2 Rey 16:2 - Kaqchiquel Bible

² K'o k'a juwineq rujuna' toq xok kan rey, y xuq'et-tzij waqlajuj juna' pa ruwi' ri Judá. Y rija' kan man xuben ta k'a ri utzilej taq banobel chuwech ri Jehová. Kan man xuben ta k'a achi'el xkiben ri ch'aqa' chik e rijatzul kan ri David.

2 Rey 16:2 ပူးပေါင်းရင်းမြစ်များ

2 Crón 29:2

Ri rubanobal rija' kan utz k'a chuwech ri Jehová, achi'el ri rubanobal ri David, ri rumama'.

2 Crón 17:3

Ri Jehová kan xk'oje' k'a rik'in ri Josafat roma pa taq rutikeribel chire ri ruk'aslen kan xutzeqelibej k'a ri bey ri xutzeqelibej ri David ri rumama', y man xuya' ta k'a kejqalen ri wachibel kichin ri Baal.

2 Rey 22:2

Ri Josías kan xuben k'a ri utz chuwech ri Dios. Kan man xuya' ta k'a kan ri Jehová, achi'el xuben ri rey David.

2 Rey 18:3

Y ri Ezequías kan utz k'a xuben chuwech ri Jehová achi'el xuben ri rey David, ri ruxikin-rumama'.

2 Rey 15:34

Y kan ja ri utz ri xuben chuwech ri Jehová. Kan xuben k'a ronojel achi'el xuben ri Azarías ri rutata'.

2 Rey 15:3

Y ri Azarías kan ja ri utz ri xuben chuwech ri Jehová. Kan xuben k'a ronojel achi'el xuben ri Amasías.

2 Rey 14:3

Ri Amasías kan janila choj xuben chuwech ri Jehová achi'el xuben ri David ri rumama', jak'a man xukuquba' ta ruk'u'x achi'el xuben rija'. Xa kan xuben chuqa' achi'el xuben ri Joás ri rutata'.

1 Rey 15:3

Y ri Abiam xa xuben ri mak achi'el xuben ri rutata', xa man xucha' ta ruk'u'x chubanik ri niqa' chuwech ri Jehová ri ru-Dios, man xuben ta achi'el xuben ri David ri rumama'.

1 Rey 9:4

Y wi rat xkabiyin chinuwech rik'in chojmilal y rik'in ronojel awánima achi'el xuben ri David ri atata' y kan naben ri nubin chawe yin y nataqej ronojel nupixa',

1 Rey 3:14

Y wi xtatzeqelibej ri nubey y kan xtataqej ronojel ri ninbij chawe achi'el xuben ri David ri atata', xtinya' k'a k'iy juna' ak'aslen, xcha' ri Jehová.

2 Rey 18:1

Toq k'a k'es na ri Oseas ruk'ajol ri Elá rey richin Israel, chupan ri rox juna' richin ri ruq'atbal-tzij, jari' toq xok kan rey ri Ezequías ruk'ajol ri Acaz.