2 Rey 17:11 - Kaqchiquel Bible

¹¹ Chuqa' xkiporoj pom chiri' ri akuchi nikiya-wi kiq'ij ri wachibel ri'. Kan xkiben achi'el ri winaqi' aj-Canaán, ri xerelesaj-pe ri Jehová chikiwech ri israelita. Y roma ri itzel taq kibanobal, xkiyek k'a janila royowal.

2 Rey 17:11 ပူးပေါင်းရင်းမြစ်များ

Wuj Richin ri Jeremías 44:17

Y pa ruwi' ri' roj xa kan xtiqaben ri qach'obon chik. Kan xtiqasuj pom chuwech ri reina richin ri kaj. Chuqa' kan xtiqasuj vino chuwech, achi'el ri qabanon-pe y chuqa' achi'el kibanon-pe ri qate-qatata', ri qa-rey y ri e aj-raqen chupan ri tinamit Jerusalem y ri ch'aqa' chik tinamit richin ri Judá. Y toq xqaben keri', kan pa ruk'iyal ri qaway xk'oje'. Xojkikot y kan utz k'a oj beneq y kan man jun ruk'ayewal ri xpe pa qawi'.

2 Crón 28:25

Chuqa' xuben ri akuchi nikiya-wi kiq'ij ri wachibel ri pa ruwi' taq juyu' chiri' chupan ronojel ri tinamit richin Judá, akuchi yeporox-wi pom chikiwech ri ch'aqa' chik dios, y re' kan xuben richin xuyek royowal ri Jehová ri ki-Dios ri rati't-rumama'.

2 Rey 21:6

Xerusuj ri ruk'ajol richin kamelabel. Chuqa' kan xbe kik'in ri aj-itza' y xeruk'ulubej ri itzel taq espíritu. Chuqa' kan xuya-apo ri paban-che' richin Asera, chupan ri rachoch ri Jehová. Y ri itzel taq banobel ri' xuben richin xuyek royowal ri Jehová. Ri ojer kan ri Jehová xubij chike ri David y ri Salomón ri ruk'ajol: Yin xtinya' re nubi' richin q'asen chupan re jay re', re wawe' pa Jerusalem, ri kan xincha' chikikojol konojel ri tzobaj richin Israel.

1 Rey 13:1

Y k'o k'a jun achin q'alajirisey ruch'abel ri Dios aj pa Judá ri xapon pa Betel roma kan taqon-el roma ri Jehová. Y ri Jeroboam pa'el k'a rik'in ri porobel richin nuporoj pom.

Deut 12:2

Chupan ronojel ri tinamit ri xke'ich'ek, xke'iwulaj k'a jumul ronojel ri akuchi nikiya' kiq'ij ri ki-dios; pa ruwi' taq juyu', chuwa taq juyu' y chuxe' che' ri ek'o k'iy kixaq y kiq'a'.

2 Rey 17:10

Chuqa' xekipaba-q'anej che' richin ri Asera, y wachibel kichin ch'aqa' chik dios pa ronojel ruwi' nima'q taq juyu', y chuxe' ronojel taq che' ri janila ruxaq.

2 Rey 17:12

Kan xekisamajij k'a ri wachibel, ri kan rubin ri Jehová chi man tikiben keri'.

Ex 23:24

Man k'a kixxuke' chikiwech ri ki-dios, ni man ke'isamajij, ni man titzeqelibej chuqa' achi'el ri nikiben ri winaqi' ri'. Xa kan ke'iq'umla' k'a el konojel ri wachibel ri e kibanon y ke'iwulaj jumul.

Deut 18:9

Toq xkixok chupan ri ruwach'ulew ri akuchi xtuya-wi ri Jehová ri qa-Dios chiwe; man titzeqelibej ri itzel taq banobel ri nikiben ri ch'aqa' chik ruwach'ulew.

Deut 32:16

Rix xiben k'a chire ri Jehová chi kan itzel nina' chire, roma rix xiyala' kiq'ij ch'aqa' chik dios. Y chuqa' xiben chire richin chi xiyek royowal, roma kan xe'itzeqelibej ch'aqa' chik dios ri kan itzel yerutz'et rija'.

Deut 32:21

Xiben chuwe richin itzel xinna' chiwe, roma rix xiyala' kiq'ij ch'aqa' chik dios. Y chuqa' xiyek woyowal, roma kan xe'itzeqelibej ch'aqa' chik dios ri xa man jun yetikir nikiben. Wakami kan xtinben k'a chiwe richin itzel xtina' chuwe. Y xtinyek iwoyowal, roma rix ix jun tinamit nakanik.

1 Rey 14:15

Ri Jehová xtuyikikej ri tinamit Israel achi'el nuk'uluwachij ri aj ri ek'o chuchi' raqen taq ya' toq nisilon ri ya'. Y xkeruk'uq-el jumul chuwech re utzilej ruwach'ulew ri xuya' chike ri iwati't-imama'. Y rix xkixrutalula-el k'a juk'an chik chire ri raqen-ya' Éufrates, roma xe'ipaba-q'anej ri paban-che' richin xiya' ruq'ij ri dios ixoq Astarté, y rik'in ri' xiyek royowal ri Jehová.

2 Rey 12:4

Y k'o k'a jun q'ij ri Joás xubij chike ri sacerdote chi tikimolo' ruchi' ri méro ri kan k'o chi nikitoj ri winaqi' ri k'o chik kijuna', ri richin kolotajik y ri sipanik ri nalex-pe pa kánima.

Os 9:10

Ri Dios nubij: Kan achi'el ri uva ri k'o pa tz'iran ruwach'ulew, keri' xinwil ri tinamit Israel. Kan achi'el k'a ri nabey taq ruwech ri wíkix, keri' xentz'et ri ite-itata'. Jak'a rije' xa kan xkiya' ruq'ij ri Baal-peor, xa xkich'er kan ki' richin xkiya' kik'ix, xa xkiben k'a chi xenwetzelaj kan yin, achi'el ri xekiyala' kiq'ij.