2 Rey 14:10 - Kaqchiquel Bible

¹⁰ Kan qitzij na wi chi rat Amasías xe'ach'ek yan ri aj-Edom, y ri awánima kan animirisan y ayon rat aya'on-q'anej aq'ij. Xaxe kak'oje' k'a chiri' pan awachoch. ¿Achike roma naju-awi' pa jun ruk'ayewal, xaxe richin chi yabetzaq rat y ri aj-Judá chuqa'?, xcha' ri Joás rey richin Israel.

2 Rey 14:10 ပူးပေါင်းရင်းမြစ်များ

2 Crón 26:16

Jak'a toq xuna' chi k'o chik ruchuq'a' jebel chupan ri ruq'atbal-tzij, jari' toq janila xunimirisaj-ri', y jari' xbanon chire chi xtzaq. Rija' man xunimaj ta ri rutzij ri Jehová ri ru-Dios, y roma ri' ja rija' xbeporon ri pom pa rachoch ri Jehová pa ruwi' ri porobel.

Deut 8:14

man tiya' q'ij richin ninimirisaj-iwi' rik'in ronojel ri k'o iwik'in, richin man timestaj ri Jehová ri qa-Dios ri xojelesan-pe pan Egipto ri akuchi xqatej-wi poqon y xojxime' pa samaj.

2 Crón 32:25

Jak'a man rik'in ri', rija' xa man xumatioxij ta ri xuben ri Dios rik'in. Xa xpe pa ránima richin janila xunimirisaj-ri', y roma ri' ri Jehová xuya-pe ri royowal pa ruwi' rija' y pa kiwi' konojel ri aj-Judá.

Wuj Richin Etamabel-Tzij 20:3

Ri wineq ri kan man niqa' ta chuwech nuben oyowal, ri yetz'eton richin kan nikiya-wi ruq'ij roma ri'; jak'a ri winaqi' ri xa maneq kina'oj, kan niqa' chikiwech nikiben oyowal.

Wuj Richin Etamabel-Tzij 16:18

Nabey ja ri nimirisanen ri nipe pa ruk'aslen ri wineq, y k'ari' nuben chire chi nibe pa xulan; kan roma k'a ri nunimirisaj-ri', roma ri' toq ri ruk'aslen ri wineq nitzaq.

Wuj Richin Etamabel-Tzij 15:18

Ri wineq ri kan richin wi chi niyakatej royowal, xa nuyek oyowal chikikojol ri winaqi'; jak'a ri wineq ri kan ch'uch'uj ránima, kan nuqasaj ruwi' oyowal.

Wuj Richin Etamabel-Tzij 3:30

Man tiyek ch'a'oj chirij jun wineq ri xa man jun achike roma, toq xa kan man jun achike ta ch'a'oj ri rubanon chiwe.

Santiago 4:6

Y kan janila rutzil nuya' pa qawi'. Achi'el nubij chupan ri ruch'abel ri tz'ibatel kan, chi ri Dios yeretzelaj y man nuk'en ta kiwech ri nikinimirisaj-ki'. Jak'a ri kiqasan-ki' rija' nuya' ri rutzil pa kiwi'.

Santiago 1:9

Y ri qach'alal ri maneq ok k'o kik'in chuwech re ruwach'ulew, xa tikikot k'a ri kánima, roma chuwech ri Dios rije' kan k'o-wi janila kiq'ij.

Wuj Richin ri Habacuc 2:4

Y jare' ri rutzijol ri k'o chi natz'ibaj: Ri winaqi' aj-Babilonia man choj ta kánima, y xa kan janila kinimirisan-ki'. Jak'a ri winaqi' ri yetzeqeliben wichin y man xkinkimalij ta kan roma kikuquban kik'u'x wik'in, kan xtink'en chik kiwech, y roma ri' xkek'ase' xcha' ri Dios.

Ez 38:17

Yin Jehová ninbij: Chawij k'a rat in ch'owineq-pe ri ojer kan toq yech'on pa nubi' ri e q'alajirisey nuch'abel ri ek'o chiri' pan Israel. Rije' kan xkiya' k'a rutzijol ri ojer kan chi xtinben chawe richin no'achapa-el ri nutinamit Israel.

Ez 38:5

Kan xkekachibilaj k'a pe aj-labal aj-Persia, aj-Etiopía y aj-Libia; konojel rije' kik'ualon kitobal y rutobal-kijolon.

Ez 38:2

Rat Ezequiel, kach'on pa nubi' yin rik'in ri Gog rey richin ri tinamit Mésec y ri Tubal chupan ri ruwach'ulew Magog.

Wuj Richin Etamabel-Tzij 26:17

Achi'el jun wineq ri nuchop chi ruxikin jun tz'i', ri niq'ax-el keri'; keri' ri wineq ri nuju-apo-ri' pa jun oyowal y xa man rik'in ta rija' ri oyowal ri'.

Wuj Richin Etamabel-Tzij 25:8

Rat, man jun bey taben chi kan junanin nabebana' ch'a'oj chirij jun wineq, roma wi k'o jun chik wineq ri napon richin k'o niberuq'alajirisaj chawij rat, k'ari' man nawil ta chik ri achike naben pa ruq'a' y xa yak'ixbilan chik chuwech.

Wuj Richin Etamabel-Tzij 17:14

Kan achi'el jun raqen-ya' ri nijaqatej-el, keri' ri oyowal ri nitz'ukutej-el; más utz yatanimej-el chuwech ri oyowal ri' y mani naju-awi' chupan.

2 Crón 35:21

Y ri Necao xeruteq-pe rusamajela' rik'in ri Josías richin xokibij chire: Man kinaneq rat rey richin Judá, roma man chawij ta rat in peteneq-wi. Xa kan rik'in chik jun ruwach'ulew xtinbenbana-wi oyowal. Y ri Dios xubij chuwe chi kan chi'anin tinbana' ri oyowal ri'. Man tapaba-awi' chuwech ri Dios roma kan ja rija' beneq wik'in yin; roma man xa karukamisaj kan, xcha' ri Necao.

2 Rey 14:7

Chuqa' ri Amasías xerukamisaj e 10,000 aj-Edom chiri' kojol juyu' rubini'an Atz'an, y xuch'ek ri tinamit Selá. Y rija' xubij Jocteel chire ri tinamit ri', k'a re wakami.

Ex 8:9

Jari' toq ri Moisés xubij chire ri rey: Xaxe tabij chuwe toq xtawajo' richin nink'utuj chire ri Jehová Dios richin kerelesaj-el re xkalet pan awachoch rat, pa kachoch ri aj-raqen y pa kachoch ri awinaq. Xke'el k'a el pa taq iwachoch y xkek'oje' kan xaxe chupan ri raqen-ya', xcha' ri Moisés.

Wuj Richin ri Habacuc 2:5

Ri winaqi' ri kikuquban kik'u'x rik'in ri kibeyomel, xa nikiq'ol-ki'. Ri wineq ri jantape' nirayin man jun bey nikuqer ruk'u'x rik'in ri k'o rik'in. Achi'el ri jul richin muqbel ri man jun bey nikuqer ta ruk'u'x. Roma ri' yekich'ek ch'aqa' chik tzobaj winaqi' richin ri ruwach'ulew.

Wuj Kichin ri To'onela' 9:52

Xapon k'a ri Abimélec chuchi' ri kachoch ri chajinela', y xuchop oyowal, y kan nuya' yan k'a ruq'aq'al.

Ez 28:5

y chi rik'in ri anojibal kan janila xnimer ri ak'ayij. Roma ri' xach'ob chi xabeyomer janila y ri abeyomel xbe más pa jotol. Y roma ri' xanimirisaj-awi'.

Dn 11:12

Toq ri rey richin Egipto xeruch'ek yan ri janila chi winaqi' aj-Siria, kan janila k'a xtunimirisaj-ri'. Jak'a xa man xtiyaloj ta ri ruchuq'a',