2 Rey 15:1 - Kaqchiquel Bible

¹ Toq k'a k'es na ri Jeroboam ruk'ajol ri Joás, y chupan ri juna' juwineq wuqu' chire ri ruq'atbal-tzij, jari' toq xok kan rey ri Azarías ruk'ajol ri Amasías.

2 Rey 15:1 ပူးပေါင်းရင်းမြစ်များ

2 Crón 26:1

K'ari' ri winaqi' ri e richin ri Judá xkikusaj kan rey pa ruk'exel ri Amasías jun chike ri ruk'ajol, ri rubini'an Uzías,*f13* y k'o k'a waqlajuj rujuna' toq xok kan rey.

2 Rey 15:13

Toq k'a k'es na ri Ozías,*f5* y chupan ri juna' juwineq belejlajuj chire ri ruq'atbal-tzij, ri Salum ruk'ajol ri Jabés xok kan rey. Y xaxe jun ik' ri xuq'et-tzij pa ruwi' ri Israel, chiri' pa Samaria.

2 Rey 14:21

K'ari' konojel winaqi' richin ri ruwach'ulew Judá xbekik'ama-pe ri Azarías*f4* ruk'ajol ri Amasías, stape' k'ari' k'o waqlajuj rujuna', y ja rija' xkiya' kan pa ruk'exel ri rutata'.

2 Rey 15:8

Toq k'a k'es na ri Azarías, y chupan ri juna' juwineq waqxaqlajuj chire ri ruq'atbal-tzij, jari' toq xok kan rey ri Zacarías ruk'ajol ri Jeroboam, y xaxe wuqu' ik' ri xuq'et-tzij chiri' pa ruwach'ulew Israel.

2 Rey 14:29

Y toq xken ri Jeroboam, xmuq k'a akuchi e muqun-wi ri rey. Y ri xkanej kan pa ruk'exel ja ri Zacarías ri ruk'ajol.

2 Rey 15:17

Toq ri Azarías k'a k'es na, y chupan ri juna' juwineq belejlajuj chire ri ruq'atbal-tzij pa Judá, jari' toq xok kan rey ri Menahem ruk'ajol ri Gadí, y xuq'et-tzij lajuj juna' pa ruwi' ri Israel chiri' pa Samaria.

2 Rey 15:23

Toq k'a k'es na ri Azarías, y chupan ri juna' wolajuj chire ri ruq'atbal-tzij, jari' toq xok kan rey ri Pecahías ruk'ajol ri Menahem. Y ka'i' juna' xuq'et-tzij pa ruwi' ri ruwach'ulew Israel chiri' pa Samaria.

Wuj Richin ri Isaías 1:1

Ja yin ri' ri Isaías, ri ruk'ajol ri Amós. Jare' k'a ri rutzijol ri xink'ul rik'in ri Dios pa ruwi' ri tinamit Jerusalem y ri ruwach'ulew Judá, toq xeq'aton-tzij ri Ozías, ri Jotam, ri Acaz y ri Ezequías ri chiri' pa Judá.

2 Rey 14:23

Toq k'a k'es na ri Amasías rey richin Judá, y chupan ri juna' wolajuj chire ri ruq'atbal-tzij, jari' toq xok kan rey ri Jeroboam ruk'ajol ri Joás. Y rija' xuq'et-tzij kawineq jun juna' pa ruwi' ri Israel chiri' pa Samaria.

2 Rey 15:27

Toq k'a k'es na ri Azarías, y chupan ri juna' kawineq kablajuj chire ri ruq'atbal-tzij, jari' toq xok kan rey ri Pécah ruk'ajol ri Remalías. Y xuq'et-tzij kawineq juna' pa ruwi' ri Israel chiri' pa Samaria.