2 Rey 15:16 - Kaqchiquel Bible

¹⁶ K'ari' ri Menahem, xuben oyowal kik'in ri aj-Tífsah, xuch'ek k'a y xerukamisaj konojel ri winaqi', y kan xujeq kipan konojel ixoqi' ri koyoben alanik. K'ari' xrelesaj-pe chuwi-kiq'a' ronojel ri k'o rejqalen. Kan keri' chuqa' xuben kik'in konojel ri tinamit ri ek'o chunaqaj y k'a napon ri pa Tirsá. Keri' xuben roma kan man xkajo' ta k'a richin xok rey pa kiwi'.

2 Rey 15:16 ပူးပေါင်းရင်းမြစ်များ

2 Rey 8:12

Y ri Hazael xubij chire: ¿Achike roma yatoq' wajaw?, xcha' chire. Y ri Eliseo xubij: Roma wetaman chi rat kan k'iy itzel ri xtabebana' chike ri nuwinaq israelita; y ri tz'aq xtabeya' ruq'aq'al, y xke'akamisaj ri alaboni' rik'in espada. Kan xke'abojla' ri taq ak'uala' chuwech abej, y kan xtachobila' kipan ri ixoqi' ri e yawa'i' chik, xcha'.

Os 13:16

Ri tinamit Samaria kan xtiqaqa k'a ri rutojbalil-mak pa ruwi' roma kan xupaba-ri' chuwech ri Dios, kan xkekamisex chi espada. Ri taq ak'uala' kan xkek'aq k'a pan ulew, ri ixoqi' ri nibe'alex yan taq kal xa kan xtijaq k'a ri kipan, ncha' ri Dios.

1 Rey 4:24

Ri Salomón xq'aton-tzij pa ruwi' ri ruwach'ulew ri nitiker-pe pa qajbel-q'ij chire ri tinamit Tífsah ri k'o chuchi' ri raqen-ya' Éufrates, y napon k'a pa tinamit Gaza. Ja rija' xq'aton-tzij pa kiwi' konojel ri rey ri ek'o chiri', y kik'in k'a konojel re' xk'oje' uxlanibel-k'u'x.

Am 1:13

Kere' nubij ri Jehová pa kiwi' ri aj-Amón: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' xkiqupij kipan ri ixoqi' ri koyoben alanik ri chiri' pa ruwach'ulew Galaad. Ronojel re' xkiben xaxe richin chi ninimer ri kulew.

2 Rey 15:15

Ronojel ri xuben ri Salum y ronojel ri xuch'ob richin xuben rik'in ri Menahem, kan tz'ibatel kan chupan ri wuj akuchi xtz'ibex-wi ronojel ri kibanobal ri rey richin Israel.

Wuj Kichin ri To'onela' 9:52

Xapon k'a ri Abimélec chuchi' ri kachoch ri chajinela', y xuchop oyowal, y kan nuya' yan k'a ruq'aq'al.