2 Rey 16:7 - Kaqchiquel Bible

⁷ K'ari' ri Acaz xeruteq k'a el rusamajela' rik'in ri Pul rey richin Asiria, richin xubij-el chire: Yin kan in asamajel y kan achi'el jun chike ri ak'ajol. Katanpe k'a, y kinakolo-el pa ruq'a' ri rey richin Siria, y chuqa' pa ruq'a' ri rey richin Israel, ri kan e yakatajineq chuwij, xcha-el.

2 Rey 16:7 ပူးပေါင်းရင်းမြစ်များ

2 Rey 15:29

Toq k'a niq'aton na tzij ri Pécah pa ruwi' ri Israel, jari' toq xpe ri Pul rey richin Asiria, y xeruch'ek ri tinamit Iión, ri Abel-bet-maacá, ri Janóah, ri Quedes, ri Hasor, ri Galaad, ri Galilea y chijun ri ruruwach'ulew ri Neftalí. Y ri winaqi' ri ek'o chiri' kan xeruk'uaj-el pan Asiria.

Os 14:3

Ri Asiria xa man xtitikir ta xqojrukol, man xqojtikir ta k'a xqojanimej chirij kiej, kan man jun bey chik k'a xtiqabij: Ri dios qichin roj, chike ri xa ja roj ri oj banayon-qa kichin. Roma xa kan xaxe k'a awik'in rat nril utzil ri meba', kixcha' chuwe.

Wuj Richin ri K'uxla'anik 4:17

Kan xqakanoj k'a to'onik, jak'a man xqil ta. Roma ri' ri runaq' taq qawech xa kan xk'is yan k'a ruchuq'a'. Ri e chajinela' yetzu'un k'a nej koyoben to'onik jak'a man jun chike ri ruwach'ulew ri xpe ta richin xojkikol

Wuj Richin ri Jeremías 17:5

Yin Jehová ri yibin. Itzel ruwa-ruq'ij ri wineq ri nuch'er kan ri' wik'in yin, richin nukuquba' ruk'u'x kik'in achi'a' y kik'in rije' nukanoj-wi to'onik.

2 Crón 28:20

K'ari' ri rey richin Asiria ri rubini'an Tiglat-piléser, xbe rik'in ri Acaz, jak'a pa ruk'exel richin xuya' ta ruchuq'a', xa xuya' pa k'ayew.

2 Crón 28:16

Chupan ri q'ij ri', ri Acaz rey richin Judá xeruteq achi'a' rik'in ri rey richin ri ruwach'ulew Asiria, richin xuk'utuj-el to'onik,

1 Crón 5:26

Y roma ri' ri Dios richin ri Israel xuben chire ri Pul rey richin Asiria richin xeyakatej chikij. Ri Pul xeruk'uaj-el pa ximonri'il ri winaqi' rubenita, gadita y ri nik'aj tzobaj richin ri Manasés ri k'o pa relebel-q'ij chire ri raqen-ya' Jordán. Y xeruk'uaj-el chupan ri tinamit Halah, Habor, Hará y chunaqaj ri raqen-ya' Gozán, ri akuchi ek'o-wi k'a re wakami. Ri Pul chuqa' nibix Tiglat-piléser chire.

1 Rey 20:4

Y ri rey richin Israel kere' xubij chike ri uk'uey rutzijol: Kan keri', achi'el ri nabij rat rey wajaw, yin in awichin k'a rat y ronojel ri k'o wik'in, xcha' ri Acab chike ri uk'uey rutzijol.

2 Rey 18:7

Ri Jehová kan xk'oje' k'a rik'in rija', y xabakuchi nibe-wi richin nuben oyowal, kan utz k'a nel chuwech ronojel ri nuben. Y kan xyakatej k'a chirij ri rey richin Asiria y kan man xrilij ta ri rey ri'.

Wuj Richin ri Isaías 2:6

Kan qitzij na wi, rat Jehová xa xojawetzelaj kan roj ri oj atinamit, roj ri oj rijatzul kan ri Jacob. Roma ri qawinaq kan xkinimaj ri kibanobal ri winaqi' ri e peteneq pa relebel-q'ij, banobel ri man jun rejqalen. Nikik'utuj chike ri winaqi' ri ketaman ri peteneq chiqawech-apo, achi'el nikiben ri aj-Filistea. Chuqa' kan nikiya' k'a kitzij kik'in ri man e aj chiri' ta.

Ez 16:28

Chuqa' man xaxe ta ri', rat xa kan xasuj-awi' chikiwech ri aj-Asiria richin xamakun kik'in y man xaruben ta k'a rik'in ri'.

Ez 23:5

Stape' ri Oholá kan wichin yin, xa xbe ruk'u'x kik'in ri aj-labal aj-Asiria ri xe'ajowan richin.

Ez 23:12

Rija' chuqa' kan janila k'a xerajo' ri aj-Asiria y kan xken chikij ri e aj-raqen y ri e q'atoy taq tzij, roma rije' e jebel ok, kan jebel taq tzieq e kikusalon y kan yech'oke' chirij kiej.

Wuj Richin ri Jeremías 13:21

¿Y achike ta k'a xtibij rix aj-Jerusalem, toq k'o chi niq'at-tzij pan iwi' koma ri winaqi' ri xa ja rix ri xixtijon kichin? Kan jari' toq xtipe q'axo'n pan iwi' achi'el toq niq'axon jun ixoq ri royoben alanik.

Os 7:11

Ri tinamit Israel achi'el xa ta jun paloma nakanik, ri maneq runa'oj. Roma xa chire ri Egipto y ri Asiria xkik'utuj-wi to'onik.