2 Rey 17:10 - Kaqchiquel Bible

¹⁰ Chuqa' xekipaba-q'anej che' richin ri Asera, y wachibel kichin ch'aqa' chik dios pa ronojel ruwi' nima'q taq juyu', y chuxe' ronojel taq che' ri janila ruxaq.

2 Rey 17:10 ပူးပေါင်းရင်းမြစ်များ

1 Rey 14:23

Rije' xekipaba-q'anej ri akuchi nikiya-wi ruq'ij ri wachibel ri pa ruwi' taq juyu', y chuqa' xekipaba-q'anej abej y che' richin nikiya' kiq'ij ri ki-dios. Re' xeban pa ronojel ruwi' taq juyu' y chuxe' taq che' ri jebel kimujal.

Wuj Richin ri Miqueas 5:14

Xtrelesaj k'a el chikiwech ri paban-che' richin ri dios Asera, y kan xkeruwulaj k'a ronojel ri qatinamit.

2 Rey 16:4

Keri' chuqa' xusuj kamelabel, y xuporoj pom chiri' ri akuchi nikiya' kiq'ij ri wachibel pa ruwi' ronojel taq juyu', y chuxe' ronojel taq che' ri janila ruxaq.

Ex 34:13

Xa kan xtiyojola' k'a el ri kiporobal y xke'iwulaj-el ri wachibel e paban y kan xtichoy k'a el ri ki-dios Asera.

Wuj Richin ri Isaías 57:5

Rix ri yixk'oje' kik'in ixoqi' ri man iwixjayil ta, y keri' niben chuxe' xabachike nima'q taq che'. Chuqa' rix ri ye'isuj iwalk'ual chiri' pa taq taq'aj, y chukojol ri nima'q taq abej.

Deut 16:21

Chunaqaj ri akuchi ibanon-wi ri porobel richin ri Jehová ri qa-Dios, man jun che' titik-qa richin niya' ruq'ij ri ixoq-dios Asera.

Wuj Richin ri Chojmirisabelri'il 26:1

Ja yin Jehová ri i-Dios, roma ri' ninbij chiwe chi man ke'iben wachibel richin niya' kiq'ij y yixxuke' chikiwech, wachibel ri e paban, ri paban taq abej y ri abej ri ek'o wachibel chuwech.

Ex 34:12

Tichajij-iwi' richin chi man niben jikibel-tzij richin niya' itzij chike ri winaqi' ri ek'o chiri' ri akuchi xkixapon-wi, richin chi man ye'ok jun pikbel pan ik'aslen y nikiben chiwe richin yixtzaq.

2 Rey 17:11

Chuqa' xkiporoj pom chiri' ri akuchi nikiya-wi kiq'ij ri wachibel ri'. Kan xkiben achi'el ri winaqi' aj-Canaán, ri xerelesaj-pe ri Jehová chikiwech ri israelita. Y roma ri itzel taq kibanobal, xkiyek k'a janila royowal.

Deut 16:22

Man jun wachibel paban tiben rik'in abej richin niya' ruq'ij, roma re' kan nretzelaj ri Jehová ri qa-Dios.

Wuj Richin ri Isaías 2:8

Chuqa' pa qaruwach'ulew janila chi wachibel ek'o richin nikiya' kiq'ij. Kan nikiya' kiq'ij ri xa ja ri kiq'a' ri banayon.

Wuj Richin ri Jeremías 3:6

Ri ruch'abel ri Jehová xoqaqa wik'in chupan ri q'ij chire ri q'atbel-tzij richin ri rey Josías y xubij chuwe: Rat Jeremías xatz'et ri etzelal ri xuben ri tinamit Israel ri chiri' pa xaman. Kan xebe k'a chiri' chuwa taq juyu' chuxe' taq che' ri janila kixaq, richin chi chiri' xekitzeqelibej ch'aqa' chik dios, achi'el nuben jun ixoq itzel ruk'aslen ri yerutzeqelibej ch'aqa' chik achi'a'.

Ez 20:28

Yin xenkusaj chupan ri ruwach'ulew ri xinya' chike, jak'a rije' toq xkitz'et jun juyu' o jun che' jebel ruxaq, kan chiri' k'a xkisuj-wi ri kikamelabal, chiri' k'a xkiya-wi ri kisipanik, chiri' k'a xkisuj-wi ri jebelej pom y chuqa' xkitix ri sipanik richin vino chikiwech ri wachibel. Y ronojel re' xa kan xuben chuwe richin xuyek janila woyowal.