2 Rey 15:12 - Kaqchiquel Bible

¹² Y re' kan xbanatej achi'el rubin ri Jehová chire ri Jehú, toq xubij: Xaxe ri rukaj sol kichin ri ak'ajol xke'apon pa q'atbel-tzij richin Israel, xcha'. Y kan keri' xbanatej.

2 Rey 15:12 ပူးပေါင်းရင်းမြစ်များ

2 Rey 10:30

Roma ri' ri Jehová xubij chire ri Jehú: Roma kan xaben ri choj chinuwech yin, y xaben ronojel ri achi'el ri k'o pa wánima yin rik'in ri rijatzul ri Acab, roma ri' ri awalk'ual kan xkeq'aton-tzij wawe' pan Israel k'a xtapon na ri rukaj sol richin ri awijatzul.

Hechos 1:16

Wach'alal, ri rey David ri xk'oje' ojer kan, xutz'ibaj k'a kan ri ch'abel ri xeruya' ri Loq'olej Espíritu pa ránima. Chiri' nich'on chirij ri Judas ri xuk'uan kibey ri winaqi' ri xebe chuchapik ri Jesús. Kan k'o-wi k'a chi xbanatej ri'.

San Juan 19:24

Roma ri' toq rije' xkibila' k'a chikiwech: Man tiqaretz re jun tzieq re'. Xa tiqaya' pan etz'anen, richin keri' xa jun ri nuk'uan-el, xecha'. Ri xbanatej k'a rik'in ri rutziaq ri Jesús, kan tz'ibatel-wi kan chupan ruch'abel ri Dios. Roma nubij:*f23* Ri nutziaq kan xkich'arala' k'a chikiwech, y kan xkibanala' k'a sakinik pa ruwi', nicha'. Y kan keri' wi xkiben ri aj-labal.

San Juan 10:35

Kan qetaman k'a chi ri ruch'abel ri Dios kan qitzij richin jantape'. Rija' kan xubij dios chike ri achoq chire xuya-wi ri ch'abel ri'.

Marcos 13:31

Re ruwach'ulew y ri kaj kan richin wi yek'is. Jak'a ri nuch'abel man xtik'is ta choj keri'.

Wuj Richin ri Zacarías 1:6

Ri nuch'abel ri xinbij chike ri nusamajela' e q'alajirisey nuch'abel kan xbanatej kik'in ri ite-itata'. Jak'a toq rije' xtzolej-pe kik'u'x wik'in, xkibij chi yin kan xinben kik'in achi'el ri ruk'amon, roma rije' kan itzel ri kibanobal. Y roma ri' xinben kik'in achi'el ri xinch'ob, xcha' ri Dios.

2 Rey 14:29

Y toq xken ri Jeroboam, xmuq k'a akuchi e muqun-wi ri rey. Y ri xkanej kan pa ruk'exel ja ri Zacarías ri ruk'ajol.

2 Rey 13:13

Y toq xken ri Joás, xmuq akuchi e muqun-wi ri rey richin Israel. Y ri xk'oje' kan pa ruk'exel, ja ri Jeroboam ri ruk'ajol.

2 Rey 13:10

Toq k'a k'es na ri Joás rey richin Judá, y chupan ri juna' juwineq wuqlajuj chire ri ruq'atbal-tzij, jari' toq xok kan rey ri Joás ruk'ajol ri Joacaz; y xuq'et-tzij waqlajuj juna' pa ruwi' ri ruwach'ulew Israel ri chiri' pa tinamit Samaria.

2 Rey 13:1

Toq k'a k'es na ri Joás ruk'ajol ri Ocozías rey richin Judá, y chupan ri juna' juwineq oxi' chire ri ruq'atbal-tzij, jari' toq xok kan rey pa ruwi' ri ruwach'ulew Israel ri Joacaz ruk'ajol ri Jehú; y xuq'et-tzij wuqlajuj juna' chiri' pa tinamit Samaria.

Wuj Richin ri Q'axanri'il 23:19

Ri Dios man junan ta rubanik rik'in jun achin y nutz'uk ta tzij, rija' man wineq ta richin chi nujel ruch'obonik. Ronojel ri nusuj rija', kan nuben-wi. Toq nich'on k'a rija', kan nibanatej-wi.

2 Rey 10:10

Tiwetamaj k'a chi ri xubij ri Jehová pa ruwi' ri rachoch ri Acab kan k'o chi xtibanatej ronojel. Wakami ri Jehová kan xuben-wi ri rubin chi nuben, ri xuq'alajirisaj chire ri Elías ri rusamajel, xcha'.

2 Rey 15:11

Ronojel ri xuben ri Zacarías kan tz'ibatel kan chupan ri wuj ri akuchi xtz'ibex-wi ronojel ri kibanobal ri rey richin Israel.

1 Sam 3:19

Ri Samuel xk'iy-q'anej y ri Jehová kan k'o-wi rik'in, y kan xbanatej k'a ronojel ri xubij ri Jehová chire.