2 Rey 14:23 - Kaqchiquel Bible

²³ Toq k'a k'es na ri Amasías rey richin Judá, y chupan ri juna' wolajuj chire ri ruq'atbal-tzij, jari' toq xok kan rey ri Jeroboam ruk'ajol ri Joás. Y rija' xuq'et-tzij kawineq jun juna' pa ruwi' ri Israel chiri' pa Samaria.

2 Rey 14:23 ပူးပေါင်းရင်းမြစ်များ

Am 1:1

Yin nubini'an Amós, jun chike ri yuq'unela' ri ek'o pa tinamit Tecoa. Ri Jehová xch'on k'a wik'in pa ruwi' ri xtuk'uluwachij ri ruwach'ulew Israel ri k'o pa xaman. Re ch'abel re' xbix chuwe toq niq'aton-tzij ri Ozías pa ruwi' ri ruwach'ulew Judá, y toq ri Jeroboam ruk'ajol ri Joás niq'aton-tzij pa ruwi' ri ruwach'ulew Israel. K'o yan k'a ka'i' juna' tibix chuwe toq xuben ri nimalej silonel. Y kere' k'a ri rutzijol ri xuya' ri Dios chuwe:

Os 1:1

Ri Jehová xch'on k'a wik'in yin Oseas ri ruk'ajol ri Beerí, toq yeq'aton-tzij pa ruwi' ri ruwach'ulew Judá, ri Ozías, Jotam, Acaz y ri Ezequías. Chuqa' jari' toq ri Jeroboam ri ruk'ajol ri Joás niq'aton-tzij pa ruwi' ri ruwach'ulew Israel.

2 Rey 14:27

Y roma ri Jehová kan man ruch'obon ta richin nrelesaj-el ri tinamit Israel pa ruwi' ri ruwach'ulew, roma ri' kan xerukol k'a. Y ja k'a ri Jeroboam ri ruk'ajol ri Joás ri xucha' richin chi ja rija' yekolo.

2 Rey 14:22

Y ri Azarías xuch'ek chik kan ri tinamit rubini'an Elat, y ja rija' xpaban chik q'anej ri tinamit ri'.

2 Rey 14:24

Jak'a xa xuben ri man niqa' ta chuwech ri Jehová, y man xujech'ej ta kan ri' rik'in ronojel ri mak ri xeruben ri nabey Jeroboam ruk'ajol ri Nabat, toq xuben chike ri aj-Israel richin xemakun.

2 Rey 10:30

Roma ri' ri Jehová xubij chire ri Jehú: Roma kan xaben ri choj chinuwech yin, y xaben ronojel ri achi'el ri k'o pa wánima yin rik'in ri rijatzul ri Acab, roma ri' ri awalk'ual kan xkeq'aton-tzij wawe' pan Israel k'a xtapon na ri rukaj sol richin ri awijatzul.

2 Rey 13:13

Y toq xken ri Joás, xmuq akuchi e muqun-wi ri rey richin Israel. Y ri xk'oje' kan pa ruk'exel, ja ri Jeroboam ri ruk'ajol.

2 Rey 14:1

Chupan ri ruka'n juna' chire ri q'atbel-tzij richin ri Joás ruk'ajol ri Joacaz, rey richin Israel, jari' toq xok kan rey ri Amasías ruk'ajol ri Joás rey richin Judá.

2 Rey 14:15

Ronojel ri xuben ri Joás, chuqa' ri nimalej taq banobel ri xuben chupan ri labal ri xuben rik'in ri Amasías rey richin Judá, tz'ibatel kan chupan ri wuj ri akuchi xtz'ibex-wi ronojel ri kibanobal ri rey richin Israel.

2 Rey 14:16

Y toq xken ri Joás, xmuq pa Samaria junan kik'in ri rey richin Israel. K'ari' ri xk'oje' kan pa ruk'exel ja ri Jeroboam ri ruk'ajol.

2 Rey 15:1

Toq k'a k'es na ri Jeroboam ruk'ajol ri Joás, y chupan ri juna' juwineq wuqu' chire ri ruq'atbal-tzij, jari' toq xok kan rey ri Azarías ruk'ajol ri Amasías.

1 Crón 5:17

Y chi wiq k'a xtz'ibatej kan ri kibi' toq niq'aton-tzij ri Jotam, rey richin Judá, y pa ruq'ijul ri Jeroboam, rey richin Israel.