2 Rey 14:3 - Kaqchiquel Bible

³ Ri Amasías kan janila choj xuben chuwech ri Jehová achi'el xuben ri David ri rumama', jak'a man xukuquba' ta ruk'u'x achi'el xuben rija'. Xa kan xuben chuqa' achi'el xuben ri Joás ri rutata'.

2 Rey 14:3 ပူးပေါင်းရင်းမြစ်များ

1 Pedro 1:18

Ri Dios xixrukol chuwech jun k'aslen ri maneq ruchojmilal, ri xiwichinaj kan kik'in ri iwati't-imama' man rik'in ta q'anapueq ni saqipueq ri xa nik'is,

Wuj Richin ri Jeremías 16:19

Xinbij chire ri Jehová: Ja rat ri yaya'on wuchuq'a' jantape' y at to'oy wichin. Ja rat ri at nutobal toq k'o ruk'ayewal. Kan awik'in k'a rat xkepe-wi konojel tzobaj taq winaqi' richin re ruwach'ulew y xtikibij chawe: Ri qati't-qamama' xekisamajij ri dios ri man e qitzij ta ri man jun yetikir nikiben.

2 Crón 24:17

Chirij k'a ri rukamik ri Joiadá xe'apon ri e tata'al richin ri Judá, y kan xkinimirisaj k'a ruq'ij ri rey, y rija' xa xujel ri ruch'obonik y xa ja chik rije' ri xunimaj kitzij.

2 Crón 24:2

Ri Joás kan utz k'a xuben chuwech ri Jehová, rokik k'es ri sacerdote Joiadá.

2 Rey 12:2

Ri Joás xuben k'a utz chuwech ri Jehová toq k'a ja ri sacerdote Joiadá ri uk'uayon richin.

1 Rey 15:3

Y ri Abiam xa xuben ri mak achi'el xuben ri rutata', xa man xucha' ta ruk'u'x chubanik ri niqa' chuwech ri Jehová ri ru-Dios, man xuben ta achi'el xuben ri David ri rumama'.

1 Rey 11:4

y toq ri rey Salomón xapon pa rurijixinen, ri ixoqi' kan kisachon chik k'a ruk'u'x y xerutzeqelibej ri ch'aqa' chik dios. Ri ránima kan man choj ta chik chuwech ri Jehová ri ru-Dios. Kan man xuben ta achi'el xuben ri David ri rutata',

2 Rey 14:2

Y ri Amasías k'o k'a juwineq wo'o' rujuna' toq xuchop nuq'et-tzij, y juwineq beleje' juna' xq'aton-tzij pa ruwi' ri ruwach'ulew Judá ri chiri' pa tinamit Jerusalem. Ri rute' rubini'an Joadán, aj-Jerusalem.

2 Rey 14:4

Roma ri' ri akuchi niya'ox-wi kiq'ij wachibel pa ruwi' taq juyu' man xe'elesex ta, y ri winaqi' k'a nikisuj na kamelabel chiri'. Chuqa' k'a nikiporoj na pom chiri'.

1 Rey 3:3

Ri Salomón janila xrajo' ri Jehová, y roma ri' kan xutaqej ri pixa' ri ruya'on kan ri David ri rutata'; man rik'in ri' xusujula' kamelabel y xuporola' pom pa ruwi' taq juyu' ri akuchi xya'ox-wi kiq'ij ri ch'aqa' chik dios.

1 Rey 15:11

Ri Asá kan utz k'a xuben chuwech ri Jehová, achi'el xuben ri David ri rati't-rumama'.

2 Rey 18:3

Y ri Ezequías kan utz k'a xuben chuwech ri Jehová achi'el xuben ri rey David, ri ruxikin-rumama'.

2 Rey 22:2

Ri Josías kan xuben k'a ri utz chuwech ri Dios. Kan man xuya' ta k'a kan ri Jehová, achi'el xuben ri rey David.