2 Rey 16:14 - Kaqchiquel Bible

¹⁴ Ri porobel ri' banon rik'in q'eqapueq, ri Acaz xrelesaj-el ri porobel ri k'o-pe chuwech ri rachoch ri Dios, y xuya-qa ri k'ak'a' porobel ri akuchi k'o-wi ri rubanon kan. Y ri nabey porobel xk'oje' kan pa xaman chire ri k'ak'a' porobel. Y rija' xk'oje' kan chukojol ri k'ak'a' porobel y ri rachoch ri Jehová.

2 Rey 16:14 ပူးပေါင်းရင်းမြစ်များ

2 Crón 4:1

Chuqa' ri Salomón xuben jun porobel rik'in q'enq'oj-pueq; xuya' k'a wo'o' jaj rik'in ka'i' q'a'aj ri raqen y wo'o' jaj rik'in ka'i' q'a'aj ri ruwech y ka'i' jaj rik'in oxi' q'a'aj ri rujotolen.

Ex 40:29

Y chuwech ri okibel xuya-apo ri porobel richin niporox chikop. Y pa ruwi' ri' xusuj jun kamelabel ri niporox chijun ri chikop y jun sipanik richin jalajoj ruwech ixin. Y ronojel k'a re' xban chire achi'el rubin ri Jehová chire ri Moisés.

Ex 40:6

Chirij ri' k'ari' xtaya-apo ri porobel richin ri poron chikop, chuwech-apo ri akuchi niban-wi oken chupan ri wachoch richin molojri'il.

San Mateo 23:35

Y ronojel re' kan xtuben k'a chiwe chi ja rix yixejqalen ri kikamik konojel ri choj kik'aslen: Ri xtiker-pe rik'in ri rukamik ri Abel, k'a rik'in ri rukamik ri Zacarías, ri ruk'ajol ri Berequías; ri xkikamisaj ri iwati't-imama' ri chiri' chunaqaj ri porobel ri k'o pa rachoch ri Dios.

2 Crón 1:5

Keri' chuqa' ri porobel ri banon rik'in q'enq'oj-pueq, ri rubanon kan ri Besalel, ruk'ajol ri Urí y rumam ri Hur, chiri' pa Gabaón k'o-wi chuwech ri rachoch ri Dios. Ri Salomón, y konojel ri e beneq rik'in xebe k'a chiri' richin xbekik'ulubej ri Dios.

2 Rey 16:11

Y ri sacerdote Urías xupaba-q'anej ri porobel ri', achi'el ri wachibel ri xuteq-el ri Acaz, rokik rija' nitzolin-pe pa Damasco.

Ex 27:1

Chuqa' tikibana' jun porobel richin nisuj kamelabel, rik'in ri che' acacia. Ri raqen ri porobel jun jaj rik'in ka'i' q'a'aj y kan keri' chuqa' ri ruwech, jak'a ri rujotolen xaxe nik'aj jaj.

Ex 27:2

Ri pa taq rutza'n ri porobel ri' tikibana' k'a kan jujun kiwachibel uk'a'. Re kiwachibel uk'a' re' y ri porobel kan kich'akulan k'a ki'. Y xtikiq'olij kij rik'in ri q'enq'oj-pueq.

2 Rey 16:13

Kan jari' k'a xusuj ri chikop ri niporox chijun y ri sipanik richin jalajoj ruwech ixin. Chuqa' kan xutix vino pa ruwi' y xuchikaj chuxikin ri porobel ri kikik'el ri chikopi' ri xusuj richin nuq'alajirisaj chi junan ruwech rik'in ri Dios.

2 Rey 16:15

K'ari' ri rey Acaz xuteq k'a el rubixik rik'in ri sacerdote Urías, y xubij-el chire chi pa ruwi' ri k'ak'a' porobel xtuporoj-wi ri chikop ri nisuj nimaq'a' y ri tiqaq'ij, chuqa' ri chikop ri nusuj ri rey, y ri nikisuj ri winaqi' y ri sipanik richin vino. Y ri kik' richin ri poron chikop nuchikaj pa ruwi' ri porobel. Jak'a ri porobel ri' kan k'o xaxe richin rija' richin nuk'ulubej ri achike nik'uluwachitej.

2 Crón 29:19

Chuqa' xqanuk' yan y xqach'ajch'ojirisaj ronojel samajibel ri xerutz'ilobisaj kan ri rey Acaz; y wakami ek'o chik chuwech ri porobel richin ri Jehová.

Ez 43:8

Rije' xkiben-q'anej kachoch chunaqaj ri ruchi' ri wachoch yin y xaxe jun tz'aq ri xk'oje' chiqakojol. K'ari' rije' xkiqasaj ruq'ij ri loq'olej nubi' rik'in ri itzel taq kibanobal ri kan man utz ta nintz'et yin. Y roma ri' xinoyower kik'in y xek'is.