2 Rey 13:17 - Kaqchiquel Bible

¹⁷ Y xubij chire chi tujaqa' ri ventana ri nitzu'un pa relebel-q'ij. Y toq xujeq, xubij chik chire chi tuk'aqa' ri ch'ab ri'. Y ri Joás kan xuk'eq. K'ari' ri Eliseo xubij chire: Ja ko'ol raqen ch'ab re' ri nuk'exewachuj ri kolotajik ri xtuya-pe ri Jehová. Y jare' ri xkech'ako ri aj-Siria chiri' pa tinamit Afec, y kan xkek'is, xcha'.

2 Rey 13:17 ပူးပေါင်းရင်းမြစ်များ

1 Rey 20:26

Y toq q'axineq chik k'a jun juna', ri rey Ben-hadad xerumol k'a konojel ri aj-labal aj-Siria ri ek'o rik'in, y k'ari' xbe-el pa tinamit Afec richin niberubana' oyowal kik'in ri aj-Israel.

1 Corintios 1:18

Ri tijonik pa ruwi' ri rukamik ri Cristo chuwech ri cruz, kan uchuq'a' ri nipe rik'in ri Dios chiqe roj ri qachapon bey richin kolotajik. Jak'a ri winaqi' ri xa pa tojbel-mak kichapon bey, chike rije', ri tijonik ri' xa ch'ujerik.

2 Sam 5:24

Y ri Dios xubij k'a chi ri David k'o chi nroyobej k'a toq xtrak'axaj chi achi'el k'o ri nibiyin pa kitum ri che' ri'. K'ari' toq ri David xtijote-el chi'anin chikij, roma jari' xtik'o-el ri Jehová chikiwech richin yerukamisaj ri achi'a' aj-Filistea.

1 Sam 4:1

Y k'o k'a jun q'ij ri aj-Filistea xbekibana' oyowal kik'in ri israelita y xkimol-ki' chunaqaj ri tinamit Afec. Jak'a ri israelita kimolon-ki' pa tinamit Eben-ézer.

Ex 4:17

Tak'uaj-el re ach'ame'y, roma rik'in re' xtaben nima'q taq banobel, xcha' ri Dios chire ri Moisés.

Ex 4:2

Y ri Jehová xuk'utuj chire chi achike ruk'uan pa ruq'a'. Y ri Moisés xubij: Jun nuch'ame'y, xcha'.

2 Rey 13:16

K'ari' xubij chire chi tuchojmirisaj-ri' richin nuk'eq ri ruch'ab. Y ri rey kan keri' k'a xuben. Chirij ri' ri Eliseo xuya' ri ruq'a' chirij ri ruq'a' ri rey.

2 Rey 13:18

Y ri Eliseo xubij chire chi tuchapa' ri kokoj raqen ch'ab. Y toq ri Joás xuchop yan, ri Eliseo xubij chire chi tukajij ri ulew. Y rija' xaxe oxi' mul xukajij, y man xuben ta chik.

1 Rey 20:29

Wuqu' k'a q'ij xek'oje' chiri' nikitzula-ki', y k'a ja chupan ri wuqu' q'ij xchapatej ri oyowal. Ri achi'a' israelita e richin oyowal, ri q'ij ri', xekikamisaj k'a e 100,000 aj-labal aj-Siria ri e beneq chikaqen.