinwelesaj chawe ri q'atbel-tzij y ninya' chire jun asamajel.

1 Rey 11:31

Y xubij chire ri Jeroboam: Tachapa-el lajuj chire la kablajuj wech' tzieq la' roma rubin ri Jehová ri qa-Dios richin Israel chi rija' xtrelesaj ri ajawaren pa ruq'a' ri Salomón, y xtuya' chawe rat lajuj tzobaj winaqi'.

1 Rey 14:16

Roma ri' ri Jehová xtumalij kan ri Israel roma ri rumak ri xuben ri Jeroboam, y roma chuqa' kan xuben chi xemakun konojel winaqi' richin Israel, xcha' ri Ahías.

San Juan 19:11

Y ri Jesús xubij: Man jun ta aq'atbel-tzij pa nuwi', wi man ta roma ri Dios. Roma k'a kan ja rija' yoyon-pe q'atbel-tzij pan aq'a', roma ri' k'o aq'a' chuwe. Y wi xkinateq pa kamik, kan k'o k'a amak, jak'a ri más nim kimak ja ri xijacho pan aq'a', xcha' ri Jesús.

Wuj Richin ri Isaías 7:17

Jak'a ri Jehová xtuteq-pe pan iwi' tijoj-poqonal ri kan man jun bey itz'eton-pe, kan k'a ja toq ruch'aron-pe-ri' ri tinamit Israel qik'in roj ri aj-Judá. Re' nel chi tzij ri tijoj-poqonal ri xtiberuya' ri rey richin Asiria pan iwi'.

Wuj Richin Bix Chire ri Dios 25:11

Jehová, roma ri awajowabal tabana' utzil takuyu' ri numak, ri kan janila nim.

2 Crón 11:15

Y ri Jeroboam e rukanon ru-sacerdote richin yesamej pa ruwi' taq juyu' ri akuchi nikiya' ruq'ij ri ch'aqa' chik dios, richin nikiya' kiq'ij ri aj-tzay y ri ka'i' nima-alaji' achija' taq wákix ri xeruben rik'in q'anapueq.

2 Crón 11:11

Ri chiri' chupan ri tinamit ri', xeruchojmirisaj-qa ri jay ri e tz'apen-kij chi tz'aq y xeruya' aj-raqen pa kiwi', y chiri' xeruyek-wi ronojel ri yek'atzin richin yetij, ri aceite y ri vino.

1 Rey 14:8

Yin xinwelesaj k'a el ri ajawaren chuwi-kiq'a' ri aj pa rachoch kan ri David, richin xinya' chawe rat. Jak'a rat man xaben ta achi'el xuben ri David ri nusamajel; rija' kan xutaqej ri nupixa' y xirutzeqelibej rik'in ronojel ránima, y ri rubanobal kan choj xuben chinuwech.

1 Sam 2:24

Walk'ual, man tiben keri' roma xa man utz ta ri rutzijol ri eleneq chiwij ri ninwak'axaj yin, roma niben chire chi yemakun ri rutinamit ri Jehová.

1 Sam 2:17

Roma ri' ri Hofní y ri Finees kan janila nim ri kimak chuwech ri Jehová, roma man jun rejqalen nikiben chire ri sipanik ri niya'ox chire ri Dios.

Ex 32:21

Chirij ri' ri Moisés xubij chire ri Aarón: ¿Achike xkiben chawe re winaqi' re', richin xe'ayuqej chupan re jun nimalej mak re'?, xcha'.

Wuj Richin ri Rutikeribel 20:9

K'ari' ri Abimélec xroyoj ri Abraham y xubij chire: ¿Achike k'a ri xawajo' ri xaben ta chiqe? ¿Achike ta k'a itzel banobel ri nubanon chawe richin xak'en-pe re jun nimalej mak re' pa nuwi' y pa kiwi' konojel ri winaqi' ri ek'o chupan re ruwach'ulew re'? Re' kan man utz ta ri xaben wik'in yin.

1 Rey 13:34

Y jare' ri xkimakuj ri Jeroboam y ri aj pa rachoch. Y roma ri' xetzaq y xek'is-el pa ruwi' re ruwach'ulew.

2 Rey 17:22

Y ri israelita kan nikiben k'a ri mak achi'el xuben ri Jeroboam, ri kan man jun bey xuya' kan rubanik.

2 Rey 3:3

Man rik'in ri', xa kan xmakun achi'el xuben ri Jeroboam ruk'ajol ri Nabat, y xuben chire ri tinamit Israel chi xmakun, y kan man xuya' ta kan ri mak ri'.