2 Rey 17:19 - Kaqchiquel Bible

¹⁹ Ni ta k'a ri winaqi' richin ri ruwach'ulew Judá man xkitaqej ta ri nubij ri pixa' richin ri Jehová ri ki-Dios. Xa xkitzeqelibej k'a ri itzel taq kibanobal ri israelita.

2 Rey 17:19 ပူးပေါင်းရင်းမြစ်များ

2 Rey 16:3

Rija' xa xuben k'a achi'el xkiben ri rey richin Israel. Kan xusuj k'a ri ruk'ajol richin kamelabel, achi'el ri itzel taq banobel kichin ri tzobaj winaqi' ri kan ek'o chiri'. Y roma ri', ri Jehová xerelesaj-el chikikojol ri israelita.

2 Crón 21:13

Xa ja ri itzel taq kibanobal ri rey e richin Israel, ri ek'o pa xaman, ri xatzeqelibej; y ja rat xabanon chi ri winaqi' richin ri Judá y ri Jerusalem xkich'er kan ki' chire ri ruchojmilal ri nuya'on yin. Xa kan xaben chi xkiben achi'el ri itzel taq kibanobal ri aj pa rachoch kan ri Acab. Y pa ruwi' ri', chuqa' xe'akamisaj ri awach'alal ri xa kan más e utz chawech rat.

2 Crón 21:11

Pa ruwi' ri' xa xeruben chik el ri akuchi niya'ox-wi kiq'ij ri wachibel chiri' pa taq juyu' richin Judá. Ja rija' ri xtzaqon chik kan kichin ri aj-Jerusalem y ri ch'aqa' chik winaqi' ri ek'o pa rajawaren, y chuqa' xuben chike chi xkich'er kan ki' chire ri ruchojmilal.

Wuj Richin ri Jeremías 2:28

Rix aj-Judá, ¿akuchi k'a ek'o-wi ri i-dios ri xe'iben? Keyakatej k'a pe rije'; q'alaj k'ari' wi yetikir yixkikol chupan ri bis. Roma kan achi'el ri rajlabal ri itinamit, kan keri' chuqa' kajlabal ri dios ri xe'iben.

2 Rey 8:27

Ri Ocozías rijatzul k'a ri ruji' ri Acab, y roma ri' kan xuben achi'el ri kibanobal ri Acab y ri e aj pa rachoch, Y ronojel k'a ri rubanobal kan man xqa' ta chuwech ri Jehová.

2 Rey 8:18

Ri Joram xa rik'in k'a jun rijatzul ri Acab ri xk'ule-wi, y roma ri' kan xuben achi'el ri kibanobal ri Acab y ri e aj pa rachoch, y chuqa' achi'el ri kibanobal ri ch'aqa' chik rey richin ri ruwach'ulew Israel. Y ronojel k'a ri rubanobal kan man xqa' ta chuwech ri Jehová.

2 Rey 17:8

xa xekitzeqelibej ri kibanobal ri ch'aqa' chik tzobaj winaqi' aj-Canaán, ri kan man niqa' ta chuwech ri Jehová. Y roma re banobel re' kan xe'elesex-el chikikojol ri israelita. Y pa ruwi' ri', ri israelita kan xkitaqej ri itzel kibanobal ri xekiben ri ki-rey.

Am 2:4

Kere' nubij ri Jehová pa kiwi' ri aj-Judá: Ri kimak kan xik'o yan chik ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' kan xkixowaj ri nutijonik. Kan man xkitaqej ta ri pixa' ri xinya' chike. Xa xbe kik'u'x chikij ch'aqa' chik dios; Xekisamajij ri dios kichin ri kite-kitata'.

2 Rey 18:6

roma rija' kan xutzeqelibej ri Jehová, y kan man xuch'er ta kan ri' rik'in. Xa kan xutaqej ronojel ri pixa' ri xuya' ri Jehová chire ri Moisés.

2 Rey 21:14

Y ri juba' ri xkekolotej kan, xkenmalij y kan xkenjech pa kiq'a' ri e etzelanel kichin. Xkechap k'a el y xtimaj ronojel chike koma ri e etzelanel kichin,

2 Crón 17:4

Kan xutzeqelibej k'a ri Jehová, ri Dios richin kan ri Asá ri rutata'. Kan xutaqej k'a ri pixa' ri rubin ri Jehová, y man xuben ta achi'el nikiben ri winaqi' aj-Israel.

Ez 23:31

Xa kan xatzeqelibej k'a ri rubey ri animal y roma ri' xtinya' ri rutojbalil-mak pan awi' achi'el ri rutojbalil-mak ri xinya' pa ruwi' rija'.