2 Rey 16:20 - Kaqchiquel Bible

²⁰ Y toq xken, xmuq pa rutinamit kan ri rey David, ri akuchi e muqun-wi ri rute-rutata'. Y ri xq'aton kan tzij pa ruk'exel ja ri ruk'ajol rubini'an Ezequías.

2 Rey 16:20 ပူးပေါင်းရင်းမြစ်များ

San Mateo 1:9

Y re Ozías re' xralk'ualaj ri Jotam, ri Jotam xralk'ualaj ri Acaz, y ri Acaz xralk'ualaj ri Ezequías.

Wuj Richin ri Isaías 1:1

Ja yin ri' ri Isaías, ri ruk'ajol ri Amós. Jare' k'a ri rutzijol ri xink'ul rik'in ri Dios pa ruwi' ri tinamit Jerusalem y ri ruwach'ulew Judá, toq xeq'aton-tzij ri Ozías, ri Jotam, ri Acaz y ri Ezequías ri chiri' pa Judá.

Wuj Richin ri Miqueas 1:1

Ri Jehová xuya' k'a jun rutzijol chuwe yin Miqueas aj-Moréset, ri k'o pa ruwach'ulew Judá, toq ri Jotam, ri Acaz y ri Ezequías xeq'aton-tzij pa ruwi' ri Judá. Y chupan ri ruq'ijul ri', xubij k'a chuwe ri xtibebanatej pa tinamit Samaria y ri pa Jerusalem.

Os 1:1

Ri Jehová xch'on k'a wik'in yin Oseas ri ruk'ajol ri Beerí, toq yeq'aton-tzij pa ruwi' ri ruwach'ulew Judá, ri Ozías, Jotam, Acaz y ri Ezequías. Chuqa' jari' toq ri Jeroboam ri ruk'ajol ri Joás niq'aton-tzij pa ruwi' ri ruwach'ulew Israel.

2 Crón 28:27

Y toq xken, xmuq kik'in ri rati't-rumama' chupan ri Jerusalem, jak'a man xmuq ta chikikojol ri rey e richin Judá. Ri xk'oje' kan pa ruk'exel ja ri Ezequías, ri ruk'ajol.

2 Rey 21:18

Y toq xken, xmuq chiri' chuwa-rachoch chupan ri qejoj richin Uzá. Y ri xok kan rey pa ruk'exel ja ri ruk'ajol rubini'an Amón.

2 Rey 18:1

Toq k'a k'es na ri Oseas ruk'ajol ri Elá rey richin Israel, chupan ri rox juna' richin ri ruq'atbal-tzij, jari' toq xok kan rey ri Ezequías ruk'ajol ri Acaz.

2 Crón 28:26

Ri ch'aqa' chik rubanobal ri Acaz, ri pa rutikeribel k'a pa ruk'isibel chire ri ruk'aslen, xtz'ibex kan chupan ri wuj kichin ri rey richin Judá y richin Israel.

Wuj Richin ri Isaías 14:28

Chupan ri juna' toq xken ri rey Acaz, jari' toq xq'alajirisex re ch'abel re':

1 Rey 2:10

Xken k'a ri David y xapon kik'in ri rute-rutata', y xmuq chupan ri rutinamit kan rija'.

2 Rey 8:24

Xken k'a ri Joram y xmuq akuchi e muqun-wi ri rute-rutata', chupan ri tinamit richin kan ri rey David; y ja ri Ocozías ri ruk'ajol, ri xk'oje' kan pa ruk'exel.