2 Rey 15:20 - Kaqchiquel Bible

²⁰ Richin chi nutoj ri saqipueq chire ri rey richin Asiria, ri Menahem xubij chi konojel ri beyoma' k'o chi nikiya' ri k'o chi nikitoj chire ri rey. Ri winaqi' ri' k'o chi nikitoj más juba' jun libra saqipueq. Keri' ri rey richin Asiria xtzolin pa rutinamit, y man xk'oje' ta qa más chiri' pan Israel.

2 Rey 15:20 ပူးပေါင်းရင်းမြစ်များ

Wuj Richin ri Achin Job 1:3

Chuqa' ek'o e 7,000 rukarne'l, e 3,000 ru-camello, e 500 k'ulaj rubóyix, e 500 rubur, y janila e k'iy rusamajela'. Ja rija' ri achin ri más rubeyomel ke chikiwech ri achi'a' ri ek'o chuqa' chiri' chupan ri ruwach'ulew ri', ri k'o pa relebel-q'ij.

2 Rey 23:35

Y ri Joaquim xuya' k'a chire ri Necao ri saqipueq y ri q'anapueq ri xuk'utuj chire. Richin chi xumol ruchi' ri méro ri', k'o chi xuq'et pa kiwi' ri winaqi' janipe' nikiya'.

2 Rey 15:29

Toq k'a niq'aton na tzij ri Pécah pa ruwi' ri Israel, jari' toq xpe ri Pul rey richin Asiria, y xeruch'ek ri tinamit Iión, ri Abel-bet-maacá, ri Janóah, ri Quedes, ri Hasor, ri Galaad, ri Galilea y chijun ri ruruwach'ulew ri Neftalí. Y ri winaqi' ri ek'o chiri' kan xeruk'uaj-el pan Asiria.

2 Sam 19:32

Ri Barzilai janila k'a ti ri'j chik; jumuch' chik rujuna'. Rija' jun achin beyom, y ja rija' ri xya'on ronojel k'atzinel chire ri rey toq xk'oje' chiri' pa Mahanaim.

Wuj Richin ri Rut 2:1

Chiri' pa Belén k'o k'a jun achin ri rach'alal kan ri ánima Elimélec, ri rachijil ri Noemí. Re achin re' rubini'an Booz, rija' jun nimalej beyom y kan k'o ruq'ij.

2 Rey 15:19

K'ari' ri Pul*f6* rey richin Asiria xyakatej k'a chirij ri ruwach'ulew Israel. Jak'a ri Pul xubij chire ri Menahem chi nik'oje' chupan ri q'atbel-tzij wi nuya' 660 quintal saqipueq chire.

2 Rey 15:21

Ri ch'aqa' chik rucholajen chire ri ruk'aslen ri Menahem y ronojel ri xeruben, tz'ibatel kan chupan ri wuj ri akuchi xtz'ibex-wi ronojel ri kibanobal ri rey richin Israel.