2 Rey 15:19 - Kaqchiquel Bible

¹⁹ K'ari' ri Pul*f6* rey richin Asiria xyakatej k'a chirij ri ruwach'ulew Israel. Jak'a ri Pul xubij chire ri Menahem chi nik'oje' chupan ri q'atbel-tzij wi nuya' 660 quintal saqipueq chire.

2 Rey 15:19 ပူးပေါင်းရင်းမြစ်များ

2 Rey 14:5

Toq ri Amasías jikil chik ri q'atbel-tzij pa ruq'a', xerukamisaj k'a ri samajela' ri xekamisan richin ri rutata'.

2 Rey 18:16

K'ari' ri Ezequías xrelesaj-el ri ruchi' ri rachoch ri Jehová y ri ru-marko ri kan ja rija' yoyon q'anapueq chirij, y xuya-el chire ri Senaquerib.

Os 10:6

Jajun ri ruwachibel ri alaj achij wákix xtuk'uex-el pan Asiria. Kan xtok k'a jun sipanik chire ri nimalej rey, keri' ri winaqi' aj-Israel xa xkek'ixbitej k'a. Rije' xa xkek'ixbitej roma ri wachibel ri kibanon.

Wuj Richin ri Jeremías 17:5

Yin Jehová ri yibin. Itzel ruwa-ruq'ij ri wineq ri nuch'er kan ri' wik'in yin, richin nukuquba' ruk'u'x kik'in achi'a' y kik'in rije' nukanoj-wi to'onik.

Wuj Richin ri Isaías 9:1

Jak'a ri chiqawech-apo kan maneq chik q'equ'm chike ri ek'o pa q'axo'n. Pa rutikeribel ri Dios xuqasaj ruq'ij ri kiruwach'ulew kan ri Zabulón y ri Neftalí. Jak'a chiqawech-apo xtuya' kiq'ij ri ruwach'ulew Galilea akuchi ek'o-wi winaqi' ri man e qawinaq ta. Re ruwach'ulew re' k'o chikikojol ri palou y ri raqen-ya' Jordán, xcha' ri Isaías.

2 Rey 16:8

Y ri Acaz kan xuk'uaj k'a el ronojel ri saqipueq y ri q'anapueq ri k'o chiri' chupan ri rachoch ri Jehová y chuqa' ri k'o chupan ri yakonabel ri chiri' pa rachoch rija'. Y xuteq k'a el re sipanik re' chire ri Pul.

2 Rey 12:18

Jak'a ri Joás, rey richin Judá xuk'uaj k'a el ronojel ri beyomel ri e jachon chik chire ri Jehová pa rachoch. Y re beyomel re' e kisipan kan ri rey Josafat, ri Joram y ri Ocozías. Xuk'uaj-el chuqa' ri rujachon chik rija' chire ri Jehová. Jak'a ronojel ri q'anapueq ri xkil chupan ri ruyakonabal ri rachoch ri Jehová y pa rachoch rija', xuteq-el chire ri Hazael rey richin Siria, richin man xuben ta chik oyowal rik'in ri tinamit Jerusalem.

Os 5:13

Ri Israel kan xtuna' k'a rukiy ri ruk'ayewal, keri' chuqa' ri Judá kan xtuna' k'a rukiy ri ruyabilal. Xtibekik'utuj k'a to'onik pan Asiria, xtibekik'utuj k'a utzil chire ri nimalej rey. Jak'a rija' xa man xtitikir ta xkeraq'omaj y man xkeruto' ta.

2 Rey 15:18

Rija' chuqa' xuben ri itzel taq banobel chuwech ri Jehová. Chijun ruk'aslen man xujech'ej ta kan ri' chire ri mak ri xuben ri Jeroboam ri ruk'ajol kan ri Nabat, toq xuben chike ri aj-Israel richin xemakun.

2 Rey 15:20

Richin chi nutoj ri saqipueq chire ri rey richin Asiria, ri Menahem xubij chi konojel ri beyoma' k'o chi nikiya' ri k'o chi nikitoj chire ri rey. Ri winaqi' ri' k'o chi nikitoj más juba' jun libra saqipueq. Keri' ri rey richin Asiria xtzolin pa rutinamit, y man xk'oje' ta qa más chiri' pan Israel.

2 Rey 15:29

Toq k'a niq'aton na tzij ri Pécah pa ruwi' ri Israel, jari' toq xpe ri Pul rey richin Asiria, y xeruch'ek ri tinamit Iión, ri Abel-bet-maacá, ri Janóah, ri Quedes, ri Hasor, ri Galaad, ri Galilea y chijun ri ruruwach'ulew ri Neftalí. Y ri winaqi' ri ek'o chiri' kan xeruk'uaj-el pan Asiria.

Wuj Richin ri Nehemías 9:32

Roma ri' nimalej qa-Dios, ri k'o ronojel uchuq'a' awik'in y kan xaxe chawech rat ruk'amon chi yojbaybot. Rat ri xajikiba-atzij chiqawech y kan xaben ri xabij. Man ta ti ko'ol ok chawech re tijoj-poqonal re niqaq'axaj roj, ri e qa-rey, ri e qatata'al, ri e qa-sacerdote, ri e q'alajirisey ri ach'abel, ri e qawinaq y ri qate-qatata'. Ri qawinaq kan xkitej-pe poqon kan ja toq xepe ri aj-Asiria, k'a chupan re q'ij re'.

Wuj Richin Bix Chire ri Dios 83:8

Keri' chuqa' ri winaqi' aj-Asiria kan xkitun chuqa' ki' kik'in konojel re winaqi' re'; kan xkisuj-ki' richin yekito' ri amonita y ri moabita.

Wuj Richin ri Jeremías 50:17

Rix winaqi' israelita ri italun-iwi' achi'el karne'l ri e sachineq y e tzeqeliben koma koj. Ri nabey koj ja ri rey richin Asiria, ri xixrutej rix. K'ari' xpe ri Nabucodonosor rey richin Babilonia y xupaq'aq'ej ri ibaqil.

Ez 23:5

Stape' ri Oholá kan wichin yin, xa xbe ruk'u'x kik'in ri aj-labal aj-Asiria ri xe'ajowan richin.