2 Rey 13:5 - Kaqchiquel Bible

⁵ Y xuya' k'a chire ri tinamit Israel jun ri nikolon kichin. Y keri' kan xekolotej pa kiq'a' ri aj-Siria y kan xek'ase' k'a chi utzil pa taq kachoch, achi'el ri kibanon-pe.

2 Rey 13:5 ပူးပေါင်းရင်းမြစ်များ

Wuj Richin ri Nehemías 9:27

Roma ri' xe'ajech pa kiq'a' ri e etzelanel kichin, richin xeya'ox pa tijoj-poqonal. Jak'a toq rije' xesik'in awik'in, rat kan k'a chila' chikaj xawak'axaj-pe ri raqoj-chi'ij ri'. Y roma k'a janila xajoyowaj kiwech, xe'ateq k'a pe koloy kichin, richin chi xekikol pa kiq'a' ri etzelanel kichin.

2 Rey 14:27

Y roma ri Jehová kan man ruch'obon ta richin nrelesaj-el ri tinamit Israel pa ruwi' ri ruwach'ulew, roma ri' kan xerukol k'a. Y ja k'a ri Jeroboam ri ruk'ajol ri Joás ri xucha' richin chi ja rija' yekolo.

2 Rey 14:25

Y ri Jeroboam ruk'ajol ri Joás xuch'ek chik jun bey ri ruwach'ulew Israel ri majon kan, nitiker-el chuchi' ri ruwach'ulew Hamat ri k'o pa xaman, y napon k'a pa Tzayi-Choy. Ronojel re' xbanatej achi'el rubin ri Jehová chire ri Jonás ri q'alajirisey ruch'abel. Ri Jonás ri' ruk'ajol ri Amitai, ri aj-Gat-héfer.

2 Rey 13:25

K'ari' ri Joás ruk'ajol ri Joacaz, xuben chik oyowal rik'in ri Ben-hadad, y xuch'ek oxi' mul. Chuqa' xeruch'ek chik kan ri tinamit ri e rumajon kan ri Hazael.

San Lucas 2:11

wakami chiri' pa Belén, ri rutinamit kan ri rey David, xalex ri ikolonel, y rija' ja ri Cristo ri iwajaw.

Wuj Richin ri Abdías 1:21

Y rije' xkejote' k'a el pa ruwi' ri juyu' Sión richin xtikiq'et-tzij pa kiwi' ri winaqi' e richin ri Esaú. Y ri q'atbel-tzij ri' xtok richin ri Jehová.

Wuj Richin ri Isaías 19:20

Y re' kan xtik'atzin chike ri winaqi' richin jun retal richin chi noqaqa chikik'u'x ri Jehová chiri' pan Egipto. Toq xkech'on rik'in ri Jehová richin nikik'utuj to'onik koma ri yetz'ilo kichin, rija' kan xtuteq k'a pe jun kolonel kichin richin chi yeruto'.

1 Crón 11:2

Y stape' toq ri Saúl k'a k'es na, kan ja rat ri xatuk'uan qichin roj ri oj aj-labal. Chuqa' ri Jehová ri qa-Dios kan rubin k'a chawe chi ja rat ri xkayuq'un richin ri rutinamit y xkatok rey pa qawi', xecha'.

1 Sam 19:7

Y ri Jonatán xroyoj ri David y xutzijoj ronojel chire ri xubij ri rutata', y kan ja rija' xuk'uan-el richin ri David pa rachoch ri Saúl, y xk'oje' rik'in achi'el rubanon kan.

Deut 19:4

Wi jun wineq chaq k'ate' nukamisaj jun chik y xa man jun oyowal chikikojol, rija' ruk'amon chi xtanimej-el y nibe chiri' chupan ri tinamit richin tobel richin nukol-el-ri'.

Ex 4:10

K'ari' ri Moisés xubij chire ri Jehová: ¡Ajaw! Yin xa man xkitikir ta xtinben ri nawajo' rat, roma yin xa kan wichin wi chi man nel ta ok ri nuch'abel. Xa kan keri' ri rubanon kan y man k'a ta re wakami toq rat achapon-pe ch'owen rik'in re asamajel re', xcha'.

Ester 4:14

Wi man jun xtanojij, y man jun xtabij chupan re q'ij re', xkepe ch'aqa' chik winaqi' ri xkekolon qichin roj judío. Jak'a rat xkaken, y keri' xkek'is ri rijatzul ri atata'. ¡Rik'in juba' xa roma ri' xatok kan reina richin yojato' chupan re jun ruk'ayewal re'!, xcha-el ri Mardoqueo chire.

1 Sam 12:11

Roma ri' ri Jehová xeruteq ri Jerubaal, ri Barac, ri Jefté y yin Samuel richin xixqakol pa kiq'a' ri etzelanel iwichin ri ek'o chi'inaqaj. Y keri' rix kan kuqul k'a ik'u'x ix k'es.