2 Rey 15:17 - Kaqchiquel Bible

¹⁷ Toq ri Azarías k'a k'es na, y chupan ri juna' juwineq belejlajuj chire ri ruq'atbal-tzij pa Judá, jari' toq xok kan rey ri Menahem ruk'ajol ri Gadí, y xuq'et-tzij lajuj juna' pa ruwi' ri Israel chiri' pa Samaria.

2 Rey 15:17 ပူးပေါင်းရင်းမြစ်များ

2 Rey 15:1

Toq k'a k'es na ri Jeroboam ruk'ajol ri Joás, y chupan ri juna' juwineq wuqu' chire ri ruq'atbal-tzij, jari' toq xok kan rey ri Azarías ruk'ajol ri Amasías.

2 Rey 15:8

Toq k'a k'es na ri Azarías, y chupan ri juna' juwineq waqxaqlajuj chire ri ruq'atbal-tzij, jari' toq xok kan rey ri Zacarías ruk'ajol ri Jeroboam, y xaxe wuqu' ik' ri xuq'et-tzij chiri' pa ruwach'ulew Israel.

2 Rey 15:18

Rija' chuqa' xuben ri itzel taq banobel chuwech ri Jehová. Chijun ruk'aslen man xujech'ej ta kan ri' chire ri mak ri xuben ri Jeroboam ri ruk'ajol kan ri Nabat, toq xuben chike ri aj-Israel richin xemakun.

Os 8:4

Rije' xkich'okoba' k'a ri ki-rey richin nik'oje' pa kiwi', ri xa man ja ta yin xicha'on chikiwech. Xekikanoj k'a qa aj-raqen chikikojol, jak'a yin man xinwetamaj ta. Rik'in ri saqipueq y ri q'anapueq xekibanala-qa ri ki-dios. Ronojel re' xuben chike richin chi xpe wululen chikij.

2 Rey 15:14

Y ri Menahem ruk'ajol ri Gadí xel-el chiri' pa tinamit Tirsá y xbe-el pa Samaria richin xusok kan ri Salum. Xukamisaj y ja rija' xk'oje' kan pa ruk'exel richin niq'aton-tzij.

2 Rey 15:32

Toq k'a k'es na ri Pécah, y chupan ri ruka'n juna' chire ri ruq'atbal-tzij, jari' toq xok kan rey ri Jotam ruk'ajol ri Azarías rey richin Judá.