2 Rey 13:25 - Kaqchiquel Bible

²⁵ K'ari' ri Joás ruk'ajol ri Joacaz, xuben chik oyowal rik'in ri Ben-hadad, y xuch'ek oxi' mul. Chuqa' xeruch'ek chik kan ri tinamit ri e rumajon kan ri Hazael.

2 Rey 13:25 ပူးပေါင်းရင်းမြစ်များ

2 Rey 10:32

Chupan ri q'ij ri' ri Jehová xuchop nrelesaj ri ruwach'ulew Israel roma ri Hazael rey richin Siria.

2 Rey 14:25

Y ri Jeroboam ruk'ajol ri Joás xuch'ek chik jun bey ri ruwach'ulew Israel ri majon kan, nitiker-el chuchi' ri ruwach'ulew Hamat ri k'o pa xaman, y napon k'a pa Tzayi-Choy. Ronojel re' xbanatej achi'el rubin ri Jehová chire ri Jonás ri q'alajirisey ruch'abel. Ri Jonás ri' ruk'ajol ri Amitai, ri aj-Gat-héfer.

2 Rey 10:33

Ri Hazael xuchop ronojel ruwach'ulew ri k'o pa relebel-q'ij chire ri raqen-ya' Jordán, nitiker-pe pa tinamit Aroer ri k'o chuchi' ri raqen-ya' Arnón, y xapon k'a pa Galaad y pa Basán. Re ruwach'ulew re' xkichinaj kan ri Gad, ri Rubén y ri nik'aj tzobaj richin ri Manasés.

2 Rey 13:3

Y ri Jehová kan xyakatej janila royowal pa ruwi' ri tinamit Israel, y k'iy juba' juna' xerujech pa ruq'a' ri Hazael rey richin Siria, y pa ruq'a' ri Ben-hadad ri ruk'ajol.

2 Rey 13:5

Y xuya' k'a chire ri tinamit Israel jun ri nikolon kichin. Y keri' kan xekolotej pa kiq'a' ri aj-Siria y kan xek'ase' k'a chi utzil pa taq kachoch, achi'el ri kibanon-pe.

2 Rey 13:24

Y toq xken ri Hazael, ri xk'oje' kan pa ruk'exel ja ri Ben-hadad ri ruk'ajol.

1 Rey 20:29

Wuqu' k'a q'ij xek'oje' chiri' nikitzula-ki', y k'a ja chupan ri wuqu' q'ij xchapatej ri oyowal. Ri achi'a' israelita e richin oyowal, ri q'ij ri', xekikamisaj k'a e 100,000 aj-labal aj-Siria ri e beneq chikaqen.