2 Rey 17:20 - Kaqchiquel Bible

²⁰ Roma ri' ri Jehová xeretzelaj k'a chijun rijatzul kan ri Israel, y kan xeruya' pa poqon, y kan xerujech pa kiq'a' ri itzel taq achi'a' y kan xerelesaj-el chiri' pan Israel.

2 Rey 17:20 ပူးပေါင်းရင်းမြစ်များ

2 Rey 15:29

Toq k'a niq'aton na tzij ri Pécah pa ruwi' ri Israel, jari' toq xpe ri Pul rey richin Asiria, y xeruch'ek ri tinamit Iión, ri Abel-bet-maacá, ri Janóah, ri Quedes, ri Hasor, ri Galaad, ri Galilea y chijun ri ruruwach'ulew ri Neftalí. Y ri winaqi' ri ek'o chiri' kan xeruk'uaj-el pan Asiria.

Wuj Richin ri Jeremías 6:30

Roma ri' ninbij chi rije' e achi'el ri saqipueq ri man nik'atzin ta chik, roma rat Jehová kan xe'awetzelaj.

2 Rey 13:3

Y ri Jehová kan xyakatej janila royowal pa ruwi' ri tinamit Israel, y k'iy juba' juna' xerujech pa ruq'a' ri Hazael rey richin Siria, y pa ruq'a' ri Ben-hadad ri ruk'ajol.

2 Tesalonicenses 1:9

Ri rutojbalil ri xtiya'ox chike kan richin jantape'. Y xke'elesex k'a el nej chire ri ajaw y chire ri ruk'ojlemal y ruchuq'a'.

San Mateo 25:41

Y jari' chuqa' toq yin xtinbij chike ri ek'o pa wajxokon: Rix xa ruk'ayewal ri iwoyoben chi niqaqa pan iwi'. Kixel k'a el chinuwech y kixbiyin pa q'aq' ri man jun bey xtichup, ri banon richin ri Itzel-Wineq y ri e ru-ángel.

Wuj Richin ri Jonás 1:10

Rija' xutzijoj k'a chike chi animajineq chuwech ri Jehová, y toq xkak'axaj ronojel re' y xkitz'et chi ri kaq'iq' xnimer-pe, más xkixibij-ki'. Roma ri' xkik'utuj chire: ¿Achike k'a roma at animajineq-pe chuwech ri a-Dios? ¿Wakami achike k'a niqaben awik'in rat richin chi ri ya' nisile-qa y yojkolotej?, xecha' chire.

Wuj Richin ri Jonás 1:3

Jak'a rija' man keri' ta xuben, xa xuch'ob richin nibe pa Tarsis*f1* richin nanimej chuwech ri Jehová. Y roma ri' xbe-qa chuchi' ri palou ri k'o pa Jope, y chiri' xril-wi jun barco ri nibe yan pa Tarsis. Xutoj ri ru-pasaje y xok-el chupan ri barco y xbe chikikojol ri winaqi' ri e beneq chupan, richin nrewaj-el-ri' nej chuwech ri Jehová.

Wuj Richin ri Jeremías 46:28

Man tik'en rukiy rix ri ix rijatzul kan ri Jacob roma yin ink'o iwik'in. Stape' xkenk'is k'a konojel tzobaj winaqi' ri akuchi xixintaluj-wi-el, jak'a rix man xkixink'is ta. Xaxe k'a xtinya' jun xik'a'y chiwe richin yixchojmir, ri kan ruk'amon, roma kan man xkixinya' ta kan choj keri'. Yin Jehová ri yibin, xcha' ri Dios.

Wuj Richin ri Isaías 45:25

Jak'a yin, Jehová, xtinben chi ri winaqi' israelita kan xkech'akon, y kan xtel utzilej kitzijol, ncha' ri Dios.

Wuj Richin ri Nehemías 9:2

Y rije' kich'aron chik ki' kik'in ri winaqi' ri xa man e qawinaq ta. Y e pa'el chiri' xkiq'alajirisaj ri kimak, y xkejqalej ri itzel taq kibanobal rije' y ri kite-kitata'.

1 Crón 16:13

Kan toqaqa k'a chiqak'u'x roj, ri oj rijatzul kan ri Israel ri rusamajel ri Dios. Kan toqaqa k'a chiqak'u'x roj, ri oj ruk'ajol kan ri Jacob, ri kan oj cha'on roma ri Dios.

2 Rey 18:9

Chupan ri ruwuq juna' chire ri q'atbel-tzij richin ri Oseas ruk'ajol ri Elá, rey richin Israel, ri Salmanasar rey richin Asiria xyakatej-pe chirij ri tinamit Samaria y xorusutij-rij chi oyowal. Re' xbanatej chupan ri rukaj juna' toq niq'aton-tzij ri Ezequías ri chiri' pa Judá.

2 Rey 17:18

Roma ri' ri Jehová kan xyakatej k'a janila royowal rik'in ri tinamit Israel. Kan xerelesaj-el pa ruwach'ulew Israel richin xeruya' chik juk'an ruwach'ulew, y xaxe k'a ri ruwach'ulew Judá xk'oje' kan chiri'.

2 Rey 17:15

Xa man xkitaqej ta ri pixa', y chuqa' man xkajo' ta xkitzeqelibej ri jikibel-tzij ri rubanon ri Jehová kik'in ri kite-kitata'. Pa ruk'exel ri' xa xekitzeqelibej dios ri xa man jun kejqalen, y xa kiyon rije' xkiben chi maneq kejqalen. Ri Jehová xubij chike chi kan man nikiben ta ri achi'el ri ch'aqa' chik winaqi' aj-Canaán, jak'a rije' xa xekitzeqelibej ri itzel taq banobel.

2 Rey 13:7

Y kan man e k'iy ta chik aj-labal ri xek'oje' kan rik'in ri Joacaz, xaxe chik k'a e kawineq lajuj achi'a' ri yech'oke' chirij kiej, e lajuj carruaje y 10,000 aj-labal ri nikiben oyowal chikaqen, ri xekanej kan rik'in; roma ri rey richin Siria kan xeruk'is k'a konojel, kan xuben chike achi'el ri poqolaj.

1 Sam 16:1

Chirij re' ri Jehová xubij k'a chire ri Samuel: ¿K'a jampe' k'a yatane' chi oq'ej chirij ri Saúl? Roma ja yin ri xibin chire chi man rey ta chik pa ruwi' ri Israel. Wakami tanojisaj k'a ri uk'a' rik'in aceite y xkabe rik'in ri Isaí aj-Belén, roma jun chike ri ruk'ajol rija' nucha'on richin nibe'ok rey, xcha'.

1 Sam 15:26

Jak'a ri Samuel xubij chire: Man xkitzolin ta awik'in, roma rat man xanimaj ta rutzij ri Jehová; rija' chuqa' man utz ta chik yarutz'et chi at rey pa ruwi' re ruwach'ulew Israel, xcha'.

1 Sam 15:23

Roma ri mak richin ri yakatajinenri'il junan rik'in ri rumak ri nubananej chi niq'alajirisan. Ri nunimirisaj-ri' junan rik'in ri nuya' ruq'ij wachibel. Y roma rat xa man xanimaj ta rutzij ri Jehová, ri Jehová kan xaretzelaj yan. Rija' wakami kan man utz ta chik yarutz'et chi at rey, xcha'.

Deut 11:12

Ri ruwach'ulew ri' kan ja ri Jehová ri qa-Dios nichajin, y ri rutzubal kan ruya'on pa ruwi' richin q'asen.

Wuj Kichin ri To'onela' 2:14

Roma ri' ri Jehová xpe janila royowal chikij ri e rijatzul kan ri Israel, y xerujech kan pa kiq'a' eleq'oma' ri kan xe'eleq' kik'in. Xerujech kan pa kiq'a' ri e etzelanel kichin ri ek'o chikinaqaj; y rije' man xetikir ta chik xkipaba-ki' chikiwech.

Wuj Richin Bix Chire ri Dios 53:5

Akuchi ri kan man jun xibinri'il k'o, chiri' xkik'en janila xibinri'il ri winaqi'. Roma ri Dios kan xeruk'is konojel ri e yakatajineq chirij. Kan xek'ixbitej roma ri Dios kan xerixowaj.

Wuj Richin ri Jeremías 15:1

Ri Jehová xubij chuwe: Stape' kan ja ta ri ánima Moisés y ri ánima Samuel xkepe wawe' richin nokik'utuj utzil chuwe richin chi xtinjoyowaj ta kiwech re winaqi' re', yin kan man xkento' ta. Tabij chike ri awinaq chi ke'el-el chinuwech yin y kan kebiyin nej.

Deut 32:20

Y roma ri' kere' k'a xubij rija': Yin kan man xtinya' ta chik nuxikin chire ri ich'abel, y achike na k'a xkixk'ulun. Roma rix xa ix winaqi' ri xotoxeq ik'aslen y man jun ri niqa' chiwech. Rix xa ix alk'ualaxela' ri man niben ta ri ninwajo' yin richin niben rix.

Wuj Richin ri Josúe 23:13

kan tiwetamaj k'a chi wi xtiben keri', ri Jehová man xkerelesaj ta el chiwech rix ri winaqi' richin ri ruwach'ulew ri'. Y xa xke'ok k'a jun pikbel chiwe rix, y xkixqaqa pa kiq'a', y xtina' k'a achi'el yixjich' chi xik'a'y y achi'el chuqa' jun k'ix k'o pa runaq'-iwech, y kan xkixruk'is-el chuwech re jebelej ruwach'ulew ri xuya' ri Jehová ri qa-Dios chiqe.

Wuj Kichin ri To'onela' 18:30

Y ri rijatzul ri Dan ri xe'apon chiri' xkipaba-q'anej ri wachibel toch'on; y ri levita ri kik'uan-el, rubini'an Jonatán, ruk'ajol ri Guersón y rumam kan ri Moisés. Ri Jonatán y ri e rijatzul jari' ri xe'ok sacerdote chikikojol ri tzobaj richin Dan, k'a ri q'ij toq xe'uk'uex-el pa ximonri'il.

2 Rey 13:23

Jak'a ri Jehová kan xujoyowaj kiwech ri aj-Israel, y kan xeruto' chupan ri ruk'ayewal ri' roma ri jikibel-tzij ri xuben ojer kik'in ri Abraham, ri Isaac y ri Jacob. Y k'a re wakami, man e rumalin ta kan, ni man e ruk'ison ta el chuwech re ruwach'ulew.

2 Rey 21:14

Y ri juba' ri xkekolotej kan, xkenmalij y kan xkenjech pa kiq'a' ri e etzelanel kichin. Xkechap k'a el y xtimaj ronojel chike koma ri e etzelanel kichin,

2 Rey 23:27

K'ari' ri Jehová xubij: Yin kan xkenwelesaj-el chinuwech ri aj-Judá, achi'el xinben kik'in ri aj-Israel. Chuqa' xkenwetzelaj ri aj-Jerusalem ri nucha'on yin akuchi k'o-wi ri jay richin niya'ox nuq'ij, xcha'

2 Rey 24:3

Kere' xkik'uluwachij ri winaqi' aj-Judá, kan achi'el xubij ri Jehová, richin xerelesaj-el chuwech roma ri mak ri xuben ri Manasés.

Wuj Richin Bix Chire ri Dios 51:13

Keri' kan xtink'ut k'a chikiwech ri ch'aqa' chik aj-maki' ri abey rat. Y keri' ri winaqi' ri' kan xtitzolej k'a pe kik'u'x y kan xtikinimaj ri atzij.

Wuj Richin Bix Chire ri Dios 80:13

Rije' xa e achi'el juyubel aq ri xa nikikich rupan ri qaruwach'ulew; e achi'el ri k'uxunela' taq chikopi' ri xa xe'ok chupan richin xkik'is-el ronojel.

Wuj Richin ri Isaías 2:6

Kan qitzij na wi, rat Jehová xa xojawetzelaj kan roj ri oj atinamit, roj ri oj rijatzul kan ri Jacob. Roma ri qawinaq kan xkinimaj ri kibanobal ri winaqi' ri e peteneq pa relebel-q'ij, banobel ri man jun rejqalen. Nikik'utuj chike ri winaqi' ri ketaman ri peteneq chiqawech-apo, achi'el nikiben ri aj-Filistea. Chuqa' kan nikiya' k'a kitzij kik'in ri man e aj chiri' ta.

Wuj Richin ri Jeremías 7:15

Kan xkixinwelesaj-el chinuwech achi'el xenwelesaj-el pan Israel konojel ri iwach'alal ri xek'oje' chiri', xcha'.

Wuj Richin ri Jeremías 52:3

Roma ri' ri Jehová xyakatej janila royowal chikij ri aj-Judá y ri aj-Jerusalem y kan xrelesaj-el ri kik'aslen. Chirij ri' ri Sedequías xyakatej chirij ri rey Babilonia.

Os 1:6

Ri wixjayil xyawej chik k'a jun bey y xk'oje' chik jun ti ral xten y ri Dios xubij k'a chuwe: Ri ti ami'al xtubini'aj: Man Jun Xtijoyowan ruwech,*f1* roma yin kan man xtinjoyowaj ta chik ruwech ri tinamit Israel y kan man xtinkoch' ta chik.

Os 12:3

Ri Jacob kan k'a k'o na chupan ri rute' toq xuchop chuqul raqen ri runimal. Keri' chuqa' rik'in ri ruchuq'a' kan xch'akon chirij ri ángel ri xchapo richin.