2 Rey 17:13 - Kaqchiquel Bible

¹³ K'ari' rija' xeruteq k'a q'alajirisey ruch'abel y achi'a' ri kan yetikir nikitz'et ri chikiwech-apo, y xerukusaj richin tikiq'alajirisaj chikiwech ri israelita richin chi titzolej-pe kik'u'x y tikiya' kan ri itzel bey ri kik'uan, y kan tikibana' achi'el nubij ri pixa' ri xuk'ut chikiwech ri kite-kitata'.

2 Rey 17:13 ပူးပေါင်းရင်းမြစ်များ

Wuj Richin ri Jeremías 35:15

Y kan jantape' k'a xenteq-pe nusamajela' ri e q'alajirisey nuch'abel iwik'in, richin chi xkibij chiwe chi titzolej-pe ik'u'x chupan ri itzel bey ri ik'uan y kan tichojmirisaj ri ik'aslen. Chuqa' xkibij chiwe chi man ke'itzeqelibej ch'aqa' chik dios richin niya' kiq'ij. Wi keri' xtiben, kan xkixk'ase' k'a chupan ri ruwach'ulew ri xinya' chiwe rix y chike ri iwati't-imama'. Jak'a rix xa man xiya' ta ixikin chike ri q'alajirisey nuch'abel, ni man xinimaj ta ri nutzij.

1 Sam 9:9

Ri ojer kan ri pan Israel xabachike k'a nibe richin niberuk'ulubej ri Dios y kere' k'a nubij: Kixanpe y jo' rik'in ri nitz'eton ri peteneq chiqawech-apo, yecha'. Jak'a re wakami nibix Q'alajirisey ruch'abel ri Dios chire.

Wuj Richin ri Jeremías 18:11

Tiwak'axaj k'a rix aj-Judá: Kan tiwetamaj k'a chi yin ninch'ob ninteq-pe jun nimalej ruk'ayewal pan iwi'. Tiya' k'a kan ri itzel bey y tichojmirisaj ri ik'aslen.

Ez 18:31

Kan tijech'ej k'a iwi' chire ronojel etzelal ri ibanon chinuwech yin, kan rik'in k'a ronojel iwánima tijala' ri ik'aslen. ¿Achike ta k'a roma niwajo' yixken rix ri ix rijatzul kan ri Israel?

Deut 31:21

Y toq xtipe k'a k'iy ruk'ayewal y tijoj-poqonal pa kiwi', jari' toq re jun bixanik re' xtuq'alajirisaj chikipalej ri winaqi' ri nubin chik kan yin. Y re bix re' kan man xtimestex ta koma ri kijatzul roma kan wetaman chik achike chi ch'obonik ri k'o kik'in rije', y xa k'a man jani kenkusaj-apo chupan ri ruwach'ulew, ri kan nuya'on chik nutzij chi kan ninya' chike, xcha' ri Jehová.

2 Pedro 3:9

Ri ajaw man jani nipe. Jak'a man roma ta man nuben ta ri rubin. Rija' xa k'a nim na ri ránima qik'in, y man nrajo' ta k'a chi k'o ta jun ri nisach richin jantape'. Y roma ri' kan k'a ruya'on na q'ij chike ri aj-maki' richin nitzolin-pe kik'u'x rik'in.

Hechos 20:21

Chike ri nuwinaq judío y chike ri winaqi' man e judío ta, nuq'alajirisan k'a chuqa' chi titzolej-pe kik'u'x rik'in ri Dios y tikikuquba' kik'u'x rik'in ri qajaw Jesucristo.

Os 14:1

Tinamit Israel, kan titzolej chik k'a ak'u'x rik'in ri Jehová ri qa-Dios. Roma xa kan at tzaqineq k'a roma ri amak.

Os 4:15

Wi rat Israel yamakun, kan tabana' k'a. Xa rik'in man ta nimakun ri Judá. Israel, man kixbe pa Guilgal, man kixjote-q'anej pa Bet-aven, y man tiya' itzij pan nubi' yin, Jehová.

Wuj Richin ri Jeremías 42:19

Jare' ri rutzijol ri xuya' ri Jehová chiwe ri k'a ixk'o kan wawe' pa ruwach'ulew Judá. Xubij chiwe chi man kixbe pan Egipto. Kan toqaqa k'a chi'ik'u'x jebel ri xubij chiwe re wakami.

Wuj Richin Bix Chire ri Dios 50:7

Rija' nubij chiqe: Tiwak'axaj k'a nuwinaq yin, roma kan xkibech'on iwik'in. Tiwak'axaj k'a israelita, roma xtinbenq'alajirisaj ri ibanobal. Ja yin ri in Dios, ri i-Dios rix.

1 Crón 29:29

Ronojel k'a ri rubanobal ri rey David, ri xeruben pa rutikeribel k'a pa ruk'isibel, e tz'ibatel kan chupan ri wuj kichin ri rey, koma ri Samuel ri nitz'eton ri peteneq, ri Natán y ri Gad ri e q'alajirisey ruch'abel ri Dios.

2 Rey 17:23

Y roma ri' ri Jehová kan xerelesaj k'a el chiri' chupan ri kiruwach'ulew, achi'el rubin chike ri rusamajela' ri e q'alajirisey ri ruch'abel. Y ri israelita xeq'axex chupan ri ruwach'ulew Asiria k'a re wakami.

Deut 8:19

Wi xtimestaj ri Jehová ri qa-Dios y wi xke'itzeqelibej ch'aqa' chik dios, y ye'isamajij y xkixxuke' chikiwech, yin ninjikiba' rubixik chiwe wakami chi kan xkixk'is jumul.

Deut 4:26

Roma ri' kan chikiwech k'a ri kaj y ri ruwach'ulew ninbij, wi keri' xtiben, kan xkixken. Man k'iy ta k'a q'ij xkixk'ase' chiri' y xa kan xkixk'is k'a el.

Wuj Kichin ri To'onela' 6:10

Y xinbij k'a chiwe chi ja yin Jehová ri in i-Dios; man tiya' kiq'ij ri dios kichin ri amorreo, stape' chupan ri kiruwach'ulew ixk'o-wi; y jak'a rix xa man iniman ta pe nutzij, nicha' ri Jehová, xcha' ri q'alajirisey ri ruch'abel.

Wuj Richin ri Achin Job 36:10

K'ari' xtujeq ri kak'axabal, richin chi nikik'ul ri rutzijol ri nuya' chike y nubij chike chi titzolej-pe kik'u'x chire ri itzel taq kibanobal.

Wuj Richin ri Jeremías 3:7

Y xinbij: Chirij ronojel ri itzel rubanobal ri xuben, rija' xtitzolin chik pe wik'in. Jak'a xa man xtzolin ta; y re' xutz'et ri tinamit Judá, ri rach'alal ri itzel chuqa' ruk'aslen.

Wuj Richin ri Jeremías 34:14

toq xtitz'aqet wuqu' juna', chikijujunal rije' ri k'o jun loq'on samajel kik'in, k'o chi xtiya'ox q'ij chire richin nitotej-el. Jak'a ri ite-itata' man xinkak'axaj ta y man xkiya' ta kixikin chire ronojel re'.

Ez 3:19

Jak'a wi rat xtabij chire chi tuya' kan ri itzel rubanobal y wi rija' man xtuya' ta kan, rija' kan xtiken y xtrejqalej k'a ri rumak. Jak'a rat kan man jun k'a amak chire ronojel re'.

Dn 9:10

Kan man qaniman ta atzij, roma xa man qataqen ta ri nubij ri apixa' ri xaya' chiqe koma ri e q'alajirisey ri ach'abel.

Os 11:2

Toq yin más yenwoyoj, jari' toq rije' más xkijech'ej kan ki' wik'in yin. Xa chikiwech k'a ri Baal ri xekamela'an-wi, xa chikiwech k'a ri wachibel ri xkisujula-wi ri poron chikop.

Os 12:10

Yin kan xich'on k'a pe iwik'in koma ri e q'alajirisey nuch'abel. Kan k'iy k'a ri xinq'alajirisaj chikiwech, rije' kan k'iy k'a ri k'ambel taq tzij ri xkikusaj ri xinbij chike.

Wuj Kichin ri To'onela' 6:8

ri Jehová xuteq-pe jun q'alajirisey ruch'abel, y kere' ri xubij chike: Ri Jehová ri qa-Dios nubij: Ja yin ri xinelesan-pe iwichin ri chiri' pan Egipto, y xixinwelesaj-pe chuxe' ri ilinri'il.

1 Rey 16:1

Y xeri' ri Jehová xch'on rik'in jun achin rubini'an Jehú, ri ruk'ajol ri Hananí, richin tuq'alajirisaj chuwech ri xtiberuk'uluwachij ri Baasá y xubij chi kere' tubij chire:

1 Rey 16:7

Ri Jehová kan rubin chik k'a chire ri Jehú ri q'alajirisey ruch'abel, ri xtuk'uluwachij ri Baasá y chuqa' chikij konojel ri ek'o pa rachoch, roma ronojel ri mak ri xuben chuwech ri Jehová, y xuben chire richin xuyek royowal. Roma ri' xkebek'is ri Baasá y ri ek'o pa rachoch, achi'el xuben chire ri Jeroboam.

2 Rey 18:6

roma rija' kan xutzeqelibej ri Jehová, y kan man xuch'er ta kan ri' rik'in. Xa kan xutaqej ronojel ri pixa' ri xuya' ri Jehová chire ri Moisés.

2 Rey 21:10

Roma ri' xch'on chik ri Jehová kik'in ri yeq'alajirisan ri ruch'abel, y xubij:

Wuj Richin ri Achin Job 11:14

Wi kan ye'aben k'a ri itzel taq rayibel ri yepe awik'in, katane' chikibanik; y man taya' q'ij chi nuben-qa rusok chupan ri ak'aslen.

Wuj Richin ri Jeremías 11:7

Roma chupan ri q'ij toq xinben chike ri iwati't-imama' chi xe'el-pe pa ruwach'ulew Egipto, xinbij chi rije' k'o chi nikiben ri nubij ri nuch'abel. Y kan k'a ja na re' ninbij re wakami.

Wuj Richin ri Jeremías 25:3

Kan ja chupan ri juna' oxlajuj richin ri ruq'atbal-tzij kan ri Josías ruk'ajol ri Amón, k'a chupan re q'ij re', juwineq oxi' yan k'a juna' ri ruchapon-pe ri nich'on ri Jehová wik'in. Yin kan in ch'owineq k'a pe iwik'in, jak'a rix xa man iya'on ta ixikin chire ri nuch'abel.

Os 12:11

Ri winaqi' richin Galaad xa ja ri dios ri man e qitzij ta ri xekitzeqelibej. Ri winaqi' ri ek'o pa Guilgal xekisuj k'a richin kamelabel ri achija' taq wákix. Ri kiporobal rije' xa ruyon k'a mulumeq taq abej ri ek'o chukojol boloj ulew richin pa juyu'.