2 Rey 15:32 - Kaqchiquel Bible

³² Toq k'a k'es na ri Pécah, y chupan ri ruka'n juna' chire ri ruq'atbal-tzij, jari' toq xok kan rey ri Jotam ruk'ajol ri Azarías rey richin Judá.

2 Rey 15:32 ပူးပေါင်းရင်းမြစ်များ

2 Rey 15:7

Toq xken k'a ri Azarías, xkimuq k'a akuchi e muqun-wi ri rute-rutata' ri chiri' pa rutinamit kan ri rey David. Y ja ri Jotam ri ruk'ajol xk'oje' kan pa ruk'exel.

San Mateo 1:9

Y re Ozías re' xralk'ualaj ri Jotam, ri Jotam xralk'ualaj ri Acaz, y ri Acaz xralk'ualaj ri Ezequías.

2 Rey 15:27

Toq k'a k'es na ri Azarías, y chupan ri juna' kawineq kablajuj chire ri ruq'atbal-tzij, jari' toq xok kan rey ri Pécah ruk'ajol ri Remalías. Y xuq'et-tzij kawineq juna' pa ruwi' ri Israel chiri' pa Samaria.

2 Rey 15:23

Toq k'a k'es na ri Azarías, y chupan ri juna' wolajuj chire ri ruq'atbal-tzij, jari' toq xok kan rey ri Pecahías ruk'ajol ri Menahem. Y ka'i' juna' xuq'et-tzij pa ruwi' ri ruwach'ulew Israel chiri' pa Samaria.

2 Rey 15:17

Toq ri Azarías k'a k'es na, y chupan ri juna' juwineq belejlajuj chire ri ruq'atbal-tzij pa Judá, jari' toq xok kan rey ri Menahem ruk'ajol ri Gadí, y xuq'et-tzij lajuj juna' pa ruwi' ri Israel chiri' pa Samaria.

2 Rey 15:13

Toq k'a k'es na ri Ozías,*f5* y chupan ri juna' juwineq belejlajuj chire ri ruq'atbal-tzij, ri Salum ruk'ajol ri Jabés xok kan rey. Y xaxe jun ik' ri xuq'et-tzij pa ruwi' ri Israel, chiri' pa Samaria.

2 Rey 15:1

Toq k'a k'es na ri Jeroboam ruk'ajol ri Joás, y chupan ri juna' juwineq wuqu' chire ri ruq'atbal-tzij, jari' toq xok kan rey ri Azarías ruk'ajol ri Amasías.

2 Rey 14:21

K'ari' konojel winaqi' richin ri ruwach'ulew Judá xbekik'ama-pe ri Azarías*f4* ruk'ajol ri Amasías, stape' k'ari' k'o waqlajuj rujuna', y ja rija' xkiya' kan pa ruk'exel ri rutata'.

2 Rey 15:31

Ronojel k'a ri rubanobal ri Pécah tz'ibatel k'a kan chupan ri wuj ri akuchi xtz'ibex-wi ronojel ri kibanobal ri rey richin Israel.

2 Rey 15:33

K'o k'a juwineq wo'o' rujuna' toq xuchop nuq'et-tzij, y xuq'et-tzij waqlajuj juna' pa ruwi' ri Judá chiri' pa Jerusalem. Y ri rute' rubini'an Jerusá rumi'al ri Sadoc.

1 Crón 5:17

Y chi wiq k'a xtz'ibatej kan ri kibi' toq niq'aton-tzij ri Jotam, rey richin Judá, y pa ruq'ijul ri Jeroboam, rey richin Israel.

Wuj Richin ri Isaías 1:1

Ja yin ri' ri Isaías, ri ruk'ajol ri Amós. Jare' k'a ri rutzijol ri xink'ul rik'in ri Dios pa ruwi' ri tinamit Jerusalem y ri ruwach'ulew Judá, toq xeq'aton-tzij ri Ozías, ri Jotam, ri Acaz y ri Ezequías ri chiri' pa Judá.

Wuj Richin ri Miqueas 1:1

Ri Jehová xuya' k'a jun rutzijol chuwe yin Miqueas aj-Moréset, ri k'o pa ruwach'ulew Judá, toq ri Jotam, ri Acaz y ri Ezequías xeq'aton-tzij pa ruwi' ri Judá. Y chupan ri ruq'ijul ri', xubij k'a chuwe ri xtibebanatej pa tinamit Samaria y ri pa Jerusalem.

2 Rey 15:5

Jak'a ri Jehová xuya' jun yabil chirij ri rey, ri nutaluj-ri'. Y kan xk'oje' k'a chirij k'a xken na, y roma ri' kan xya'ox k'a pa jun jay ruyon. Y ja ri Jotam ri ruk'ajol ri xk'oje' pa ruwi' ri q'atbel-tzij.

2 Rey 15:30

Chirij ri' ri Oseas ruk'ajol ri Elá xyakatej chirij ri Pécah ruk'ajol ri Remalías. Xukamisaj, y ja rija' ri xk'oje' kan pa ruk'exel richin xuq'et-tzij. Y re' xbanatej chupan ri juna' juwineq chire ri q'atbel-tzij richin ri Jotam ruk'ajol ri Azarías.