2 Rey 13:23 - Kaqchiquel Bible

²³ Jak'a ri Jehová kan xujoyowaj kiwech ri aj-Israel, y kan xeruto' chupan ri ruk'ayewal ri' roma ri jikibel-tzij ri xuben ojer kik'in ri Abraham, ri Isaac y ri Jacob. Y k'a re wakami, man e rumalin ta kan, ni man e ruk'ison ta el chuwech re ruwach'ulew.

2 Rey 13:23 ပူးပေါင်းရင်းမြစ်များ

Wuj Richin Bix Chire ri Dios 105:8

Rija' kan jantape' noqaqa chuk'u'x ri jikibel-tzij ri rubanon. Noqaqa chuk'u'x ri ruch'abel ri rubin pa kiwi' ri chi sol chi sol winaqi'.

2 Rey 14:27

Y roma ri Jehová kan man ruch'obon ta richin nrelesaj-el ri tinamit Israel pa ruwi' ri ruwach'ulew, roma ri' kan xerukol k'a. Y ja k'a ri Jeroboam ri ruk'ajol ri Joás ri xucha' richin chi ja rija' yekolo.

Wuj Richin Bix Chire ri Dios 86:15

Jak'a rat ajaw kan at Dios joyowanel y koch'onel, man chi'anin ta k'a nipe awoyowal y ri awajowabal kan man jun bey xtik'is y rat man jun bey yojamalij kan.

2 Rey 24:20

Ri Sedequías xyakatej chirij ri rey richin Babilonia. Y jari' ri xbanon chi xyakatej royowal ri Jehová pa ruwi' ri Jerusalem y ri Judá, y xuben chi kan xeruk'is.

2 Rey 17:18

Roma ri' ri Jehová kan xyakatej k'a janila royowal rik'in ri tinamit Israel. Kan xerelesaj-el pa ruwach'ulew Israel richin xeruya' chik juk'an ruwach'ulew, y xaxe k'a ri ruwach'ulew Judá xk'oje' kan chiri'.

1 Rey 8:28

Man rik'in ri', tabana' utzil kinawak'axaj toq yin ri in asamajel yich'on-q'anej awik'in, toq nink'utuj janila utzil chawe richin najoyowaj nuwech. ¡Jehová Dios! Tawak'axaj k'a ri nuraqoj-chi'ij, y ri ch'owen ri ninben chawe yin ri in asamajel, chupan re q'ij re'.

2 Tesalonicenses 1:9

Ri rutojbalil ri xtiya'ox chike kan richin jantape'. Y xke'elesex k'a el nej chire ri ajaw y chire ri ruk'ojlemal y ruchuq'a'.

San Mateo 25:41

Y jari' chuqa' toq yin xtinbij chike ri ek'o pa wajxokon: Rix xa ruk'ayewal ri iwoyoben chi niqaqa pan iwi'. Kixel k'a el chinuwech y kixbiyin pa q'aq' ri man jun bey xtichup, ri banon richin ri Itzel-Wineq y ri e ru-ángel.

Wuj Richin ri K'uxla'anik 3:32

Stape' xuben chiqe chi xqaq'axaj tijoj-poqonal, xa kan nujoyowaj chik k'a qawech, roma ri rajowabal man jun bey xtik'is.

Wuj Richin ri Jeremías 12:15

Jak'a toq xenwelesaj yan el ri ch'aqa' chik winaqi' ri', jari' toq xtinjoyowaj kiwech y xtinben chike richin xketzolin pa taq kitinamit richin ri kiruwach'ulew.

Wuj Richin Bix Chire ri Dios 51:11

Man tawelesaj-el ri Loq'olej Espíritu wik'in. Chuqa' man yinaya' kan nej.

Wuj Kichin ri To'onela' 10:16

Y rije' kan man xekisamajij ta chik ri dios ri ek'o chikikojol, y xkiya' ruq'ij ri Jehová. Y rija' xq'axon ránima roma ri ruk'ayewal ri nikiq'axaj ri rutinamit.

Deut 32:36

Toq ri Jehová xtutz'et chi ri iwuchuq'a' xa xk'is yan y man yixtikir ta chik nito-iwi', jari' toq xtiyakatej rija' richin xkixruto'. Y toq xtutz'et chi kan man jun chik nito'on iwichin y jujun chiwe rix ix ximil chik pa samaj, jari' toq xtujoyowaj iwech rix rusamajela'.

Wuj Richin ri Chojmirisabelri'il 26:42

Chirij ri' k'ari' xtoqaqa chinuk'u'x ri nujikibel-tzij ri nubanon rik'in ri Jacob, ri Isaac, y rik'in ri Abraham, chuqa' xtoqaqa chinuk'u'x ri ruwach'ulew.

Ex 33:19

Jari' toq ri Jehová xubij chire ri Moisés: Wakami k'a xkiq'ax y rat kan xtawetamaj nuwech chi yin kan in utz wi y xtinq'alajirisaj ri nubi' chawe. Roma yin kan ninjoyowaj-wi ruwech ri ruk'amon richin ninjoyowaj ruwech y ninpoqonaj ruwech ri ruk'amon richin ninpoqonaj ruwech.

Wuj Richin ri Rutikeribel 6:3

Y ri Jehová xubij: Man richin ta jantape' xtik'oje' ri k'aslen rik'in ri wineq ri xinya' chire pa nabey, roma ja ri rurayibel ri ch'akulaj ri uk'uayon kichin. Xaxe chik 120 juna' xke'apon-wi chuwech re ruwach'ulew, xcha'.

2 Rey 13:24

Y toq xken ri Hazael, ri xk'oje' kan pa ruk'exel ja ri Ben-hadad ri ruk'ajol.

2 Rey 13:4

K'ari' ri Joacaz xuk'utuj utzil chire ri Jehová, y ri Jehová kan xrak'axaj, roma xutz'et ri poqonal ri nuk'owisaj ri tinamit Israel, roma ri rey richin Siria.

2 Rey 14:26

Y ri Jehová xutz'et k'a ri nimalej poqonal ri nuk'owisaj ri tinamit Israel, y chiri' kan man jun nikolon kichin, stape' jun samajel yuqul pa samaj o man samajel ta.

2 Rey 17:20

Roma ri' ri Jehová xeretzelaj k'a chijun rijatzul kan ri Israel, y kan xeruya' pa poqon, y kan xerujech pa kiq'a' ri itzel taq achi'a' y kan xerelesaj-el chiri' pan Israel.

2 Rey 17:23

Y roma ri' ri Jehová kan xerelesaj k'a el chiri' chupan ri kiruwach'ulew, achi'el rubin chike ri rusamajela' ri e q'alajirisey ri ruch'abel. Y ri israelita xeq'axex chupan ri ruwach'ulew Asiria k'a re wakami.

Wuj Richin Bix Chire ri Dios 78:38

Man rik'in ri' ri Dios kan nujoyowaj kiwech, kan nukuy k'a ri kimak y kan man yeruk'is ta; k'iy k'a mul xuq'et ri royowal y kan man xuya' ta pe pa kiwi'.

Wuj Richin Bix Chire ri Dios 105:9

Re', jare' ri jikibel-tzij ri xuben rik'in ri Abraham, ri ya'on tzij ri xuben rik'in ri Isaac.

Wuj Richin Bix Chire ri Dios 106:45

Kan xuch'ob pa ruwi' ri jikibel-tzij ri rubanon kik'in. Y roma ri janila chi rajowabal kan ja ri utz ri xuben kik'in.