2 Rey 17:14 - Kaqchiquel Bible

¹⁴ Jak'a rije' xa man xkinimaj ta tzij, xa xkikowirisaj-ki', achi'el xkikowirisaj-ki' ri kite-kitata', ri man xkikuquba' ta kik'u'x rik'in ri Jehová ri ki-Dios.

2 Rey 17:14 ပူးပေါင်းရင်းမြစ်များ

Hechos 7:51

Rix kowirineq ri iwánima chupan ri etzelal. Rix ix achi'el ri man e qawinaq ta ri man nikitzeqelibej ta ri qa-Dios, y man jun bey niwajo' chi ja ta ri Loq'olej Espíritu ri nuk'uan iwichin. Kan achi'el xkibanala' ri qati't-qamama', kan keri' k'a chuqa' niben rix re wakami.

Deut 31:27

Roma yin kan wetaman chi kan ix jun tinamit ri man yixniman ta tzij y kan janila kow ri iwánima. Wakami xiben ronojel re' chuwech ri Jehová y xa k'a in k'es na iwik'in. ¿Achike ta k'a ri man ta xtiben toq in kamineq chik?

Hebreos 3:12

Wach'alal, tichajij ri ik'aslen chi'ijujunal, richin chi beneq ta ruwech kuqul ik'u'x rik'in ri Dios, y chi man ta k'o itzel ri pa taq iwánima, richin keri' man ta xtiya' kan ri k'aslik Dios.

Wuj Richin ri Jeremías 7:26

Jak'a ri iwati't-imama' xa man xkinimaj ta nutzij y man jun rejqalen xkiben chire ri nuch'abel. Y xa kan xkikowirisaj ri kánima y xa kan más itzel xkiben rije' chikiwech ri kati't-kimama'.

Wuj Richin ri Isaías 48:4

Ronojel re' xbanatej roma kan wetaman chi rix man ninimaj ta nutzij. Rix janila ix tix, y man niwajo' ta richin niqasex iq'ij.

Wuj Richin Etamabel-Tzij 29:1

Ri wineq banoy richin etzelal, ri kan man nuqasaj ta ri', kan pa jun ti ramaj xtiya'ox-pe ri kamik pa ruwi' y man jun chik ri xtikolon richin.

Wuj Richin Bix Chire ri Dios 106:24

Stape' keri', ri winaqi' xa kan xketzelaj k'a ri ruwach'ulew ri kan rayixel. Man xkikuquba' ta kik'u'x rik'in ri ruch'abel rija'.

Wuj Richin Bix Chire ri Dios 78:32

Man rik'in ri', xa xemakun chik; stape' xuben meyel taq banobel chikikojol, man xkikuquba' ta kik'u'x rik'in.

Wuj Richin Bix Chire ri Dios 78:22

Kere' k'a xuben ri Dios roma kan man xkinimaj ta, y man xkikuquba' ta k'a kik'u'x rik'in ri rukolotajik.

2 Crón 36:13

Chuqa' kan xyakatej chirij ri rey Nabucodonosor, ri kan ruya'on rutzij chuwech pa rubi' ri Dios chi nijunamatej-kiwech rik'in. Y kan xunimirisaj-ri' y xukowirisaj ri ránima y kan xupaba-ri' chi kan man nitzolin ta chik rik'in ri Jehová ri Dios richin Israel.

Deut 1:32

Y man rik'in ri' man xikuquba' ta ik'u'x rik'in ri Jehová ri qa-Dios.

Ex 32:9

Y chuqa' ri Dios xubij chire ri Moisés: Yin kan nutz'eton k'a pe chi re winaqi' re' kan man nikiqasaj ta ki'.

Ex 16:28

Y jari' toq ri Jehová xubij chire ri Moisés: ¿K'a janipe' k'a yixtane' richin man nitaqej ta ri ruchojmilal y ri pixa' ri nuya'on chiwe?

Ex 33:3

Xkixruyuqej k'a toq xkixapon chupan ri ruwach'ulew ri akuchi niwachin-wi ronojel ruwech tiko'n. Jak'a yin kan man xkibe ta chik iwik'in roma xa kan ix winaqi' ri kan man niqasaj ta iwi'. Man xa roma ri' kixink'is rokik ichapon bey, xcha' ri Jehová.

Deut 9:13

Y chuqa' xubij chuwe: Yin kan e nutz'eton chi re tinamit re' kan jun tinamit ri yalan kikowirisan-ki'.

Wuj Richin Bix Chire ri Dios 78:8

Richin keri' man tikiben achi'el ri xkiben ri kite-kitata' rije', ri xa kan xaxe ri yakatajinenri'il ri xkiben y man ja ta ri xubij ri Dios chike. Rije' xa kan man xkijeq ta ri kánima chuwech ri Dios ni man xkiben ta ri xkisuj chire ri Dios.

Wuj Richin ri Jeremías 34:14

toq xtitz'aqet wuqu' juna', chikijujunal rije' ri k'o jun loq'on samajel kik'in, k'o chi xtiya'ox q'ij chire richin nitotej-el. Jak'a ri ite-itata' man xinkak'axaj ta y man xkiya' ta kixikin chire ronojel re'.

Ez 3:19

Jak'a wi rat xtabij chire chi tuya' kan ri itzel rubanobal y wi rija' man xtuya' ta kan, rija' kan xtiken y xtrejqalej k'a ri rumak. Jak'a rat kan man jun k'a amak chire ronojel re'.

Dn 5:20

Jak'a toq xunimirisaj-ri' y ri ránima kan xukowirisaj rik'in ri runimirisanen, xa kan xelesex k'a el chupan ri rajawaren, y ronojel ri ruwaq'ijaj kan xelesex chire.

2 Crón 24:19

Man rik'in ri' ri Jehová xeruteq k'a q'alajirisey ri ruch'abel richin xuben chike chi xetzolin ta pe rik'in. Jak'a ri winaqi' man xeniman ta chike ri e q'alajirisey ruch'abel.

Wuj Richin ri Nehemías 9:29

Rat xabij k'a chike richin tikitaqej jun bey chik ri apixa'. Jak'a rije' xa janila k'a xkinimirisaj-ki' y man xeniman ta. Y xkiq'ej k'a ruwi' ri ruchojmilal ri nuya' k'aslen, chike ri yetaqen. Y rije' xa xatkimalij kan, xkikowirisaj-ki' y man xeniman ta chawe.

Wuj Richin ri Jeremías 3:7

Y xinbij: Chirij ronojel ri itzel rubanobal ri xuben, rija' xtitzolin chik pe wik'in. Jak'a xa man xtzolin ta; y re' xutz'et ri tinamit Judá, ri rach'alal ri itzel chuqa' ruk'aslen.

Ez 2:3

Kere' k'a xubij chuwe: Rat Ezequiel, wakami yin xkatinteq-el chikikojol ri awinaq israelita. Rije' e jun tinamit ri man e nimey ta tzij. Y ri kati't-kimama' xa xeyakatej chuwij k'a re q'ij wakami.

Ez 12:2

Rat Ezequiel, ri atk'o chikikojol jun tinamit ri yalan yakatajinenri'il rik'in, roma k'o runaq'-kiwech jak'a xa man nikajo' ta yetzu'un. K'o kixikin jak'a xa man nikajo' ta ye'ak'ex, roma ri winaqi' ri' xa kan e richin yakatajinenri'il.

Os 11:2

Toq yin más yenwoyoj, jari' toq rije' más xkijech'ej kan ki' wik'in yin. Xa chikiwech k'a ri Baal ri xekamela'an-wi, xa chikiwech k'a ri wachibel ri xkisujula-wi ri poron chikop.