2 Rey 13:3 - Kaqchiquel Bible

³ Y ri Jehová kan xyakatej janila royowal pa ruwi' ri tinamit Israel, y k'iy juba' juna' xerujech pa ruq'a' ri Hazael rey richin Siria, y pa ruq'a' ri Ben-hadad ri ruk'ajol.

2 Rey 13:3 ပူးပေါင်းရင်းမြစ်များ

1 Rey 19:17

Kere' k'a xtibanatej kik'in ri winaqi' ri xkiya' kiq'ij ri Baal: Ri Hazael xkeruteq pa kamik chi espada; y janipe' ri xke'animej, k'a pa ruq'a' ri Jehú xketzaq-wi; y wi k'o ta jun ri xtikolotej kan pa ruq'a' ri Jehú, xtiqaqa pa ruq'a' ri Eliseo.

Wuj Kichin ri To'onela' 2:14

Roma ri' ri Jehová xpe janila royowal chikij ri e rijatzul kan ri Israel, y xerujech kan pa kiq'a' eleq'oma' ri kan xe'eleq' kik'in. Xerujech kan pa kiq'a' ri e etzelanel kichin ri ek'o chikinaqaj; y rije' man xetikir ta chik xkipaba-ki' chikiwech.

2 Rey 12:17

Chupan k'a ri q'ij ri' ri Hazael rey richin Siria, xyakatej richin xberubana' oyowal rik'in ri tinamit Gat, y xeruch'ek k'a. Y k'ari' xjote-el richin xberubana' oyowal kik'in ri aj-Jerusalem.

Hebreos 12:29

Roma ri qa-Dios kan achi'el q'aq' ri kan nuk'is ronojel.

2 Rey 13:22

Ri Hazael rey richin Siria kan xeruya' k'a pa poqon ri aj-Israel janipe' xq'aton-tzij ri Joacaz.

Wuj Kichin ri To'onela' 3:8

Y roma ri' ri Jehová kan xyakatej janila royowal chikij y xerujech pa ruq'a' ri Cusán-risataim, rey richin Mesopotamia; y kan xkisamajij waqxaqi' juna'.

Deut 28:25

Ri Jehová kan xtuben chi xkixrujech pa kiq'a' ri e etzelanel iwichin, y rix xkixanimej-el chikiwech. Xa kan itzel k'a xkixtz'et koma konojel ri winaqi' richin ri ruwach'ulew.

Wuj Richin ri Chojmirisabelri'il 26:17

Yin xkiyakatej k'a chiwij y kan xkixch'akatej k'a pa kiq'a' ri etzelanel iwichin y ja rije' ri xkek'oje' pan iwi'; y rix xkixanimej k'a, stape' man jun oqotayon iwichin.

Wuj Richin ri Jeremías 49:27

Kan xtinbenya' ruq'aq'al ri tz'aq ri k'o chirij ri itinamit y re' kan xtuk'is chuqa' ri rachoch ri rey Ben-hadad ri akuchi niq'aton-wi-tzij, xcha' ri Dios.

Am 4:10

Xinteq-pe nimalej taq yabil pan iwi' achi'el ri xinya' pa kiwi' ri aj-Egipto, Xinben chi ri alaboni' xeken kan chupan ri labal. Chuqa' ri e etzelanel iwichin xkimej kan ri ikiej. Xinben chi xiseq kichuwil ri kaminaqi' ri chiri' ri akuchi ixk'o-wi-qa. Man rik'in ri' man xtzolej ta pe ik'u'x wik'in. Yin Jehová ri yibin.

2 Rey 17:20

Roma ri' ri Jehová xeretzelaj k'a chijun rijatzul kan ri Israel, y kan xeruya' pa poqon, y kan xerujech pa kiq'a' ri itzel taq achi'a' y kan xerelesaj-el chiri' pan Israel.