2 Rey 13:16 - Kaqchiquel Bible

¹⁶ K'ari' xubij chire chi tuchojmirisaj-ri' richin nuk'eq ri ruch'ab. Y ri rey kan keri' k'a xuben. Chirij ri' ri Eliseo xuya' ri ruq'a' chirij ri ruq'a' ri rey.

2 Rey 13:16 ပူးပေါင်းရင်းမြစ်များ

Wuj Richin Bix Chire ri Dios 144:1

Nimalej ruq'ij ri Jehová, ri nuto'onel; ri kan nuben chuwe richin yitikir ninben oyowal.

2 Rey 4:34

K'ari' xjote-q'anej pa ch'at y xjupe-qa pa ruwi' ri ak'ual. Xuya' ri ruchi' pa ruwi' ri ruchi' ri ak'ual, y ri runaq'-ruwech pa ruwi' ri runaq'-ruwech, y ri ruq'a' xuya' pa ruwi' ri ruq'a'; y keri' xjupe-qa pa ruwi'. K'ari' ri ruch'akul ri ak'ual xbemeq'e-pe.

Wuj Richin ri Rutikeribel 49:24

Jak'a rija' kan kow xk'oje' y kan k'o ri ruk'aqbal-ch'ab pa ruq'a', kan xketamaj-wi xkikusaj jebel ri kiq'a', roma ri nu-Dios yin Jacob, ri k'o ronojel uchuq'a' pa ruq'a'; roma ja ri wajyuq' y ri nuto'onel yin Israel, ri k'o rik'in.

2 Rey 13:15

Y ri Eliseo xubij chire chi tuchapa' ri rute-ruch'ab, y jujun kokoj raqen ch'ab. Y ri rey kan keri' xuben.

2 Rey 13:17

Y xubij chire chi tujaqa' ri ventana ri nitzu'un pa relebel-q'ij. Y toq xujeq, xubij chik chire chi tuk'aqa' ri ch'ab ri'. Y ri Joás kan xuk'eq. K'ari' ri Eliseo xubij chire: Ja ko'ol raqen ch'ab re' ri nuk'exewachuj ri kolotajik ri xtuya-pe ri Jehová. Y jare' ri xkech'ako ri aj-Siria chiri' pa tinamit Afec, y kan xkek'is, xcha'.