2 Rey 14:11 - Kaqchiquel Bible

¹¹ Jak'a ri Amasías man xrak'axaj ta ri xbix chire, y roma ri' ri Joás xbe richin xberubana' oyowal rik'in ri Amasías, chiri' pa tinamit Bet-semes ri k'o pa ruwach'ulew Judá.

2 Rey 14:11 ပူးပေါင်းရင်းမြစ်များ

Wuj Richin ri Josúe 19:38

Irón, Migdal-el, Horem, Bet-anat y Bet-semes; ronojel re' belejlajuj tinamit rik'in ri kokoj kitinamit.

2 Crón 25:20

Jak'a ri Amasías man xniman ta chire re ch'abel re', roma ri Dios kan rubanon chik chire chi nich'akatej koma ri israelita ri ek'o pa xaman, roma xa xuya' kiq'ij ri dios kichin ri aj-Edom.

2 Crón 25:16

Y toq ri q'alajirisanel nubij keri', jari' toq ri rey xubij-apo: ¿At ya'on kan rat richin napixabaj ri rey? Man chaq ronojel ke'abij. ¿O nawajo' richin yakamisex?, xcha'. K'ari' ri q'alajirisanel xtane' rik'in re ch'abel re': Wakami wetaman chik chi ri Dios kan xkaberuk'isa' roma kere' xaben, y man xataqej ta ri xinbij chawe, xcha'.

Wuj Richin ri Josúe 21:16

Ain, Jutá y ri Bet-semes. Ronojel re' e beleje' tinamit rik'in ri kisoq'olbal ri k'o chupan ri kiruwach'ulew ri e ka'i' tzobaj richin ri Judá y ri Simeón.

Wuj Richin ri Josúe 15:10

Chirij re' ri k'ulba't nuchojmij-el-ri' k'a pa qajbel-q'ij chire ri tinamit ri' y napon k'a rik'in ri jun chik juyu' Seír, y niq'ax k'a chuxikin ri juyu' Jearim, niq'ax-el chuchi' ri xaman; ri chuqa' nibix juyu' Quesalón chire. K'ari' niqaqa-qa pa tinamit Bet-semes y niq'ax-qa k'a pa tinamit Timná.

Wuj Kichin ri To'onela' 11:28

Jak'a ri rey kichin ri winaqi' amonita, kan man xniman ta chire ri ch'abel ri xuteq rubixik ri Jefté.

2 Rey 13:12

Ri ch'aqa' chik rubanobal ri Joás, ri nimalej ruchuq'a' y achike rubanik xuben oyowal rik'in ri Amasías rey richin Judá, ronojel re' kan tz'ibatel kan chupan ri wuj ri akuchi xtz'ibex-wi ronojel ri kibanobal ri rey richin Israel.